28/07/2025
حافظ آباد میں مون سون کے اثرات نمودار ہونے لگے، شہر بھر میں وبائی امرض نے پنچے گاڑنا شروع کر دیے🤧
چند روز قبل ہونے والی بارشوں کے بعد شہر کے مختلف علاقوں میں گندا پانی اب تک جمع ہے جس کے باعث وبائی امراض کا پھیلاؤ شروع ہو گیا ہے۔
شہر اور گرد و نواح میں چکن پاکس، ڈائریا، خارش، نزلہ، زکام اور بخار جیسے امراض تیزی سے پھیل رہے ہیں۔
صفائی اور نکاسی آب کے مسائل نے شہریوں کی پریشانیوں میں مزید اضافہ کر دیا ہے۔
چکن پوکس سے بچاؤ کے لیے بچوں کو صاف ستھرا رکھیں، کپڑوں اور بستر کی صفائی کا خاص خیال رکھیں، اور متاثرہ افراد سے میل جول محدود کریں تاکہ بیماری نہ پھیلے۔ ڈائریا کی صورت میں صرف صاف، ابلا ہوا یا فلٹر شدہ پانی استعمال کریں اور کھانے پینے کی اشیاء کو ڈھانپ کر رکھیں۔ بچوں کو بازاری اشیاء کھانے سے روکیں۔ بارش کے پانی اور گندگی سے دور رہیں، خاص طور پر گلیوں اور جوہڑوں کے قریب جانے سے پرہیز کریں۔ اگر علامات ظاہر ہوں تو فوری طور پر قریبی صحت مرکز سے رجوع کریں تاکہ بروقت علاج ممکن ہو سکے۔
