15/06/2026
အက်မင်တို့ ဂျပန်ပစ္စည်းတွေရောင်းလို့ ဂျပန်အကြောင်း နောကျေနေပြီထင်ကြမှာစိုးလို့… 😌
မင်မင် ဂျပန်ရောက်တဲ့ ပထမဆုံးရက်က အမှတ်တရလေး ပြောပြဦးမယ်🤭
Tokyo ကို အခုမှ စရောက်ဖူးတာဆိုတော့ အကုန်လုံးက အဆန်းတွေချည်းပဲလေ 😍
ကျည်ဆန်ရထားကြီး “ဝူးးးးးဝေါ” ဆို ဖြတ်သွားတာမြင်တော့…
“ဟာ… မိုက်လိုက်တာ!” 😲
(ငယ်ငယ်က လယ်ထဲကနေ ကောင်းကင်ပေါ်က လေယာဉ်ပျံကို လက်ပြပြီး “တာ့တာ” လုပ်ခဲ့တဲ့ feeling နဲ့ တူတူပဲ 🤣)
ကိုယ့်အသံ tone ရဲ့ ၁၀ ပုံ ၁ ပုံလောက်ပဲ အသံထွက်တဲ့ ဂျပန်မလေးတွေ ဘေးနားက ဖြတ်သွားတာမြင်တော့လည်း…
“သူတို့က အစစ်တွေပေါ့နော်” ဆိုပြီး အံ့ဩရသေး 🥰
(တအားချစ်စရာကောင်းပံုများ)
Sakura ပင်တွေ တွေ့တော့လည်း လှချက်ပဲအေ 🌸
အမလေး… တောင်ကြီးက Cherry ပင်တွေ ဂျပန်ရောက်မှ ပိုလှသွားတယ်တောင် ထင်မိသေးတာ 🤧
ကဲ “ဂျပန်ရောက်ပြီဆိုတော့ ရိုးရာမပျက် Kimono လေး ဝတ်မယ်ပေါ့” 👘
Budget လည်း ကြည့်ရသေးတော့ ဓာတ်ပုံဆရာ မခေါ်လိုက်ဘူး။
အိမ်က အမအပျိုကြီးက
“ငါ့ကို ယုံလိုက်! ငါရိုက်ပေးမယ်” တဲ့ 😬
အဲ့ဒါနဲ့ Kimono ဝတ်ပြီး နာမည်ကြီးနေရာတွေမှာ ပုံပေါင်း ၆၁၈ ပုံလောက် ရိုက်ခဲ့ကြတာပေါ့ 🤣
ပိုစ့်တွေပေးလိုက် ရိုက်လိုက်လုပ်နေကြရင်း
ပုံထဲက နေရာရောက်တော့ အမက
“ဟိတ်! လုပ်လုပ်… လူရှင်းတုန်း မြန်မြန် pose ပေး! ဒီနေရာက နာမည်ကြီးလို့ လူရှင်းတာ ရှားတယ်” တဲ့။
ကိုယ်လည်း ဘာနာမည်ကြီးတာလဲ မသိဘူးလေ။
“မြန်မြန် pose ပေး” ဆိုတော့ pose အရင်ပေး၊ ဓာတ်ပုံရိုက်ပြီးမှ နောက်လှည့်ကြည့်လိုက်တာ…
စိတ်ထဲမှာ
“အော်… ဂျပန်တွေက ချော်ကီးကိုတောင် ရွှေရောင်သုတ်ပြီး အလှထားကြတာလား 🤔
ဘယ်သူ့ချော်ကီးမို့ ဒီလောက် နာမည်ကြီးတာပါလိမ့်?” ဆိုပြီး တွေးမိနေတယ် 🤣
ဒါပေမယ့် အဲ့မေးခွန်းက ခေါင်းထဲက မထွက်ဘူး။
နောက်ဆုံး မနေနိုင်တော့ဘဲ အမကို မေးချလိုက်တယ်။
“မချမ်း… အဲ့ရွှေရောင်ချော်ကီးက ဘယ်သူ့ချော်ကီးမို့ အပေါ်မှာ တင်ထားပြီး နာမည်ကြီးနေတာလဲ?” 😳
အဲ့တော့ အမက…
“ဟဲ့! ဘယ်က ရွှေချော်ကီးလဲ! အဲ့ဒါ Asahi Beer ကြော်ငြာက ဘီယာအမြှုပ်ပုံဟဲ့!” 🍺
ဆိုတော့…
သော်ကေးထွက်မတတ် ရီလိုက်ရတာ 🤣🤣🤣
ခုတွေးရင် ခုရီချင်တယ် တော်ကြာမှတွေးရင် တော်ကြာမှရီချင်တယ် 🤣
ဒါပေမယ့်…
ဘယ်သူတွေ ဘယ်လိုပဲ “ဘီယာအမြှုပ်ပုံ” လို့ ပြောပြော
တစ်ခုခုဆံုကြတွေ့ကြ နေရာမေးကြတိုင်း
“ဟိုချော်ကီးတုံးနား “ ဆိုတာပဲပြောတာ
ကျမအတွက်တော့
Once ချော်ကီးတုံး, Always ချော်ကီးတုံး ပါပဲ 🤣🤣
