04/06/2026
රසම රස වටලප්පම් එක හැදුනේ මෙහෙමයි...
අවශ්ය ද්රව්ය
කිතුල් හකුරු ග්රෑම් 150ක්
වතුර මිලිලීටර් 150ක්
දුඹුරු සීනි ග්රෑම් 50 ක්(සුදු සීනි වුවද භාවිතා කළ හැක )
ටින් කිරි මේස හැඳි 5ක්(milkmaid )
බිත්තර 5ක්
එනසහල් ඇට පහක්
සාදාගන්නා ආකාරය
ග්රේට් කරගත් හකුරු,වතුර සහ සීනි එකට එකතු කර භාජනයක් ලිප තබා අඩු ගින්දරේ නොනවත්වා හැඳි ගාමින් හකුරු සහ සීනි හොඳින් දිය කර ගන්න,මිශ්රණය මදක් කලු කරගන්න,(ලිපේ ගින්දර වැඩි කර ගන්න එපා මිශ්රණය ගොඩක් කළු වුනොත් වටලප්පම් එකේ තිත්ත රසක් මතුවෙයි)හකුරු මිශ්රණය හොඳින් නිවෙන්නට තබන්න,බිත්තර ටික ගෙන විනාඩි පහක් හයක් පමණ හොඳින් ගසාගන්න.(බිත්තර හොඳින් ගසා ගැනීම තුළින් වටලප්මේ හොඳින් හිල් මතුවී රසය ද වැඩි කරයි )ඉන්පසු එයට කුඩුකර ගත් එනසහල් සහ ටිංකිරි ටික ද එකතු කර නැවතත් හොදින් මිශ්ර කරගන්න,එම මිශ්රණය හොඳින් නිවුණු හකුරු මිශ්රණයට එකතු කර හොඳින් කලවම් කරගන්න.ඉන්පසු බටර් තවරාගත් භාජනයකට හොඳින් පෙරා ගෙන වටලප්පම් මිශ්රණය එකතු කරගන්න.භාජනයේ කට හොඳින් සිල් කොට(මේ සදහා ඔබට ෆෝයිල් පෙපර්ස් භාවිතා කළ හැක) පැය භාගයක් හෝ විනාඩි 45 ක් පමණ හොඳින් ස්ටීම් කරගන්න..❤
ස්තුතියි
