عايشة بدعوة ميمتي

10/09/2025

04/06/2025

10/03/2025

بطاطا محشية في الفرن:
5 حبات بطاطا نحفروهم بالملعقة نملحوهم و نفوروهم مدة 10د مش لازم يطراو بزاف .
نحضر اللحم المفروم اللي يحب يقليه او كيما انا استعملتو مباشرة مع المعدنوس ثوم فلفل اسود ملح فتات الخبز و ملعقتين من الكريم فراش بش يجي طري و قليل من الماء عجنتهم و شكلت كويرات .
3او 4حبات طماطم مرابية سنينتين ثوم ملح فلفل اسود ، بابريكا و قصبر ، و التوابل اللي تحبو عليها حتى حبق او زعتر ملعقتين زيت زيتون او عادي و ملعقة طماطم صغيرة مصبرة نخلط و نضع مباشرة في قالب و نحشي البطاطا و نستفها . يمكن التزيين مباشرة بالجبن المبشور .
كانت عندي شوية بيشاميل غطيت بيها البطاطا و وضعت الجبن .
اما الصلصة زدتلها صلصة بولونييز كانت فضلتلي من اللازانيا.
طيبتهم في فرن 180 لمدة 20 دقيقة من فوق .
Académie Karima bouaricha اكادمية كريمة بوعريشة

10/03/2025

حشوات البوراك 🥟🌙🌯 كاااااااااااملين
اكثر من 17حشوة بوراك
تحتاجيهم للتنويع في #رمضان 2025 ربي يبلغنا اياه

🥣بطاطا مفورة ارحيها زيديلها ملح فلفل اكحل معدنوس وفرماج
🥣بطاطا مفورة ارحيها زيديلها ملح فلفل اكحل بصلة تكوني ذبلتيها ف زيت حتى تتكرمل + علبة تونة بالزيت
🥣 مورصو دجاج طيبيه ف الما وورقة رند كي يطيب فتتيه زيديلو بيشامال ثقيلة اكديلي على ثقيلة و فرماج
🥣 بطاطا مفورة أمرسيها بفرشيطة زيديلها مورصو كاشير يكون نوعية مليحة ولا پاتي مسكرفج و لمي بشوي فرماج
🥣 سلق مفور ومعصووور مليح حمسيه ف زيت وملح فلفل اكحل زيديلو زيتون ايفيلي وحبة بطاطا مرحية وفرماج
🥣 طيبي شوي روز زيديلو علبة تونة تع طماطم وفرماج
🥣 فيونداشي حمسيه بالبصل وملح فلفل اكحل فقسي عليه زوج بيضات وخلطي كي يطيب البيض زيدي فرماج
🥣 بطاطا مفورة ارحيها زيديلها زوج بيضات مغليين ومسكرفجين والفرماج ملح فلفل اكحل و حشيش مقطع
🥣ماعندك لا لحم لا طون سكرفجي كورجات وجزر قلي حبة بصل مسكرفجة زيديلها الخضرة و ملح فلفل اكحل خليهم يطيبو حتى ينشفو وزيدي فرماج
🥣 حمسي بصلة حتى تذبل تبليها زيديلها علبة تونة طماطم و خضار مفورة مربعات ملح فلفل اكحل
🥣 كبدة دجاج اقليها فتتيها زيديلها بطاطا مغلية مرحية وتوابل وحشيش وفرماج
🥣 بقاتلك المعقودة فتتيها زيديلها فرماج واحشي بيها
🥣 بقاتلك الغراتان فتتيها زيدليها فرماج وحشيش واحشي بيها لا للتبذير
🥣 ارحي شوي دجاج حمسيه مع بصل مسكرفج وتوابل الشاورما كي يطيب زيديلو بيض مغلي مسكرفج وجبن
🥣 غلي بطاطا وجزر كي يطيبو ارحيهم وتبليهم زيدلهم طون وفرماج
🥣 لي يحبو الحار ارحي بطاطا مفورة زيديلها دجاج مرحي مقلي بالملح وفلفل اسود زيدي مغيرفى هريسة وحشيش مقطع وحبتين فرماج

10/03/2025

07/03/2025

14/02/2025

رولي دجاج بنة 😋 😋 خبوها لرمضان 😍😍
طريقة التحضير:
بالنسبة لرولي الدجاج نرحي صدر دجاج نزيدلو حبة بيض و ملعقة كبيرة شابلير و معدنوس و فلفل أسود و ثوم مرحي و زنجبيل و كركم و ملعقة كبيرة موطارد و ملعقة كبيرة زيت نخلط المكونات جيدا ثم نجيب بابي فيلم و نفتح الخليط تاعي و ندير الفرماج على الأطراف و نرولي و نغلق البابي فيلم جيدا على الأطراف و نزيد نلفو بألمنيوم و نحطو في كسكاس يفور مدة نصف ساعة حتى 45 د بعد ما يفور نزيد نحمرو في مقلاة
بالنسبة لاصوص بلونش في قدر ندير شوي زيت و بصل و ثوم و قفص الدجاج و نقلي جيدا ثم نضيف الفلفل الأكحل و الملح و نخلط جيدا ثم نضيف الزيتون و الجزر و نمرق بالماء الساخن و نخليه يطيب و نقدمو مع رولي
و بالصحة و العافية 💛💛