25/09/2024
بتحبو البرغر مع جبنة وللا بدون؟🍔
اعملي برغر بالبيت وبيطلع معك أطيب من شغل المحلات بمراحل😋
والسر بالصوص المميز اللي رح يغير مفهومك للبرغر العادي🤭
الحقيني عالمطبخ لخبرك الوصفة💃🏻
✨️المكونات:
لحم بقري مفروم
ثوم بودرة
بصل بودرة
بابريكا
فلفل
ملح
الصوص:
مايونيز
كاتشب
خردل
مخلل مفروم
عصير المخلل (ماء المخلل)
✨️الطريقة:
🍔عجنت اللحمة مع التوابل (ما بعجنها زيادة مشان ما تخسر اللحمة سوائل وتطلع ناشفة وقاسية).
🍔شكّلت اللحمة على شكل كرات وحطيتها بالبراد لبينما جهّزت باقي مكونات البرغر.
🍔جهّزت الصوص وشرائح بندورة وبصل ومخلل وورق خس.
🍔فردت اللحمة بين ورقتين زبدة وضغطتها بصحن لحتى صارت مسطحة بسماكة 1 سم.
🍔بمقلاية حامية قليت لحمة البرغر لمدة دقيتين تقريباً لكل جهة.
🍔بعدما قلبتها عالوجه التاني حطيت شرائح جبنة تشيدر لمدة آخر دقيقة وغطيت المقلاية لحتى تدوب الجبنة.
*فيني استغني عن هي الحركة بإني حط شريحة الجبنة على لحمة البرغر بعدما شيلها من المقلاية فوراً لحتى حرارة اللحمة تدوّب الجبنة.
🍔بنفس مقلاية البرغر شوّحت خبزة البرغر شوي لحتى تبقى طرية وما تتشرب الصوص.
🍔رتبت طبقات البرغر (صوص، قطعتين لحمة مع جبنة، مخلل، خس، بندورة، بصل، وزيادة صوص على الخبزة اللي من فوق) 😋
وعوافي🥰
إذا جربتيها خبريني رأيك بالتعليقات❤️
واحكيلي شو طريقتك الخاصة لتحضير البرغر؟🍔
ناطرتك عالوصفة الجاية☕️
#وصفات
Aesthetic, Slow living, slow life, cozy home, baking is therapy, cooking is therapy, cleaning, household, comfort food, content creation.
