15/02/2026
په کاروبار کې شوق او علاقمندي ډيره مهمه ده ،که ته يو کاروبار کوې خو شوق او علاقمندي ورسره نه لرې نو دا کار به هېڅکله ښه نتجه ورنکړي.
او د کاروبار د کاميابۍ اندازه هم ستا د شوق په اندازې پورې اړه لري،يعنې هر څومره چې ستا شوق او علاقمندي زياته وي په همغه اندازه به ستا د کار کاميابي هم زياته وي.
پدې هکله به يو عملي مثال درکړم
نن د کونړ ولايت د پېج درې ولسوالۍ اړوند د مرسل خصوصي ښوونځي افتتاحیه مراسمو ته دعوت شوی وم ،ددې ښوونځي مدير ښاغلی کليوال صيب په علم او تعلیم باندې مين شخص دی،هغه د وطن د ماشومانو لپاره د معياري تعليمي ادارې ارمانجن وو،رامنځته يي کړه او نن ددغې تعليمي ادارې افتتاح وه.
د افتتاح مراسم ساده وو،خو کله چې مراسم خلاص شول والدينو ډير ماشومان د داخلې لپاره راوستي وو،تقريبا تر دېرشو پورې ماشومانو په لومړۍ ورځ داخله وکړه ، چې دا شمېره له توقع څخه لوړه وه.
مدير صاحب راته وویل: ما فکر کاوه چې پنځه يا شپږ تنه به داخله وکړي خو الحمدلله زما له توقع زياتو زده کوونکو داخله وکړه.
ما ورته وويل دا ستا د شوق او علاقمندي نتجه ده.
نتجه:- ته چې خپل کاروبار ته په کوم نظر ګورې نور خلک هم ورته په همغه نظر ګوري
