02/07/2026
Sot morëm pjesë në takimin e zhvilluar në Belsh, ku patëm mundësinë të shohim nga afër rezultatet e mbështetjes së dhënë për zhvillimin e zinxhirit të vlerës së vajit të ullirit.
Në këtë aktivitet ishim të pranishëm si përfaqësues të SHBB Lushnja Olive Oil Union, ku u diskutua mbi rëndësinë e bashkëpunimit ndërmjet institucioneve, sipërmarrjeve dhe aktorëve të sektorit të ullirit, me synim rritjen e cilësisë, konkurrueshmërisë dhe zhvillimit të qëndrueshëm të këtij sektori.
Takimi u zhvillua në kuadër të Projektit të Përbashkët të OKB-së “Bashkëpunimi me Sipërmarrjen dhe Zgjidhjet për Objektivat e Zhvillimit të Qëndrueshëm”, financuar nga Ambasada e Suedisë në Tiranë dhe zbatuar nga UNDP dhe FAO, në partneritet me ILO dhe UNIDO.
Jemi krenarë që Fabrika e Vajit të Ullirit ALSA ka qenë pjesë e projektit Grow Your Business (GyB) gjatë vitit 2025, duke përfituar mbështetje dhe duke kontribuar në forcimin e sektorit të vajit të ullirit në Shqipëri.
Fabrikë Vaj Ulliri ALSA
Ervin Xhebexhiu
