03/06/2026
Misër, fasule dhe kungull. A e dini pse i mbjellim bashkë?
Kjo metodë njihet si “Tre Motrat” dhe përdorej prej shekujsh nga popujt indigjenë të Amerikës. Nuk është rastësi që këto tre bimë rriten kaq mirë pranë njëra-tjetrës.
Misri shërben si mbështetje natyrale për fasulet ngjitëse, duke shmangur nevojën për hunj apo tela.
Fasulet kanë aftësinë të fiksojnë azotin nga ajri në tokë përmes baktereve që jetojnë në rrënjët e tyre. Kjo ndihmon jo vetëm fasulet, por edhe kulturat përreth.
Kungulli mbulon tokën me gjethet e tij të mëdha, duke ruajtur lagështinë, duke ulur barërat e këqija dhe duke mbrojtur tokën nga temperaturat e larta të verës
Fillimisht mbillet misri. Kur arrin rreth 15-20 cm lartësi, mbillen fasulet pranë tij. Pas 1-2 javësh mund të mbillet kungulli rreth parcelës ose mes rreshtave, në mënyrë që të ketë hapësirë të zgjerohet.
funksionon gjithmonë,por me një kusht.Duhet të ruhet balanca. Nëse kungulli mbillet shumë herët mund të mbysë bimët e tjera. Nëse fasulet mbillen para se misri të jetë rritur, mund ta rrëzojnë atë. Kur koha dhe distancat respektohen, këto tre kultura bashkëpunojnë dhe krijojnë një mini-ekosistem shumë më të qëndrueshëm se sa kur mbillen veçmas.
Ndonjëherë natyra na mëson se bashkëpunimi eshte me i rendesishem se konkurrenca.
