08/01/2026
أحبتي متابعيني الكرام من قريب او بعيد
اعتذر علي عدم الرد فالصفحة هذه الفترة
واعتذر من زبائن لي رجعتهم كااامل 🥺
اود أن اشكر كل زبونة تعاملت معاها واشكر كل وحدة دارت فيا ثقة وكل زبونة منكم كانت معاها قصة وانتم كنتم جزء من قصتي
واعتذر من اي وحدة شافت مني حاجة ماعجبتهاش ولا رد تاعي كان غير مناسب
جيت نقلكم ليوم بلي راح نودع مشروعي الصغير 🥹
لي بديتو من الصفر
كانت مجرد تجربة حتي قيت روحي داخلة في عالم يصعب علي التخلي عنه بديتو كاهاوية فقط عالم كنت اتعب فيه بدنيااا وارتاح فيه نفسيا عالم كانت غايتي منه هوا التسلية و المتعة فقط ،
اجتهدت لوحدي وبحثت وجربت واصبحت فنانة ومبدعة 😌 في عالم الحلويات والمملحات وكنت ناوية نزيد نشارك في دورات
راح نودع مشروعي بعد ماكنت نخطط باه نوسع ونطور من روحي ونفتح محل
ولكن الظروف اقوي من كل شئ
الف حمد وشكر لك يارب
لكل بداية نهاية...
هدفي وحلمي كانا ابعد من هذا بكثييير
كانت تجربة اكثر من رائعة
حبيبت نشكر عائلتي الكبيرة والصغيرة و بالدرجة لاولي زوجي لي في بادئ لامر رفض وقالي والو مخصك علاه تخدمي من بعد فهم بلي أنا نخدم حبااا و متعة و دراهم كانو آخر همي وزميلاتي لحلواجيات كان يوبخوني كي نقلهم علي اسعار تاعي 😅
المهم الزوج قاني حتي و ماتكونش عندي طلبية انا او فالكوزينة نوجد في طارط للعايلة ...الخ
من بعد شجعني وكان سندي تاع صح طبعااا وهبلتو مسكين وانا هبطني نشري هذي وروح جيب هذي ونسيت هذي ورجع هذي 😅😅😅
وثاني هوا لول لي طلب مني نحبس بعد ماشاف بلي كون نكمل رايحة نضر
روحي 😥
ابي تاني رحمة الله عليه كان ديما يسقسيني ويقلي مالا نتي او تشاغل في روحك ابنتي بالخدمة
ويقلي واش دايرة فيها لخدمة ماشية ولا حابسة
ومين نروح لدارنا ويلقاني فالكوزينة يقلي واشبيك ساكنة فالكوزينة هههه
واش رايحة تخدملنا😥💔
ماما تاني اخواتي البنات وبنات اختي خوتي ذكورا في ثلاثة وخاصة أخي لكبير كان ديما يحمسني ويشجعني
اشكر كل قريب وكل بعيد كان يدعمني بجام او تعليق
المهم بعد هذه التجربة الجميلة
قررت إنهاء مشروعي
في مجال الحلويات بالكامل
🥹🥹🥹🥹 لامور فوق يدي كيما نقولو
طولت عليكم
المهم دمتم في رعاية الله وحفظه
السلام عليكم ورحمة الله وبركاته
