21/02/2026
راح نبارطاجي معاكم وصفة بزاف سهلة تاع مملحة نعتامدها بزاف فرمضان وبزاف بنينة وسهلة فنفس الوقت :
مقادير الوصفة:
_بطاطا مقلية مكعبات صغار
_لحم مفروم مداوي وطايب
_زيتون منزوع النواة
_فرماج نوعية مليحة
_خبز تورتيلا
_بيض وخبز مرحي للترميد
طريقة التحضير:
نحكموا خبز التورتيلا ونقصوا دوائر الحجم الي حابينو من بعد نجيب الحشو الي كنا وجدناه من قبل نحكم دائرة تاع الخبز نحط لحم مفروم فوقوا بطاطا ومبعد زيتون وبعد فرماج مبعد نغلق شكل هلال وباه تتقفل متتحلناش فالمقلة نخدم خلبط بين فرينة وما غراء غدائي نقفل بيه الحبات
من بعد نكمل الكمية كامل نبدا نحط الحبة فالبيض ومبعد الخبز المرحي حتى نكلمهم كامل نكون حطيت زيت يسخن ونقص عليه باه ميتحرقوش لونهم يكون ذهبي
وبصحتك الوصفة ♥️ تابعوا الصور
#مملحات
