Quel est le site Web ?

https://www.facebook.com/1221923951007627/

Café fōufa

Accueil
Algérie
Magra
Café fōufa

☕ Café Fōufa
فضاء نسائي 100%
🥞 Crêpes • 🍔 Fast Food • ☕ Coffee

🌺 لأنكِ تستحقين مكانًا ترتاحين فيه.🌺

📍مڨــرة .

08/10/2026

حطـولنا وين كاين ڨراجات للكراء في مڨرة في حي 124 مسكن ولا في برهوم كيما بازرات حطولي في تعليقات وليس في الخاص وشكرا .
#منشور للحذف .

29/09/2026

سلام عليكم أمـيراتي 🤍
للناس اللي راهي تسقسي كل يوم: وينك؟ ووقتاش ترجعي؟

والله ماكانش الغياب باختياري، وماكانش لأنّي حبيت نحبس.

غدوة إن شاء الله يكون القرار النهائي واضح للجميع: يا نفتحوا ونكملوا المشوار، يا يكون لكل حادث حديث.

والحاجة اللي متأكدة منها، الرزق ما يحبسوش مكان ولا شخص. إذا ماكانش النصيب هنا، ربي واسع وبلاد ربي واسعة.

دعـواتكم . 🤍🥺

25/09/2026

السلام عليكم بنات أقراو المنشور للأخير 😍🌷

نعرف بلي كاين بزاف أساتذة، معلمات وطالبات ومترشحين للكونكور من خارج البلدية كانو حابين يجو عندنا هاد الأيام، والله وصلتني بزاف رسائل وفرحتوني بمحبتكم.

بصح كما راكم عارفين، مازال المحل مغلق حالياً، وما نقدرش نستقبلكم في الوقت الحالي.

إذا احتجتو الأكل ولا البيتزا، كاين Pizza Roma ولا Pizza prensse يديرو التوصيل، طاڤيوهم في تعليقات فضلا ولا إذا كاين محلات أخرين يديرو التوصيل .

وإن شاء الله ما تطولش الغيبة ونرجعولكم بأحسن مما كان.

ربي يوفق كل واحد رايح يعقب الكونكور، ربي يفتحها عليكم ويعطيكم على قد تعبكم وسهراتكم، وإن شاء الله نفرحو بنجاحكم كامل. 🤍

دعواتكم برك، وإن شاء الله نلتقاو قريب.

24/09/2026

من فضلكم من فضلكم الباجة والمحل خاصين بالنساء فقط، لذلك نرجو من الرجال أقارب اي رجل كان عدم التعليق أو التواصل عبر الخاص مهما كان السبب، سواء للمساعدة، لإبداء الرأي، للنصيحة أو للانتقاد. هذا اختيار وضعناه من البداية ونرجو احترامه كما هو.
نشكر كل من يتفهم ويحترم حدود وطبيعة هذا الفضاء 🙏🏻🚫 كل شخص علق = يتحمل مسؤوليته وشكرا 🌺

إن شاء الله المنشور يوصل للجميع 👌🏻❤️

23/09/2026

سـلام عـليكم للجـميع 😍🌺 قـبل مانحكي على صورة فـضلا منكم ديـرو دعـوة لأصدقائكم وديرو مـتابعة مقرة في القلبلب 😍❤️💪🏻 دائـما تسقسيوني من جات اللوڤو لدرتـو من هاذي رسمة حتى لي بعثولي حـابين يرسمو كانت ليونس مخناش مخناش أبدع بسم الله ماشاء الله وحسيت في رسمة حاجة تشبهـني وحبيتها تقعـد دائما خـليولي أرائـكم عجبكم اللوڨو تاع المحل ؟؟! 😍❤️

20/09/2026

#الـحـمد لله 😍🤲🏻 #حـوقلو بنية إستجابة مافي قلوبكم 🤲🏻❤️🌺

18/09/2026

﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾. #الحمدلله fōufa

16/09/2026

السلام عليكم

نحب نعلمكم بلي المحل راهو مغلق من هذه دقيقة ونعتذر من كامل الناس لي كان عندهم حجز ولا كانو ناويين يجونا

من قلبي نشكر كل واحد دعمنا، شجعنا، وفرحنا بكلمة طيبة. محبتكم ووقفتكم معانا حاجة ما ننساهـاش.

أما على كل الضجة والكلام لي دار، نقول غير حسبي الله ونعم الوكيل في كل من ظلم وقذف وتكلم في أعراض الناس بغير حق، والله على كل شيء شهيد.

إذا كان ربي كاتب لينا نصيب، نتلاقاو من جديد في أيام أحسن، وإذا ماكانش، فربي يعلم ما في القلوب وهو خير الحاكمين.

ربي يحفظكم كامل، وشكرًا على كل لحظة جميلة عشناها معاكم. 💔🥺🤲🏻

15/09/2026

بسم الله ما شاء الله، من صباح واحنا في الخدمة وما قعدناش دقيقة 😍☕

وفي وسط هاذ الزحمة، لقينا رواية جديدة من ألف روايات لي سمعناها :
واحد حلف بلي خرجت وحدة من عندنا رافدة قرعة إيزيم 😂

المشكل الصغير برك...
إحنا أصلاً ما نبيعوش إيزيم وحتى إذا بعناه مش عيب نورمالمو 🤦🏻‍♀️

بصح الحاجة لي ضحكتنا أكثر، ماشي القصة في حد ذاتها...
الحاجة لي ضحكتنا هي الثقة الأسطورية والحليف بالكذب باه تضحك لغاشي محشمتش ولا 😭😂

كاين ناس كي تسمعهم يحكو تقول كانوا واقفين عند الكاشي، ومن بعد تكتشف بلي الحاجة أصلاً ما كايناش.

المهم نرجعو لخدمتنا خير من الدخول في نقاشات مع الخيال العلمي 🤍

14/09/2026

لي حاب يهدر يهدر، ولي حاب يخدم يخدم. وفي الأخير الناس تشوف بعينيها وماشي بودنيها الهدرة علينا ما زادتنا غير يقين بلي راهم يشوفو مليح. أما حنا؟ مكملين في خدمتنا وخلاص. كل واحد يحرمو نيفو وتصبحون على ألف خير 😊🌺

Adresse

حي 124 مسكن أونفاص محلات محيو 😍❤️
Magra

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Café fōufa publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.