محطة حماني لغسل و تغيير زيوت السيارات

06/04/2025

🛠️🚨⚠️🚗 اهم الفرق بين ناقل الحركة اليدوي والأوتوماتيكي و CVT

⚠️ 1. ناقل الحركة اليدوي (Manual Transmission):
يتحكم السائق يدويًا في تغيير التروس باستخدام القابض وعصا التغيير.
المزايا:
👉 • تحكم أكبر في السيارة
👉 • أكثر كفاءة في استهلاك الوقود
👉 • تكاليف صيانة أقل

⚠️ 2. ناقل الحركة الأوتوماتيكي (AT):
يقوم بتغيير التروس تلقائيًا باستخدام محول العزم (Torque Converter).
المزايا:
👉 • أسهل في القيادة
👉 • تغييرات سلسة في التروس
👉 • مثالي للقيادة في الزحام

⚠️ 3. ناقل الحركة المتغير المستمر (CVT):
يستخدم البكرات والأحزمة لتحقيق تغييرات سلسة في التروس.
المزايا:
👉 • أعلى كفاءة في استهلاك الوقود
👉 • تسارع سلس
👉 • يحافظ على المحرك في نطاق الطاقة المثالي

اختر ما يناسب احتياجاتك في القيادة—اليدوي للتحكم، الأوتوماتيكي للراحة، أو CVT لكفاءة استهلاك الوقود

21/03/2025

السلام عليكم

ليوم نختمو حكاية الزيت بإذن الله علميا و بدون كلام شوارع ، لا تنسونا بالدعاء في هذا الشهر المبارك
كل واحد واش يحكي 5w40 ولا 10w40
تغيير الزيت يكون بشكل دوري ،
1️⃣مرة في السنة بالنسبة للناس لي ما تمشيش بزاف (يعني لي ما يلحقش 10k km في سنة)
2️⃣مرة كل 10k km بالنسبة للناس لي تمشي أكثر
راح نحكيو على الصنف 2️⃣
لازم تغيير الزيت على حساب واش يقول المصنع VW
فالكاتالوق تلقا ريفيرونس تاع الزيت لي يوالم السيارة ✅️
بما أنو أغلبية البولو فالجزائر 1.4 بنزين 85 حصان ، إذا رانا فالسطر لي مكتوب فيه
Moteur essence de 63kw✅️
✅️يعني يجي عليها vw 501 01 أولا لي هو موجود و معروف بإسم 10w40 في عدة ماركات مثل castrol A3/B4 لي هي ماركة تنصح بيها VW يستعمل في درجة حرارة من -25 إلى 40
✅️أو vw 502 00 ثانيا لي هو معروف بإسم 5w40 في عدة ماركات مثل كاسترول أيضا A3/B4 يستعمل في درجة حرارة من -30 إلى 35
✅️أو vw 504 00 لي هو 5w30 و قليل الإستخدام عندنا، هذا للناس لي تسكن في مناطق باردة جدا درجة الحرارة ديالها من -25 إلى 25

واش نختار للمحرك ديالي⁉️
1️⃣إذا المحرك مش ماشي بزاف و تسكن في منطقة شمالية باردة بزاف vw 502 00 أحسن إختيار
2️⃣إذا المحرك ماشي و تسكن في منطقة ساخنة vw 501 01 أحسن إختيار

✅️أغلبية الجزائريين و بحكم الجو الساخن و أنو السيارات لي كاينة قديمة أحسن زيت هو :
10w40 A3/B4 homologué vw501 01✅️

و كنصيحة كي تختار نوع معين و ما يكونش عندك إستهلاك زيت في المحرك إبقا فيه ما تبدلوش ‼️
أما إذا كان عندك إستهلاك زيت و كنت مثلا تستعمل vw 502 00 لي هو 5w40 ما تروحش دير vw 501 01 لي هو 10w40 لأنك ماراحش تحل المشكل نهائيا و إنما مؤقتا، لازم تمشي عند الميكانيكي لتشخيص العطل و تصليح المحرك.
و السلام عليكم و رحمة الله تعالى و بركاته

20/03/2025

🚨 حذار تبدل زيت علبة السرعة إذا فات وقت طويل على الفيدونج! ⚠️

⚠️ مش كل علب السرعة تبدل لهم الزيت! 🤔🚗

بزاف ناس يحسبو بلي كل علب السرعة تحتاج تغيير الزيت، بصح في الحقيقة كاين نوعين:

🔴 1️⃣ العلبات اللي يتبدل لهم الزيت (Boîte avec vidange)
هذو لازم تبدل لهم الزيت دوريا للحفاظ على الأداء وتفادي الأعطال. كل شركة عندها توصيات خاصة بالمدة والمسافة، لكن في العادة يكون بين 40,000 إلى 80,000 كم.

🚘 أمثلة لبعض السيارات:
✅ تويوتا كورولا (موديلات قبل 2017)
✅ فولكس فاجن جولف DSG
✅ رينو كليو 4 BVA
✅ كيا سيراتو BVA
✅ هيونداي i30 أو i40

🔵 2️⃣ علب السرعة Long Life (Boîte sans vidange)
هذو يسمو Sealed for life، يعني العلبة مغلقة والزيت ديالها مخصص يدوم مدى الحياة، وما يتبدلش إلا في حالات خاصة (عطب ميكانيكي، تسرب، أو مشاكل في الأداء).

🚘 أمثلة على السيارات اللي عندها Long Life:
✅ BMW X5 (ZF 8HP)
✅ أودي A4 وA6 (S-Tronic)
✅ مرسيدس الفئة C وE (7G-Tronic أو 9G-Tronic)
✅ بعض موديلات بيجو وCitroën مع علب السرعة EAT6 وEAT8

بزاف ناس كي يسمعوا بلي لازم يبدلوا زيت علبة السرعة (boîte de vitesse)، يروحوا يغيروه بلا تفكير، بصح كاين حالة وين التغيير يقدر يخسر لك العلبة كامل! 😱

🔴 واش يصرا كي تبدل زيت علبة السرعة بعد مدة طويلة؟

الزيت القديم يكون فيه رواسب وأوساخ تتجمع داخل العلبة، وكي تبدله فجأة، الأوساخ تقدر تتحرك وتسد القنوات الداخلية
المسننات ⚙️ تكون تآكلت مع الوقت، والزيت الجديد بخصائصو المختلفة يقدر يزيد يفضح العيوب ويخلي العلبة تفشل نهائياً
بعض السيارات تعتمد على الاحتكاك الطبيعي لي صرا مع الزيت القديم، والتغيير المفاجئ يقدر يدير مشاكل في الأداء

وأخيرا ماتنساش تستشير مختص ميكانيكي قبل كل قرار 🙏🏼
و أنشر المعلومات لعلها تفيد غيرك 🫡

20/03/2025

#نصيحة
عودة عصابات سرقة السيارات بإستعمال mémoire
حيث أن جل او إن لم نقل كل محترفي سرقة السيارات لهم دراية بمیكانیك و كهرباء السيارة
السارق يكون مع واحد أو إثنين ،غالبا يجو بسيارة حتى لا يلفت الإنتباه يعني باش مايبانوش مشبوهين
الخطوة الأولى السارق يكسر deflecteur أو الزجاج الأمامي يفتح الكابو و يجيب معاه ميموار تع سيارة standard في ضرف 03 دقايق يقدر يشغل السيارة بدون إستعمال أي مفتاح.
السيارات سهلة السرقة بإستعمال mémoire هي الهيونداي والرونو بجميع تشكيلاتها. سامبول ،ستيبواي،لوڨان ،هيونداي فريڨو.
الحذر ثم الحذر إخواني على الأقل حطها في موقف محروس أو ديرلها جهاز إنذار ... système d'alarme (حوالي 5000دج)
أو هاتف نقال سامبل يشد لشارج وشريلو بيس وديرو سيلونس من جميع النواحي وجرب اشريلو 2 باتريات باش هكة تولي تبدل غير لباتري و الهاتف دايمن فيها
*Antivol volant-pedal 2000دج
* GPS tracker ،يحدد مكان تواجد السيارات في حال سرقت لاقدر الله ،ثمنه حوالي المليون سنتيم
#ملاحظة كيدير لونتي فول هبط المقود volant لأنو كيكون طالع يهبط الفولون ينحيه.

مع تبليغ مصالح الأمن الوطني 1548 أو 17 و الدرك الوطني 1055.

16/03/2025

14/03/2025