Gâteaux Oum Farah

10/08/2026

05/08/2026

31/07/2026

🧽 الليفة تاع المواعن تتبدل كل أسبوعين إلى 3 أسابيع... ماشي شهرين!
هذا الكلام ينطبق على النوعية الجيدة و المليحة ، ماشي لي ثمنها رخيص ، هذيك تقدر كل غسلة ترميها

بزاف يقولولك: "إذا عقمتيها بالجافيل تقدر تقعد معاك شهرين." ❌

بصح الحقيقة أن المشكل ماشي غير في التعقيم، المشكل أن الإسفنجة مع الوقت تتآكل من الداخل وتولي تخزن الرطوبة والجراثيم، حتى ولو كانت تبان نضيفة.

🔬 كيفاش تحافظ عليها خلال هذي المدة؟

✅ بعد كل استعمال:
نحّي منها كامل بقايا الماكلة.
اغسلها مليح بسائل غسل المواعن.
اعصرها مليح باش يخرج منها الماء كامل.

✅ من بعد:
خليها في مكان مهوى باش تنشف.
وإذا قدرت، حطها في الشمس، لأن الجفاف يقلل من تكاثر البكتيريا.

أما تعقيمها بالجافيل كل مرة، فهذا ماشي ضروري، وإذا استعملتيه لازم تشطفيها مليح باش ما يبقاوش آثار لا سائل الأواني ولا ماء داخلها.

⚠️ إذا خليتها ديما مبللة، ولا فيها بقايا الماكلة، راح تولي وسط مناسب لتكاثر البكتيريا، وهذي البكتيريا تقدر تنتقل للمواعن وتزيد خطر التسممات الغذائية.

🗑️ ومهما حافظت عليها، بدّلها كل أسبوعين إلى 3 أسابيع، أو قبل إذا ولات فيها ريحة، تبدل لونها، ولا بدات تتفتت.
مهم و الثح ليفة جديدة ثمنها بسيط مش،غالي.، بصح صحتك وصحة عايلتك حاجة ما تتعوض .

20/07/2026