وصفات ام وجدان بدون غلوتين

15/04/2026

اليوم حبيت نشارككم حاجة صارتلي ولمست قلبي ❤️
غدوا إن شاء الله بمناسبة يوم العلم، المعلمة تاع ولدي دايرة حفلة صغيرة وتكريم للنجباء، وولدي حب يدي معاه حاجة يفرح بيها صحابو… حضرتلهم ميني كيك بالكراميل والشكولا 🍫
كي شافهم، فجأة قالي: "ماما، كاين زوج بنات في قسمي ما ياكلوش هاد الشي…" (عندهم مرض السيلياك)
بصراحة، كلمتو فرحتني بزاف ❤️
في دقيقة 90 دخلت للكوزينة وعاودت درت كيك خفيف بدون غلوتين بنفس الذوق، غير باش ما يتحرموش ويفرحو كيما كامل الأطفال 🥹
حسّيت بلي الفرحة ما تكملش إلا كي نشاركوها كامل 💕
✨ المقادير: 2 بيض بدرجة حرارة الغرفة
رشة ملح
نصف كاس سكر
نصف كاس زيت
نصف كاس حليب
2 ملاعق كاكاو
فرينة بدون غلوتين (استعملت لينات خليط الحلويات)
كيس خميرة كيميائية
ملعقة صغيرة خل
✨ الطريقة: نطلع البيض مع السكر ورشة الملح حتى يولي كريمة، نزيد الزيت مع الخفق، ثم الحليب.
نضيف الكاكاو والفرينة بدون غلوتين والخميرة، وفي الأخير ملعقة الخل.
نطيب في فرن مسخن على 180 درجة.
من بعد درت طبقة كراميل، وغلفتهم بشكولا مذوبة وزدت موكاو محمص ومطحون مع تزيين خفيف 🍫✨
ربي يحفظ ولادنا ويزرع فيهم الرحمة والإحساس بالآخرين 🤲
وإن شاء الله ياكلوهم بالصحة والهناء 🌸

11/04/2026

🥞 بغرير بدون غلوتين (غرايف)
🧾 المكونات:
نصف كأس فرينة لينات (خليط كريب)
ربع كأس سميد الذرة (رطب وناعم جدًا)
ملعقة صغيرة سكر
ملعقة صغيرة خميرة الخبز
نصف كيس خميرة الحلويات
ملعقة أكل زيت
ملعقة صغيرة خل
كأس ماء دافئ
رشة ملح
🥣 طريقة التحضير:
في الخلاط (الميكسور)، ضعي جميع المكونات.
اخلطي جيدًا حتى تتحصلي على خليط:
خفيف
ليس جاري بزاف
وليس ثقيل
اتركي الخليط يرتاح لمدة 10 دقائق.
🍳 طريقة الطهي:
سخّني مقلاة على نار متوسطة.
صبي مقدار من الخليط واتركيه يطيب.
عندك خيارين:
✅ تتركيه يطيب من جهة واحدة (تقليدي)
🔄 أو تقلبيه يتحمر شوية من فوق (حسب ذوقك)
😋 ملاحظة:
كلما كان القوام مضبوط، يتحصل البغرير على ثقوب (عيون) جميلة.
شهية طيبة ❤️
إذا حبيتي نعطيك أفكار للتزيين (عسل، زبدة، صوص...) قوليلي 😉

11/04/2026

السلام عليكم
شكون حب وصفة البغرير يخليلي جام وكومنتاغ🤫🤫❤️❤️

11/04/2026

24/03/2026

🍪 مشوك بدون غلوتين بشكل احترافي
📝 المقادير:
125غ صول ()
نصف كأس مكسرات محمصة ومطحونة
100غ سكر ناعم
1 بيضة
فانيلا
1/2 ملعقة صغيرة خميرة الحلويات
فرينة خليط لينات للحلويات (حسب الحاجة)
👩‍🍳 طريقة التحضير:
نخلط الصول + المكسرات + السكر + الخميرة.
نضيف البيضة والفانيلا ونخلط مليح.
نضيف خليط لينات تدريجياً حتى نتحصل على عجينة طرية ومتماسكة.
🔸 التشكيل والتزيين:
نوزن كريات بحجم 25غ ونشكلهم.
نغطس كل كرة في بياض البيض.
نمرمدهم في كوكاو او لوز مرحي ومغربل (نستعملو غير الخشن).
نحطوهم في ليكيسات.
🔥 الطهي:
ندخلوهم لفرن مسخن.
نشعلو من تحت فقط حتى يطيبو.
من بعد نشعلو من فوق غير باش ياخذو لون ذهبي جميل.
🍯 اللمسة الأخيرة:
مباشرة بعد ما يخرجو من الفرن، نعسلوهم بعسل مرجان باش يجي الذوق روعة ولمعة شابة 😍
💡 ملاحظات:
الطياب يكون خفيف باش يبقى المشوك طري.
ما تكثريش خليط لينات.
الغربلة تعطيك تزيين خشن وراقي 👌
#مشوك





#سيلياك

23/03/2026

✨ السلام عليكم متتبعيني الأعزاء ✨
نشكركم من قلبي ❤️ على دعمكم المتواصل وثقتكم فيا، ونزولاً عند طلبات متتبعاتي الغاليات 🌸 اليوم جبتلكم وصفة الحريرة بدون غلوتين بالتفصيل الممل 👌
حريرة بنينة 😍 ومعطرة، وما تختلف حتى شوية على الحريرة العادية لا في البنة ولا في القوام 👏
🍲 نخليكم مع المقادير:
لحم اختياري (دجاج / غنمي / بقري حسب المتوفر)
حبة بصل متوسطة
4 فصوص ثوم
3 حبات جزر
حبة طماطم
حبة بطاطا صغيرة
حبة لفت صغيرة (اختياري)
ربطة صغيرة قصبر (الأفضل يكون فيه الزريعة)
ربطة صغيرة كرافص
ملعقة طماطم مصبرة (استعملت عمور)
3 ملاعق فريك الذرة (استعملت لينات)
ملح + فلفل أسود + فلفل عكري + زنجبيل + كركم
درسة (موجودة في الصورة – منزلية)
👩‍🍳 طريقة التحضير:
في قدرة نحط شوية زيت (حوالي 3 ملاعق)، ونضيف اللحم مع التوابل والملح والطماطم المصبرة والخضر بعد ما نكونو نظفناهم.
نقلّيهم شوية فقط، ثم نضيف القصبر والكرافص والفريك، ونمرق بماء سخون.
نخليوهم يطيبو حوالي 35 دقيقة ⏱️
من بعد:
✔️ نخرج اللحم ونفتوه ونخليه على جنب
✔️ ننحي القصبر والكرافص
✔️ نطحن الخضر بالميكسور ونرجعهم للحريرة
نرجعوها للنار 🔥 ونضيفو الفلفل الحار حسب الرغبة 🌶️
غير تغلي ونطفيو عليها… وبالصحة والراحة 😋
📸 جربوها وصورولي تطبيقاتكم
وقولولي في التعليقات: واش تحبو الوصفة الجاية؟ 💬
#حريرة

#سيلياك




#مطبخي


#طبخ
#صحة

22/03/2026

✨ باغكات بريستيج (Barquettes Prestige) بدون غلوتين ✨
وصفة راقية وبذوق فاخر 👌 مناسبة للمناسبات والأعياد 🌙
🔸 مقادير العجين (كمية صغيرة):
125غ زبدة طرية
2 ملاعق سكر ناعم من مرجان
ملعقة كبيرة كاكاو مرجان
حبة بيض كاملة
2 ملاعق مكسرات (اختياري)
فرينة حسب الحاجة (استعملت لينات خليط الحلويات)
🔸 الحشو:
مكسرات محمصة ومطحونة (لوز / كوكاو / جوز / بندق)
معجون المشمش من عمور (يحمل علامة بدون غلوتين)
🔸 التزيين (القلاصاج):
شوكولا بالحليب من مرجان + قطعة شوكولا سوداء
شوكولا الطلاء كرانشي بالمكسرات
🍫 طريقة التحضير:
نخلط الزبدة + السكر + البيض حتى نتحصل على خليط كريمي
نضيف الكاكاو والمكسرات ونواصل الخلط
نجمع بالفرينة حتى نتحصل على عجين طري
نشكل في المول وندخل فرن مسخن مسبقًا على 200° لمدة حوالي 10 دقائق ⚠️
(ما نخلوهمش يطيبو بزاف باش ما ينشفوش)
بعد ما يبردو:
نحضر الحشو (مكسرات + معجون + زبدة)
وإذا استعملتي الكوكاو زيدي ملعقتين زبدة الفول السوداني 😍
نحشي:
جهة بخليط المكسرات + جهة بشوكولا الطلاء
نغلقو حبة فوق حبة
نقلاصوهم بالشوكولا المذابة (فحمام مائي + شوية زيت)
ونزينو حسب الذوق ✨
💛 ملاحظة:
كل فرن يختلف، راقبي الطهي مليح
وخلي الحبات طرية باش تجي بنينة 😋

🌸 جربوها وشاركونا تطبيقاتكم… بالصحة والهنا 🌸
وقولولي واشهي الوصفة لي راكم حابين تكون التالية

21/03/2026

Mes publications ont obtenu plus de 650 réactions la semaine dernière. Merci à tout le monde pour votre soutien ! 🎉

21/03/2026

📢✨ رسالة لزبائني الغاليين ✨📢
السلام عليكم ورحمة الله وبركاته 🌸
حبيت نشارك معاكم حاجة من قلبي 🤍
في عيد الفطر، الحمد لله كان إقبال كبير على حلوياتنا بدون غلوتين 💛
وتواصل معانا ناس بزاف من مختلف ولايات الوطن، خاصة من الجنوب والشرق، وحتى من بعض مناطق الغرب 🌍
للأسف ما قدرناش نوصلو لكل الطلبات 😔
وكانو ناس شهاتهم حلوياتنا وما لحقناش نفرحوهم في العيد
✨ ومن هنا قررت حاجة بإذن الله:
راح نبدأ ننشرلكم وصفات الحلويات لي خدمتهم في العيد، خطوة بخطوة 👩‍🍳
باش نعاون كل واحد/وحدة حاب يجربها في دارو، خاصة مرضى السيلياك 🤍
🎯 الهدف:
نفرحكم حتى لو ما وصلتش الطلبية 🙏
ونخليكم تديرو نفس الذوق في بيوتكم إن شاء الله
💬 لي جرب أي وصفة يشاركنا النتيجة تاعو نفرحو بيه 😍
🙏 وبالمناسبة، نحب نشكر العلامات لي نعاونوني في الخدمة ونستعمل منتجاتهم:
#ماداس
#لينات #مرجان #عمور 🤍
شكراً من القلب على ثقتكم ودعمكم 💛
وربي يدوم المحبة بيناتنا 🤲✨
#سيلياك 💛

19/03/2026

🌙✨ عيد فطر مبارك ✨🌙
بمناسبة حلول عيد الفطر المبارك، أتقدم إليكم بأحرّ التهاني وأطيب الأماني 🌸
تقبّل الله منا ومنكم الصيام والقيام، وجعلنا من الفائزين برضاه 🤍
عيدكم فرحة، وقلوبكم سعادة، وبيوتكم عامرة بالخير والبركة 🎉
اللهم اجعله عيد خير وبركة على الجميع، وأعده علينا وعليكم بالصحة والعافية 🌷
كل عام وأنتم بخير 💖