06/06/2026
صُنع بكل حب 🥰❤️
الأوردر النهارده وراه حكاية جميلة وحبيت أشاركها معاكم...
من يومين جالي واتساب من رقم مسجل باسم مش فاكرة مين 🙈
هي: هنا، إزيك؟ عاملة إيه؟ يارب تكوني فاكراني.
أنا: لا والله، فكريني 😊
هي: أنا نفسي آكل من إيدك محشي وورق عنب وحمام، واحشني أكلك أوي، بس أنا نقلت من المنطقة من فترة علشان كده بطلت أطلب.
المفاجأة بقى إني دخلت أدور ولقيت بينا شات على الصفحة من 5 سنين! 🫣
تتخيلوا؟ بعد كل السنين دي لسه فاكراني، ولسه فاكرة طعم أكلي! ❤️
بجد مش عارفة أوصف فرحتي قد إيه، ولا كمية الطاقة الإيجابية اللي أخدتها من الرسالة دي. لحظات زي دي بتفكرني ليه بحب شغلي، وإن التعب والمجهود عمرهم ما بيروحوا هدر.
شكراً لكل عميل محترم وذوق دعمني بكلمة حلوة أو طلب مني مرة ورجع تاني بعد سنين. أنتم سبب كبير في استمراري ❤️🙏
وربنا يباركلي فيكم ويكتر من الناس الجميلة اللي شبهكم 🌷
