في حب ال sweet and sour chicken 👩🏻🍳
#zumrafood
#mumyalaza #sweetandsourchicken #chinesefood
ده اسمه الدمار الشامل
انا مش قادرة اكتب مش قادرة افكر دي جريمة يعاقب عليها القانون الدولي ...
ده حاجة كدة هوباااا هاي يا خلف
هي اسمها memories مش عشان بتفكرك ب حاجة .. لا دي بتعملك فقدان ذاكرة وقتي .. مش بتبقى فاكر ولا قادر تفكر غير في حلاوتها وطعم الكيك الي بيدوب فالبوء ..
هيييييح اوي بقى
كيكة شوكولاتة مش محترمة نفسها محشية ب white chocolate .. حاجة اخر قلة ادب وسفالة ...
#memories
@overjar
#kuwait
#mumyalaza
وده اسمه ترحيب ممتاز 😍
Mohave
مول مصر العظيم ...
ناكل فيه ايه.. ناكل ايه ؟!!
مش ده ابن البلد بتاع اسكندرية !!!!!
طب يلا يا عم سلاطاتك وبابا غنوجك ... تشكيلة سلطة حلوة جدا والعيش طازة لسه خارج من الفرن ... طب شوية ملوخية بقى لا بأس بيها بس مش ملوخية البرنس يعني بس ماشي حالها لو نفسك في ملوخية ... الممبار حلو جدا جدااا الرز تتبيلته حلوة ومتحمر بيقرش ... طاجن ورق عنب بالكوارع تحفة تاكل صوابعك وراااه ... كان في طاجن لسان عصفور باللحمة على وشه جبنة موزريلا حاجة كدة حكاااااية حكاااااية ونختمها بالشواية بتاعتهم دي يتكتب فيها كتاب مش بوست من احلى الاماكن الي تاكل فيها ريش و لحمة وكفتة حلوة جدا جدا جدا ده بابا الي مابيعجبوش اي حاجة قال فالمشويات شعر ... اختيار موفق بصراحة جدا جدا ولازم تعدو عليه وانتو هناك هتتبسطو جدا
و
#mumyalaza
جايزة احلى ملوخية فالحياة
#البرنس
#mumyalaza
كبدة البرنس
فيديو الغياب ... فيديو المصالحة 😍
وكمان لحظة رومانسية عشان الحبايب
#كبدة_البرنس #mumyalza
الرومانسية في ابهى صورها ...
#كبدة_البرنس
#mumyalaza
اعظم من انجبت مصر ...
ناااصر البرنس
كبدة البرنس
نفسك في pasta .. بقلب جاااامد جدا هقولك اركب عربيتك واطلع زايد ادخل امريكانا بلازا وامسك المنيو وغمض عنيك وشاور واي حاجة هتختارها مش هتندم ....
بما اننا كنا جروب فده ساعد سيكة اجرب كام حاجة ... الطلبات كانت مختلفة بعيدة عن بعض بس كله في نطاق اا pasta ...
أنا طلبت penna frutti di mare ودي كانت بينا ريد صوص بالسي فوود تجنن نادر اما اكل حاجةred sauce وتبقى مظبوطة كدة انتو ممكن تاكلو الريد صوص بالمعلقة من غير اي حاجة ... وكان في طبق نجرسكو على شمالي رشقت فيه كان يجنن برضه مش تقيل يقفلك والموزريلا عل وش عاملة شغل عالي جدا وطبق ال penna di mare alla cream على يميني برضه ماينفعش معديش عليه برشة البارميزان على وشه برضه حلو جدااا الوايت صوص خفيفة مظبوطة عل مسطرة ... بصراحة من احلى الاماكن الي ممكن تاكل فيها pasta وتبقى مظبوطة بال italian تيكنيكس كدة ...
ونحلي بايه نحلي بايه ال Tiramisu عنده لازم تعدو عليها هو الكيك كان محتاج ينام شوية فالنسكافيه بس dessert مريح جدا للاعصاااب
انا متأكدة اني هعدي تاني واني لازم اجرب السلاطات لان شكلها منعش ولازم اعدي عل كوردون بلو لانها ريكومنديد من ناس كتيير والبيتزا مكنش ينفع مندوقهاش برضه ....
امريكانا بلازا مفيهاش اماكن اكل حلوووة بس اما تحسو انكم جعانين وانتو هناك متمشوش من غير متاكلو من PortoDoro
الاكل : منننتاز مننننتاز
الكمية : تشبع لاظا وهي جعانة
الاسعار : في متناول الشعب المصري نص الشهر
السيرفيس : لطيفة سريعة
#mumyalaza
https://www.facebook.com/pages/Porto-Doro/342646109211143
كبدة إسكندراني ..
اما بدخل من باب اسكندرية ديما نفسي بتبقى رايحة لساندوتشات كبدة اسكندراني بالفلفل مشطشة كدة .. للاسف يا اكلات تانية بتنسيهاني يا بقع في تجربة وحشة تقفلني من الكبدة فترة ...
المرة دي .. كان معايا اسكندرانية صحابي وفاجؤني اننا هناكل كبدة فاليوم ده ... كنت فطرانة فول وطعمية وده معناه اني مجعش 10 ساعات مثلا ... انما الي حصل غير كدة خالص
دخلنا المنشية وبعد وصف ويمين شمال والكلام ده ركنا وكنت داخلة اشتري حاجة من هناك ... ركنت ادامه والاتفاق كاان هنشتري وبعدين ناكل ... فتحت باب العربية ونزلت ايه ده ؟!! ايه الريحة دي ؟! لا ده احنا ناكل بقى !!!! ايه الجمال ده !! انا جوعت انا لازم اكل!! طب نتمشى ؟ لا طب نشتري الحاجة الاول !؟ لااااا
انا هاكل انا قررت اكل
وقعدنا طربيزات فالشارع .. قطط ايفري وير
وابو حلمي منور المكان كشك لطيف احمر فاحمر طالع منه ريحة الكبدة الفتاكة الي بتزغزغ منخيرك فتحسسك بالجوع
عايزين ايه
فتح كلام كدة 5 × 3 ... يعني 5 ارغفة حشو 3 جنيه الي عرفته ان الحشو درجات يعني ودي الدرجة المتوسطة
الي هو طعم الفينو حاسس بيه طعم الكبدة حاسس بيها كل حاجة واخدة وضعها مفيش حاجة طاغية على حاجة تانية وبينزلك مخلل وطبق فلفل محمر وطبق طحينة .. الكبدة ياجماعة مدوقتش فحلاوتها قبل كدة حسيت بجد ان دي الكبدة الي تستاهل تبقى اسكندراني ... تاخد الرغيف ترش اللمون وتنزله يغطس فالطحينة وتاكل ووتاكل هوب قطمة فالتانية خلص الساندوتش ... 5 ارغفة خلصو وانا لسه قبلها بساعتين واكلة فول وطعمية فاهمين ياجماعة انا باتكلم ف ايه ؟!
طلبت كمالة 2× 3 برضه ... وهوب قطمتين كمان كنت مخلصة ..
الكلام ده من اسبوع ولسه بنام احلم بيها
احلى ساندوتشات كبدة فالتاريخ عند #ابوحلمي في #المنشية
وعمااار يا #اسكندرية
انا متعبتش بعدها ولا عطشت ولا كان عندي الافورة الي بتحصل فالعادي بعد الكبدة ...
سلم ايدك يا حج ابو حلمي 😍
#mumyalaza
#alexandria
ومقدرتش بعد التلوث النفسي الي حصلي فالمطعم اياااه بتاع مصر الجديدة مارجعش للحلو الي مفيش زيه ؛)
من نعم ربنا على المصريين ان عندهم محافظة اسمها اسكندرية تتخنق من حياتك هوب تركب العربية ساعتين تقعد يومين تاكل فيهم بس اكل بس ياجماعة ... عاصمة الاكل المصري واللغوصة...
مقدرش اعتب البوابات ومعديش عليه .. بجبناته بالفينو بتاعه بالزيتون المخلل الي بياخد بايدك عشان تصمد ادام كل الجبنة دي...
في شارع بورسعيد وعلى ايدك اليمين والشمال محل صغير تدخله بجنبك كدة ... زحمة وناس كتير ودور وطوابير وساندوتشات داخلة وخارجة ... فتبقى من مميزات شغلي ان عندي اجازة الخميس فاروح افطر والناس كلها فاشغالها ...
امسك المنيو وسمي ... وتبص للي حوليك بكل فخر انا الي هطلب ..
هات الفينو نزل المخلل ... طب يلا بينا
هفني الاغنية وتردو ورايا تقولو جبنة
سجق اسكندراني ... *جبنة*
بيض بسطرمة ... *جبنة*
هوت دوج ... *جبنة*
جمبري ... *جبنة*
بانيه ... *جبنة*
ووحش الوحوش ... قاهر الاعداء محطم قلوب العذارى
فاهيتا ... *جبنة*
عارفين يعني ايه كل الحاجات الي فوق دي واخدة غطس جوة كوكتيل جبن *هموت واعرف هي ايه* تبقى ماسك الفينو الطازة مش ملاحق تاكل منين ولا منين ... ياجماعة وهم !!! الجمبري جبنه حلو جدا دي كانت اول مرة أجربه ... البانيه جبنة مش اد كدة *كوكي متحمرة عليها جبنة* فاتزق الفراخ وتاكل الجبنة لوحدها ... السجق الاسكندراني بالخلطة عايم فالجبنة تحس حرب بين الجبنة السايحة وخلطة السجق حاجة يعني مقولكووووش ... والعظيمة بجد الفاهيتا طبق بينزل بيحصل صراااع فوقيه بين كل الي قاعدين *ساعات مبيبقاش موجود* بس من الاختراعات العظيمة حقيقي ماينفعش يتفوت ...
بيت الجبنة السايحة 😍 #البان_سويسرا
الكمية حلوة جدااا .. السعر ال 6 اطباق و2 حاجة ساقعة وصلو ل 195 جنيه
الفينو يتاكل حااف
بس عليك ب 2 سفن اب ووراهم 5 شاي بالنعناع عشان تقدر تقهر العركة دي جوة بطنك ...
و #mumyalaza 😉😉😉
وهااا قد جاء ال review المنتظر ...
احنا كسكان 6 اكتوبر عندنا معاناة شديدة مع مطاعم السمك هنا .. مفيش مكان كل حاجة فيه حلوة .. يا السمك حلو والجمبري وحش يا السمك حلو ومفيش كابوريا .. يالكابوريا موجودة بس صغيرة جدا ووحشة ... يالسمك اصلا وحش ميتاكلش
طب يالاظا بتاكلي اكلة سمك متكاملة فين ؟! فالمكس .. المكس حب حياتي ومصدر الفسفور ليااا... زفير المكس في اسكندرية مكاني المفضل انا هاحول امسك نفسي وماتكلمش على فرع ده لاني لو اتكلمت مش هبطل رغي ...
المهم من كام شهر وانا فاسكندرية سمعت ان في فرع هايتفتح لزفير فالقاهرة ... كنت مبسوطة جدااا اني هعرف اكل سمك في اي وقت براحتي ... والمفاجاة انه هايفتح فاكتوبر ... ده ايه الجمال والحلاوة دي
المهم رجعت من السفر من كام اسبوع .. مصر كلها عارفة اني مستنيا انهم يفتحو .. يا لاظا زفير فتح .. لاظا زفير اشتغل .. لاظا زفير هيعجبك ...
المهم قاعدة مستكنيصة في نفسي يوم الخميس وهو اجازة سعيدة قررت اكافئ نفسي باكلة حلوة من برة بقى *اكمني بحب اطبخ اليوم ده* .. المهم مسكت التليفون اعمل اوردر ... هاتكلي ايه يا لاظا ؟!
سمك وكابوريا ده اساسي وهاسيب المكالمة تاخد مجراها ..
ردت عليا مدام اسماء الي حببتني فالمكان من غير ماجرب ست زوق زي العسل
طلبت :
شوربة سي فوود :بموووت فالشوربة بتاعتهم الي مليانة جمبري وسبيط شوربة غنية كدة وطعهما يجنن
ملوخية بالجمبري: اول مرة ادوقها وكنت مستغربة الكوكتيل ده بس كانت تحفة الملوخية تقيلة والجمبري فيها واثق من نفسه كدة قعدت اكلها بالمعلقة مكنتش قادرة اسيب الطبق 😍
السلطات والعيش: من المكملات الأساسية 😂
سمكة بوري سنجاري 🐟: احلى حد بيتبل السنجاري في مصر زفير السمكة طرية طازة زي الفل والتتبيلة تتاكل حااااف كدة من حلاوتها
مدفونة جمبري : عبارة عن رز سمك وسي فود وموزريلا فالفرن اعتقد اني كنت هاتبسط اكتر لو اكلتها فالمطعم نظرا لظروف الجو انها بردت فمدخلتش دماغي اوي ومعرفتش اسخنها صح..
واخر حاجة حب الحياة :
الكابوريا 🦀🦀🦀 : بيعملو كابوريا بالخلطة تشمرلها كدة وتسمي وتعيش حياتك بقى *مش قادم حد طبعا* لا الكابوريا ولا المانجا ينفع ناكلهم ادام حد عشان تتبسط 😍😍 الكابوريا كانت كلها نتاية *انثى يعني* ومبطرخة 😍😍😍 ومكلبظة كدة مالية مركزها والخلطة برضه تتاكل حااااف 😍😍 بصل وشطة وطماطم تجنن.. يااجماعة مش اي حد ليه فالكابوريا بس الي ليه فيها وبيع
لاظا راحت فين الويك اند ده ...
من كام يوم كنت كاتبلكم ان في اكل ماينفعش نجازف فيه لا بصحتنا ولا بفلوسنا *😂😂😂* نفس الايموشن اللطيف ده... وده بعد تاني اسوء تجربة للسوشي حصلتلي في حياتي بعد 15 سنة ادمان للسوشي *مش هاتكلم على حد*
المهم امبارح قررت اجرب مكان رايحة جية ادامه وانا فالشغل عاملي اغراء فظيع وسمعت ان الشيفات الي فيه يابانيين .. ويارتني ماجربت.. ليه بقى ؟!!! لانه حصل حب من اول لحظة من اول دخولي من الباب والديكوريشن الياباني الجميل، الاستقبال الي زي العسل من الشيفات اليابانيين الي واقفيين بيعملو سوشي جنب الباب، واول سوشيايااااا دخلت بوءي ...
المهم
رحت مكان في زايد تبع Simonds فوقيه بالظبط ادام المجمع الاسلامي دخلت سيموندس قولت لأ ده انا احلي بقى *وطبعا نزلت مفيش نفس اتكلم*
طلعت وعملت الاوردر .. النظام عندهم all u can eat .. ب 210 ++ يعني تقريبا 285 جنيه وليك تطلب شوربة *شوربة النودلوز حلوة جدا* ويا سلطة يا ابيتيزر وسوشي اطلب وعووم وبعده ايس كريم عشان تحلي او تهضم كل ده ب 285 وده اعتقد من احسن ال offers الموجودة للسوشي بس عندهم سياسة جميلة اوي *شغل يابانييين* طبعا لو اتبقى منك سوشي مش بتاخدو take away ودي معروفة بس الجديد ان اي حاجة هاتتبقى ف طبقك هاتدفع فلوس زيادة *عشان احنا بنموووت فالكتير 😂
*اليابانيين بيربونااا*
المهم سمعت البوءين دول وبدات اكتب الاوردر .. الويتر اسمه احمد محمود ولد مؤدب وزوق طبعا صدمه ان في انسان طبيعي بياكل كل الكمية دي 😂😂😂 فقالي تحبي نطلب half portions و ن refill بعدين فكرت للحظة وقولت وماله حلو كدة *طبعاا كان عنده حق* انا طلبت 42 ومقدرتش اكل غير 27 ..
السوشي حلو مش حشو رز وخلاص زي ناااس ... والسلمون ملوش ريحة ولونه تمام فريش ... والسوشي الفرايد كان حلو جدا جدا جدا مع اني مش من هواة الفرايد لا شارب زيت ولا اوفر في حجمه ف مبيقلكش عل فاضي ... ال فيلادلفيا رول ياجماعة تدرس انا حاسة اني هبقى رايحة جي عل مكان اطلبها وامشي ... حلوة جدا جدا جدا
طلبت :
Green dragon, spicy salmon, spider roll, philadelphia roll, boston roll , dynamite roll
يووه نسيت الشريمب كونافة هناك من الحاجات الي لازم تطلبها
منيو السوشي مفيهوش verities كتييييير simple اوي والسوشي كمان مش مكلكع ولا over ...
مكان خفيف المنيو بسيطة السوشي يتحب من اول قطمة السعر حلو جدا على
