Super chef

Website

Super chef قناة تعليمية للطبخ الحديث بطرق تجمع بين ثقافات الشعوب لنصنع لكم أفضلها في أطباق مختلفة .
رقم الواتس اب للتواصل والتعاون المهني فقط. شكرا لكم.

💥 سناك الفلفل الحلو الصحي.. مقرمش ولذيذ بمكونات بسيطة! 🌶️😋لو نفسك في سناك خفيف ومختلف، جرب الوصفة دي 👨‍🍳الفلفل الرومي ال...
03/10/2026

💥 سناك الفلفل الحلو الصحي.. مقرمش ولذيذ بمكونات بسيطة! 🌶️😋
لو نفسك في سناك خفيف ومختلف، جرب الوصفة دي 👨‍🍳
الفلفل الرومي المشوي مع الشوفان والتوابل بيديك كراكرز مقرمشة بطعم غني، والسمسم وحبة البركة بيكملوا النكهة 👌
🧾 المكونات:
🌶️ 3 حبات فلفل رومي
🥣 2 كوب شوفان مطحون
🧂 1/2 ملعقة صغيرة ملح
🧄 1/2 ملعقة صغيرة ثوم بودرة
🧅 1/2 ملعقة صغيرة بصل بودرة
🌶️ 1/2 ملعقة صغيرة بابريكا مدخنة
🫒 4 ملاعق كبيرة زيت زيتون
🌾 1 ملعقة كبيرة سمسم
⚫ 1 ملعقة صغيرة حبة البركة
🥄 اختياري: 1 ملعقة زبادي أو ماء لو الخليط محتاج
👨‍🍳 الطريقة:
نشوي الفلفل الرومي في الفرن ونقشره بعد ما يبرد، وبعدها نضربه في محضرة الطعام مع الشوفان والملح والثوم والبصل البودرة والبابريكا وزيت الزيتون لحد ما الخليط يبقى متماسك.
نضيف السمسم وحبة البركة ونعجنهم مع الخليط، ثم نفرده بطبقة رفيعة على صينية مبطنة بورق زبدة، نقطعه ونخرمه بالشوكة.
🔥 يدخل فرن ساخن على 160 درجة مئوية لمدة حوالي 20 دقيقة، مع متابعة التسوية لأن الوقت ممكن يختلف حسب سمك السناك والفرن، لحد ما يبقى متماسك ومقرمش.
احفظ الوصفة وجربها، وقولنا في الكومنتات: تحبوا الوصفة الجاية تكون سناك صحي بإيه؟ ❤️

03/10/2026

صوص الـ Honey Mustard اللي بيخلي أي وجبة أحلى 😮‍💨💛
كريمي، حلو، فيه حدة المستردة ولمسة حموضة تظبط الطعم كله 👨‍🍳🔥
والسر مش في المكونات بس… النسب الصح هي اللي بتفرق.
عايز المقادير مكتوبة؟
اكتب هاني ماسترد في الكومنتات وهنبعتهالك 👇💛
صلوا على النبي ﷺ وما تنسوش اللايك لو عجبتكم الوصفة ❤️
#صوصات

🍔 7 صوصات هتغير طعم البرجر والبطاطس عندك تماما 🔥بدل ما تشتري الصوصات جاهزة، اعملها في البيت بمكونات بسيطة وطعم ينافس الم...
02/10/2026

🍔 7 صوصات هتغير طعم البرجر والبطاطس عندك تماما 🔥

بدل ما تشتري الصوصات جاهزة، اعملها في البيت بمكونات بسيطة وطعم ينافس المطاعم 👌
احفظ البوست عشان ترجع للوصفات وقت ما تحتاجها ❤️

🍔 صوص البرجر

المقادير:
• 1 ملعقة كبيرة مايونيز
• 1 ملعقة كبيرة كاتشب
• 1 ملعقة صغيرة مستردة
• 1 ملعقة صغيرة عسل
• 3–5 قطرات خل
• رشة بابريكا + ثوم بودر + بصل بودر
• 1 ملعقة كبيرة مخلل مفروم ناعم جدا

اخلط كل المكونات كويس لحد ما الصوص يبقى متجانس.

🍟 صوص البطاطس

المقادير:
• 2 ملعقة كبيرة مايونيز
• 1 ملعقة كبيرة كاتشب
• نصف ملعقة صغيرة مستردة
• نصف ملعقة صغيرة ثوم بودر
• نصف ملعقة صغيرة بابريكا
• رشة فلفل اسود
• رشة ملح
• 1 ملعقة صغيرة خل او عصير ليمون

اخلطهم كويس وقدمه مع البطاطس.

🥛 صوص الرانش

المقادير:
• نصف كوب مايونيز
• نصف كوب ساور كريم او زبادي يوناني
• ربع كوب لبن رايب
• 1 ملعقة صغيرة عصير ليمون
• 1 ملعقة صغيرة شبت مجفف
• 1 ملعقة صغيرة بقدونس مجفف
• نصف ملعقة صغيرة ثوم بودر
• نصف ملعقة صغيرة بصل بودر
• ربع ملعقة صغيرة ملح
• رشة فلفل اسود

اخلط المكونات كويس وسيب الصوص في التلاجة لمدة نصف ساعة قبل التقديم.

🔥 صوص الباربيكيو

المقادير:
• 120 جم كاتشب، حوالي 8 ملاعق كبيرة
• 30 جم خل تفاح، حوالي 2 ملعقة كبيرة
• 25 جم سكر بني، حوالي 2 ملعقة كبيرة
• 20 جم عسل، حوالي 1 ملعقة كبيرة
• 8–10 جم صويا صوص، حوالي 1½ ملعقة صغيرة

التوابل:
• 3 جم بابريكا مدخنة، حوالي 1 ملعقة صغيرة
• 2 جم ثوم بودر، حوالي نصف ملعقة صغيرة
• 2 جم بصل بودر، حوالي نصف ملعقة صغيرة
• 1 جم فلفل اسود، حوالي ربع ملعقة صغيرة
• 1 جم ملح، رشة خفيفة

حط المكونات على نار هادية لمدة حوالي 10 دقايق مع التقليب لحد ما القوام يتقل والنكهات تندمج.

🧀 صوص الشيدر

المقادير:
• 25 جم زبدة، حوالي 1½ ملعقة كبيرة
• 25 جم دقيق، حوالي 3 ملاعق كبيرة ممسوحة
• 200 مل حليب كامل الدسم، حوالي كوب الا قليلا
• 150 جم جبنة شيدر مقطعة مكعبات صغيرة
• 2 جم ملح، حوالي ربع ملعقة صغيرة
• رشة فلفل اسود اختياري

دوب الزبدة، ضيف الدقيق وقلب، وبعدها ضيف الحليب تدريجيا مع التقليب. لما القوام يبدأ يتقل، ضيف الشيدر وقلب لحد ما تدوب تماما ويبقى الصوص كريمي.

🌶️ الصوص السبايسي

المقادير:
• 1 بصلة متوسطة مقطعة مكعبات صغيرة
• 2 جزرة متوسطة مقطعة مكعبات صغيرة
• 1 فلفل احمر حار
• 3 فصوص ثوم
• 1 ملعقة كبيرة زيت زيتون
• رشة ملح

دخل المكونات الفرن على درجة حرارة 180 لمدة 12 دقيقة.

بعدها ضيف:
• عصير نصف برتقالة
• عصرة نصف ليمونة
• عصير نصف تفاحة

اضرب كل المكونات في محضرة الطعام لحد ما تحصل على صوص ناعم وكريمي. مناسب جدا للبرجر والبطاطس 🔥

💪 صوص البروتين

المقادير:
• نصف كوب زبادي يوناني
• نصف كوب فلفل احمر مشوي
• 1 ملعقة كبيرة عصير ليمون
• 1 ملعقة صغيرة زيت زيتون
• 1 ملعقة كبيرة ماء
• نصف ملعقة صغيرة بودرة ثوم
• 1 ملعقة صغيرة بابريكا
• رشة ملح

اضرب كل المكونات مع بعض لحد ما الصوص يبقى ناعم ومتجانس.

جرب الصوص اللي يناسب أكلك، واحفظ البوست عشان يبقى مرجع ليك وقت ما تحتاجه ❤️

قولنا في الكومنتات: انهي صوص هتجربه الاول؟ 🍔🍟🔥

#صوصات #وصفات #طبخ #اكلات #برجر #بطاطس #مطبخ

27/09/2026

بكوبين حمص ومكونات بسيطة عملنا سناك مقرمش وغني بالبروتين، ينفع بين الوجبات أو مع صوص الزبادي.
أهم سر في الوصفة:
شكّلوها رفيعة ومتساوية عشان تستوي كلها مع بعض وتطلع مقرمشة زي ما شايفين 👌
فرن 180 درجة حوالي 20 دقيقة، وبعد ما تطلع سيبوها تهدى شوية عشان القرمشة تكمل.
لو عجبتكم الطريقة اكتبولنا crackers في التعليقات ❤️
صلّوا عالنبي، وما تنسوش اللايك والشير.

جمعة مباركة عليكم وعلى أحبابكم 🤍اللهم في يوم الجمعة أرزقنا راحة القلب، وسعة الرزق، ومغفرة الذنب، وافتح لنا أبواب رحمتك، ...
25/09/2026

جمعة مباركة عليكم وعلى أحبابكم 🤍
اللهم في يوم الجمعة أرزقنا راحة القلب، وسعة الرزق، ومغفرة الذنب، وافتح لنا أبواب رحمتك، وبارك لنا في أهلنا ومن نحب.
وأكثروا من الصلاة على النبي ﷺ
﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾
صلّوا على النبي ﷺ، واكتبوا لنا دعوة جميلة من قلبكم في التعليقات. 🤍

24/09/2026

من نص كيلو جبنة قريش لخلطة إدمان 😍🧀
لو زهقتوا من الجبنة القريش بشكلها العادي، جربوا الخلطة دي:
فلفل أحمر وأخضر مشوي، حبة البركة، زيت زيتون، ورشة شطة… والقشطة اختيارية لو عايزين القوام أطرى والطعم أغنى.
المهم ما تنعموهاش زيادة؛ خليها كريمي وفيها تحابيش وقطع فلفل عشان كل لقمة يبقى فيها طعم. 👌
تنفع للفطار، العشا، وسندوتشات المدرسة ❤️
وما تنسوش اللايك والشير لحبايبكم.

14/09/2026

طرية من جوه… متحمرة من بره… وآخر لمسة عسل هي اللي بتقفل الوصفة كلها 🔥🍯
عملنا الـribs بتتبيلة بسيطة، سويناها لحد ما بقت طرية، غطيناها بصوص غني، دخلناها الـAir Fryer للتحمير، وبعدها أخدت لمسة الفحم المدخن والعسل. 🤤
والنتيجة؟ Ribs مدخنة، لامعة، طرية وطعمها مركز جدًا.
عايز المقادير والطريقة كاملة؟
اكتب «ضلوع» أو «ribs» في الكومنتات وهنبعتهالك كاملة. ❤️
صلّوا عالنبي ﷺ وما تنسوش اللايك.

12/09/2026

كل يوم بودينج جاهز للمدرسة؟ 👀🍫
اعمليه في البيت مرة واحدة وجهزي منه علب للأسبوع كله 👌
كريمي وناعم، سهل جدًا، وإنتِ اللي متحكمة في السكر ومن غير ما نضيف مواد حافظة 🤎
احفظي الوصفة وجربيها للانش بوكس… وقولي لنا الأطفال هيحبوه قد إيه 😋

06/09/2026

كل دي بهارات؟ 👀
الموضوع مش في الكمية… الموضوع في التوليفة. 🔥
كل إضافة ليها وظيفة، ولما النِسب وطريقة التسوية يبقوا صح هتفهم ليه شاورما المطاعم ليها طعم مختلف.
عايز الوصفة كاملة؟ اكتب «شاورما» 👨‍🍳
#شاورما

05/09/2026

لظروف خاصة ما قدرناش ننزل فيديو النهاردة وهو عن طريقة تتبيلة شاورما اللحم
استنونا ان شاء الله بكرة بإذن الله تعالى 🙏

Address

Cairo
Cairo

Website

Alerts

Be the first to know and let us send you an email when Super chef posts news and promotions. Your email address will not be used for any other purpose, and you can unsubscribe at any time.

Shortcuts

Share

Category