18/09/2026
#حكمة اليوم 👇
بقينا في زمن غريب…
اللي يستر نفسه ويعيش في هدوء، محدش بيسأل عنه…👉
واللي يطلع يعرض حياته ولبسه وخصوصيات بيته للناس،
يبقى هو التريند والناس تجري وراه!✍️
واحد يحكيلك تفاصيل حياته يوميًا،
وواحدة تستعرض لبسها وشكلها،
والزوج واقف يتفرج ويشجع، وأحيانًا أهلها كمان…🤏
وكأن الشهرة بقت أهم من الستر، والتريند بقى أهم من الكرامة.😔
بس اسأل نفسك: إنت بتكسب إيه لما تخلي حياتك وخصوصيتك فرجة للناس؟
الفلوس ممكن تيجي من تريند… لكن مش كل فلوس مكسب،🫣 ومش كل شهرة قيمة،
ومش كل حاجة الناس بتجري وراها تستاهل تتعمل.🤏
والأغرب إن ناس بتتعب طول الشهر عشان توفر لقمة عيش، وفي نفس الوقت واحد بيعمل محتوى فارغ،
أو يستعرض حاجة تافهة، فيلاقي آلاف بتتابعه وتديله شهرة وفلوس.😔
المشكلة مش في إنك تعيش حياتك…
المشكلة لما تتحول حياتك كلها إلى عرض أمام الناس.👇
#خليك فاكر:👉
مش كل حاجة تتصور تتنشر، ومش كل حاجة تجيب مشاهدات تبقى نجاح،👌
ومش كل تريند يستحق إنك تجري وراه.👇
وربنا سبحانه وتعالى قال:
﴿إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ﴾
صدق الله العظيم.🤲
[النور: 19]
الدنيا مش مسابقة مين يظهر أكتر…
الدنيا اختبار:
مين يعرف يحفظ نفسه وبيته وكرامته أكتر.
#حكمة اليوم:🌹
التريند ممكن يرفعك يوم…
لكن الأخلاق هي اللي ترفع قدرك طول العمر.👉
@
#كلام كبار
#الحكمدار
