مجلة فلاتر مياه الشرب

07/02/2025

المجال الوحيد في الدنيا مجال الفلاتر اللي فيه
الشمال بيحبو بعض
واليمين بيكرهوا بعض

07/02/2025

موضوع مثير للجدل وزاد عن حده
جروبات الفلاتر كانت من كام سنة الهدف منها النصح والإرشاد للعملاء والعاملين بالمجال وكان ليها اثر ايجابي علي الجميع ، مؤخرا تحولت الجروبات الي مكان للحروب والمشاحنات ، وكل فريق بقي عدو للفريق الثاني وفيه تجاوزات وتلقيح لا يليق بناس شغالة في مجال محترم ، وطبعا اللي بيكون التطبيل في صفه بيكون مبسوط وشايف انه كدة بينجح ، بالعكس خالص حضرتك كدة بتفقد الثقة فيك وفي منتجك لان كل الناس عرفت انه شغل عصابات وان ال 20 فرد اللي بيعلقوا عبارة عن ببغاء بتردد نفس الكومنت علي نفس المنتج واي حد هيلاحظ كدة وهيفهم ان ده شئ مش منطقي ، ماهو لازم اللي بيشجع الاهلي يقول الاهلي افضل والزملكاوي يقول الزمالك افضل. رغم ان عادل شكل شايف إن الاتحاد السكندري افضل ، وكلهم من وجهة نظرهم صح وانهم افضل ، لكن متقنعش العميل المتفرج انك افضل وغيرك سئ لمجرد بس انك بتشجع الابيض او الاحمر
وعيب جدا جدا ان حد يسال عن منتج وانت عارف انك كويس ومظبوط وصاحبه محترم وتخش تبخسه لمجرد إنه مش تبع فريقك ومش لابس احمر زيك
عيب وحرام ولا يجوز شرعا ودينا وفيه شبهة في رزقك
الموضوع ذاد عن حده فياريت كلنا نلتزم الاصول والادب
والا .......

25/10/2024

انك تكون بتاع فلاتر ده اختيار
لكن تكون عندك ضمير ده الزام

16/09/2024

الفلتر 7 مراحل بموتور وخزان
المفروض انه وحدة معالجة لتنقية المياه ومعالجتها
زمان اتعمل أمريكي على السمعه عشان نقول اصلي ومستورد من بلد وشان كبير وكيان عظيم.
ايه هيا السمعه؟
ان زماااااان كان فيه فلتر أمريكي بجد بس مش جد جد يعني
وهوا تايواني أصلي وكان بيجي متقفل من تايوان ومش موجود في مصر في الوقت الحالي الا شكل واسم فقط لكن مش هوا بتاع زمان ومش هوا الاصلي.
ودا بطل ينزل مصر من سنين كتير أوي
وأول ما بطل ينزل، طلعلنا كرتونه مطبوع عليها
علم أمريكا ومكتوب عليها أمريكي
وجواها فلتر محفور عليه تايواني وهوا أصلا صيني
وبعض أجزائة مصري وبالكامل بيتم تجميعه في مصر.
وكتير جدا بيسوق ويبيعه على انه فلتر امريكي
والعميل بيشتري زي ما قالوله امريكي
ويطلع يحلف انه عنده فلتر امريكي....

نيجي بقى للحكايه التانيه وهيا حكايه ( فلتر 7 مراحل )
حسبنا الله ونعم الوكيل
المفروض ان الفلتر ال7 مراحل فعلا يتكون من
- شمعه بولي لمعالجة الرواسب
- شمعه حبيبات كربون لمعالجة الكلور والطعم واللون والرائحة
- شمعه بلوك كربون لإزالة المواد العضويه. ( البعض لا يرجح العمل بها لعدم فعاليتها الحقيقيه )
- شمعه ممبرين ( هيا أصل كمله وحدة معالجة ) يعني بدونها مش هنقول على الفلتر وحدة معالجة، وأي فلتر فيه ممبرين هنقول عليه وحدة معالجة.
- شمعه كالسيت لإعادة إضافه المعادن للمياه.
- شمعه الكالاين لمعادلة قلوية المياه.
- شمعه بوست كربون لمعالجه الطعم واللون والرائحة.

بعد كده حكاية الفلتر ال7 مراحل فلتريشن حسبنا الله ونعم الوكيل
الناس اللي بتحب تشتغل في الشمال والمضروب والغش
استخدموا كلمة 7 مراحل وعملوا فلتر 7 مراحل متكون من 7 شمعات وللأسف ضرره أكتر من نفعه
ليييييه ال7 مراحل الفلتريشن مينفعش
لأنهم عملوا بداية من الشمعات ال4 لحد ال7 شمعات مينفعش تركب الا بعد ممبرين ( وححده معالجه ) لأنهم ببساطه بيعالجوا المياه اللي بعد الممبرين اللي هيا منزوعه الاملاح
طيب دول مركبوش لا ممبرين ولا موتور ولا خزان ولا هاي - لو - رباعي - صرف - ادابتور ( مستلزمات عمل الممبرين )
عملو كده بيستعملوا كلمه فلتر 7 مراحل للبيع علي السمعه زي الفلتر ال7 مراحل بموتور وممبرين وخزان
لكن شتاااان بين دا ودا
دا وحده معالجه والتاني وحده إضرار وغش وسرقه واضافة كمان انهم اختاروا اردئ مواصفات من هاوسنجات وحنفيه ، ماهي كده كده نصباية يبقي نحط فيها اردئ حاجة

* الخلاصه:
- مفيش فلتر أمريكي في مصر حياليا، ولو موجود مش هيكون بالسعر اللي انت بتشتري بيه دا.
- مفيش حاجه اسمها فلتر 7 مراحل بدون ممبرين وخزان ( وحدة معالجة )
- مش كل اللي مكتوب او المحفور على الشمعه او الكرتونه حقيقي منسوب لبلد المنشأ المكتوب.
نأسف للإطاله🙂

15/09/2024

🟡من عشرين سنه لحد من كام شهر بس
ترتيب الشمع في الفلتر 1️⃣ الاولي بولي 2️⃣ والثانيه كاربون حبيبات 3️⃣ والثالثه إستغفر الله العظيم . بلوك
لله الفضل والمنه ثم فريق أكاديمية ميندر Mender academy
🔴تم تطوير وإستحداث شمعات تحدث ثوره حقيقة في عالم الفلاتر المنزلية تحت مسمي ميندر Mender

⚫️كل عميل له موصفه تحل مشكلة عنده
1️⃣شمعة 5 ميكرون Absolute التعامل الفائق مع الشوائب والطفيليات
2️⃣شمعة كربون GAC-10 التعامل مع الكلور وتحسين خواص المياه الفيزيائية
3️⃣شمعة 1ميكرون absolute - ازالة الشوائب الدقيقة والبكتريا
3️⃣شمعة Resin 20 Na التعامل مع عسر الماء
4️⃣شمعة Dmi-65 gold - التعامل مع الحديد والمنجنيز
5️⃣شمعة ph minerals - إعادة تمعدن الكالسيوم
6️⃣شمعة Green sand - إزالة الحديد
7️⃣شمعة KDF - منع النمو البكتيري وتحسين خواص المياه
8️⃣شمعة Dolomite - إعادة تمعدن الكالسيوم والمغنيسيوم والبوتاسيوم
9️⃣شمعة mixed Bed -10 لإعطاء زيرو 0️⃣ أملاح
لو حقيقي عايز تساعد العميل بلاش الموصفات الثابتة . اللي يصلح لك لايصلح لغيرك.
أصبح للفلتر المنزلي درع 🛡️ وسيف 🗡️

نقلا عن بشمهندس محمد شعلان

12/09/2024

قال تعالى في سورة الروم:
بسم الله الرحمن الرحيم
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ( ٤١ )

02/09/2024

الفرق بين الفلتر ووحدة المعالجة

- وحدة المعالجة هيا هيا الفلتر بس بشياكة كده شوية، يعني ايه؟
يعني ان الفلتر ال7 مراحل اللي بيعمل بخاصية التناضح العكسي أو ما يشاع عنه انه فلتر 7 مراحل بموتور وخزان وممبرين، المكونات دي كلها هيا هيا تم تجميعها داخل بوكس بأشكال مختلفه وبعض الشركات اطلقوا عليه وحدة معالجة ويقولوا ان دا مختلف عن الفلتر تماما في الشكل والمضمون.

لكن لو فتحنا اي بوكس او صندوق او ايا ما يكون هنلاقي مكوناته الداخليه هيا هيا مكونات الفلتر ال7 مراحل بموتور وخزان وممبرين.

طيب كلمة وحده معالجة جات منين؟
وحدة المعالجة دي هيا الممبرين او هي نظام المعالجة اللي بيشتغل بيه الفلتر ايا كان الشكل بتاعه كلاسيك او بوكس او حتى بشاشه ديجيتال.
نفهم من كده ان اي فلتر بيشتغل بممبرين وموتور نقول عليه وحدة معالجة؟ أيوه بالظبط كده
مفييييييش أي فرق بين الفلتر اللي بموتور وممبرين وبين وحدة المعالجة الا في الشكل والتصميم فقط لا غير.

وبعض الشركات بتبع بمجرد الكلمه ( وحدة معالجة ) علشان يبين للعميل انه بيقدمله حاجه بره الصندوق ومختلفه عن المنتشر في السوق كله وان السوق دا كله غلط ووحده المعالجة بس هيا اللي صح.

*الخلاصة:
وحدة المعالجة هيا هيا وزيها زي اي فلتر بيشتغل بموتور وممبرين وخزان
الفرق الوحيد فقط في التصميم والشكل الخارجي

Send a message to learn more

01/09/2024

مفيش شمع بيأدي وظيفته بالسعر دا نهائي
راجع مصدر المنتجات واختبر جوده ووظيفة كل شمعه بعد التركيب

01/09/2024

من رسائل اصدقاء الصفحة