09/04/2026
عيش فينو حبة كاملة صحي 🥖🌾
المكونات
أنت عارف لو جبت ٢ كوب دقيق حبة كاملة
ومعاه ١ كوب دقيق أبيض (اختياري عشان الطراوة)
ومعلقة كبيرة خميرة فورية
ومعلقة صغيرة سكر
ونص معلقة صغيرة ملح
ومعلقة كبيرة زيت زيتون
وكوب وربع مية دافية تقريبًا
وشوية شوفان أو سمسم للوش (اختياري)
طريقة التحضير
أول حاجة تخلط الخميرة مع السكر والمية الدافية وتسيبها ٥ دقايق لحد ما تتفعل وبعد كده تضيف الدقيق والملح والزيت وتصلي على النبي وتبدأ تعجن كويس لحد ما العجينة تبقى ناعمة ومتماسكة
تاني حاجة تغطي العجينة وتسيبها تخمر ساعة في مكان دافي لحد ما تكبر
تالت حاجة تقسم العجينة وتشكلها على شكل فينو وترصها في صينية وتسيبها ترتاح ٢٠ دقيقة وترش شوفان أو سمسم على الوش
رابع حاجة تدخلها فرن سخن على ١٨٠ درجة حوالي ٢٠–٢٥ دقيقة لحد ما تاخد لون دهبي جميل وتطلعها تبرد
السعرات الحرارية (تقريبًا)
الرغيف الواحد حوالي 120–150 سعر حراري
كربوهيدرات 22–25 جرام
بروتين 4–6 جرام
دهون 2–3 جرام
#صحي
#دايت
