27/09/2026
الطاجن اللي علي حق ميتقالوش لاااا طواجن المكرونة بالفراخ غرقانة في البشاميل وجوسي وطعمها رهييييب 😋😋
المقادير 👇 👇
كيس مكرونة قلم
خمسة أكواب حليب
ربع كيلو دجاج متقطع قطع صغيرة
فلفل رومي والوان
بصل ودقيق
ملح وفلفل اسود وتوابل فراخ وبابريكا
توم وبصل بودر وكاري وكركم
طريقة تحضير الدجاج 👇👇
طاسة فيه معلقتين زيت وانزل بقطع الفراخ الاول وعليها رشة ملح وفلفل اسود واشوحها لما تاخد لون دهبي واضيف عليها بصلتين مفروومين واشوح البصل مع الفراخ واضيف عليهم الفلفل والبهارات واقلبهم مع بعض واسيبهم خمس دقائق علي نار متوسطة لما الفراخ تكمل سواها واطفي وكده الحشوة جاهزة
طريقة البشاميل علي البارد احلي وأخف بكتير واهو توفير للسمنة 👇👇
خمسة أكواب حليب وعليهم تلات معالق كبار دقيق واقلبهم مع بعض لحد ما الدقيق يدوووب خالص وارفعه علي النار مع التقليب المستمر وأحط عليه ملح وفلفل اسود وجوزه الطيب ومعلقتين من القشطة ولو حابة ممكن تضيفي معلقة ص من السمنة واقلب في البشاميل لما قوامه يتقل بس يكون خفيف شوية محتاجين البشاميل يكون خفيف مش تقيل
طريقة تحضير الطواجن 👇👇
سلقت المكرونة لمدة عشر دقائق بس
هاحط المكرونة في حلة وعليها معلقتين كبار بشاميل وحشوة الفراخ واقلبهم مع المكرونة
وأحط المكرونة في اربع طواجن متوسطة الحجم واضيف عليهم البشاميل وعلي الوجه جبنة موتزريلارا وتدهن بحاجة بسيطة من السمنة
طريقة التسوية 👇 👇
ادخل الطواجن في فرن ساخن درجة حرارة 200 في الرف الأوسط علي درجة حرارة 200 عشر دقائق واطفي الفرن وتشغل الشواية لما الجبنة الموتزريلارا تسيح وتاخد لون ذهبي ولو مش عندك موتزريلارا حطي جبنة روومي بتكون رووعة كمان جربوها والف هنا 💞 💞 💓
وصلوا علي سيدنا محمد وعلى اله وصحبه اجمعين 🥰🥰
