18/09/2025
و انتي بتحمري الشعرية واللسان عصفور ضيفي نص معلقة صغيرة ملح عشان متتحرقش منك ويوحد اللون .
و انتي بتدمسي الفول حطي معلقة صغيرة بيكنج بودر بتسرع عملية التسوية و كمان بتخلي قشرة الفول دايبة بعد التسوية .
لو فيه اي روايح في المطبخ هاتي حلة صغيرة و حطي فيها كوب ماء يغلي و عليه كيس ڤانيليا هتلاقي ريحة الشقة كلها جميلة .
بعد ما تخرطي الملوخية لو مش هتفوريها علي طول حطيها في طبق و غطيها بكيس تلاجة عشان متسودش .
و انتي بتسلقي الكرنب ضيفي معلقة كبيرة سكر لماء السلق ونص معلقة صغيرة كمون هتمنع اي انتفاخات للبطن بعد الاكل .
و انتي بتقلي السمك حطي قشر الليمون في زيت القلي بيضيع ريحة الزفارة .
لو الاكل زاد ملحه منك غصب عنك قطعي بطاطساية و حطيها نية في الاكل هتشد كل الملح الزايد.
عشان اللحمة تتقطع معاكي بسهولة حطيها في الفريزر عشر دقايق الاول.
لحفظ الموز لوقت اطول قومي بتغليف رأسه بغلاف بلاستيكي ( استرتش ).
اي روائح كريهة في التلاجة حطي نص بطاطساية او قطعم فحم او كيس فانيليا مفتوح بيشد الروائح .
أنقعى الفراخ بالليمون والملح وبلاش الخل لأنه بيثبط الزفارة فى الطيور.
لا تنسوا الصلاة على النبى
