Doaa Ali

Doaa Ali ياريت تنورونا وتبعونا في كل جديد
(2)

*‏جبر الله قلوبناو قلوبكم فرداً فرداً،**وحقق لنا ولكم كل دعوةٍ خرجت**من اعماق قلوبنا وقلوبكم وكل دعوه**لم نستطيع ترتيبها...
19/03/2026

*‏جبر الله قلوبناو قلوبكم فرداً فرداً،*
*وحقق لنا ولكم كل دعوةٍ خرجت*
*من اعماق قلوبنا وقلوبكم وكل دعوه*
*لم نستطيع ترتيبها لكن الله*
*يعلمها ، ثبت الله قلوبنا وقلوبكم على*
*دينه، وحبه، وحُسن عبادته*
*ورزقنا وإياكم من واسـع فضله*
*أضعاف ما ندعو و نتمنى اللهم امين يارب العالمين 🌹💚
وكل عام ونحن وإياكم
وإحنا في أحسن حال وبخير وصحه وسعادة اللهم امين يارب العالمين 🤲🏼♥️

اسهل واحلي طريقه مظبوطة لعمل البسكويت بأنواعه: بسكويت النشادر والبرتقال والشوكولاته (مقادير بالمللي👌👇🏼)مقادير 1 كيلو دقي...
04/03/2026

اسهل واحلي طريقه مظبوطة لعمل البسكويت بأنواعه: بسكويت النشادر والبرتقال والشوكولاته (مقادير بالمللي👌👇🏼)

مقادير 1 كيلو دقيق:
* 1 كيلو دقيق + نصف معلقه صغيره بيكنج بودر.
* 350 جرام سكر بودرة منخول.
* 320 جرام سمنة باردة.
* 4 بيضات🥚🥚🥚🥚 + فانيليا.
ورشة ملح 🧂
1. بسكويت النشادر: ذوبي ملعقة كبيرة ممسوحة نشادر في نصف كوب لبن دافئ وضيفيهم في الآخر.
2. بسكويت الشيكولاته🍫
نفس المقادير بس نشيل ثلاث معالق كبار دقيق ونبدلهم بكاكاو خام🍪

3. بسكويت البرتقال:🍊 استبدلي اللبن بنصف كوب عصير برتقال🍊 فريش، وضيفي ملعقة كبيرة "بشر برتقال" ناعم وأسانس برتقال.
السر بقي: العجن الكتير بيخلي البسكويت يعضم، لفي المكونات بس لحد ما تختفي
وبالف هنا عليكم 😘♥️
يا رب يجعل بيوتكم دايماً مليانة بالخير والفرحة! 🌙😘

صلوا على الحبيب المصطفى صلى الله عليه وسلم

لازم تقرأي الكلام ده قبل ما تعملي كعك العيد والمقادير مظبوطة بإذن الله 🌙 أولاً: كحك العيد (الدايب دوووب) #المقادير الثا...
04/03/2026

لازم تقرأي الكلام ده قبل ما تعملي كعك العيد والمقادير مظبوطة بإذن الله
🌙 أولاً: كحك العيد (الدايب دوووب)

#المقادير الثابتة لـ 1 كيلو دقيق:

* 1 كيلو دقيق (مخصص للكحك والبسكويت).
* 500 لـ 550 جرام سمنة
(حسب الرغبة في درجة الذوبان).
* ملعقة كبيرة ريحة كحك، 2 ملعقة كبيرة سمسم، ملعقة صغيرة خميرة، 2 ملعقة سكر بودر ، ورشة ملحربع معلقه ص بينكج بودر فقط لا غير
علشان نحافظ علي النقشه
* كوب مية دافية (المية بتخليه يعيش أكتر من اللبن).

1. على الساخن (طعم زمان): تقدحي السمنة لحد ما تطلع دخان بسيط، وتنزلي بيها على الدقيق والسمسم
(تسمعي التشّ)، دي بتخلي الكحك يعيش معاكي شهور.

2. على البارد (خفيف على المعدة): تضربي السمنة وهي خارجة من الثلاجة مع السكر البودرة لحد ما تبقى كريمي، وبعدين تبسّي الدقيق.

3. كحك الجواهر: هو كحك عادي بس بنضيف للعجينة "مكسرات مجروشة" (عين جمل أو لوز) وبنلفها كور صغيرة وشكلها بيبقى زي الجواهر من غير منقاش.

4. الحشوات (العجوة والملبن): السر إنك تعجني العجوة بملعقة سمنة ورشة سمسم وكوريهم كور صغننة قبل الحشو عشان م ينشفوش جوه الفرن

* المناقيش والقوالب: جربي في قطعة واحدة قبل ما تشكلي الكمية كلها عشان تتأكدي إن الرسمة ثابتة.
ياااااارب اكون قدرت اوصل لكم كل حاجه و بألف هنا ☺🌙
يا رب يجعل بيوتكم دايماً مليانة بالخير والفرحة! 🌙✨

صلوا على الحبيب المصطفى صلى الله عليه وسلم 🌹
Doaa Ali

معلومه مفيده بشوف ناس بتحط كيس خميره كامل علي كيلو دقيق وهيا بتعمل الكحك وده ❌ ليه غلط لان الكحك مش محتاجين فيه كميه كبي...
01/03/2026

معلومه مفيده
بشوف ناس بتحط كيس خميره كامل علي كيلو دقيق وهيا بتعمل الكحك وده ❌
ليه غلط لان الكحك مش محتاجين فيه كميه كبيره من الماده الرافعه لانه مش مخبوزات مش ايه مخبوزات 🫣
الناس اللي بتزود كميه الخميره +وقت التخمير هتلاقي الكحك بتاعها 👇
ريحته خميره
قلب طعمه قرص و رسمه أو نقشه الكحك راحت

♦️تقدري تشتغلي في الكحك باي سمنه متاحه عندك مش لازم تكلفي نفسك وتجيبي بلدي لاننا كلنا بقينا عارفين اسعارها ولو بتحبي طعمها وتكليفتها غاليه عليكي تقدري تجيبي مقدار صغير وتخلطيها مع النباتي عادي وده يشيل ده وممكن تستبدليها ب اصنص حليب هيدي نفس النتيجه بس تحطي معلقه صغيره فقط علي كيلو سمنه ما تكتريش.

♦️في الكحك بلاش تحطوا زبده لأن الزبده فيها سوائل ولو مصممين علي الزبده لازم تعملي حاجتين يا تسيحيها الاول او تقللي مقدار الميه اللي هتعجني بيه الكحك وخدي بالك كل ما تكتري سوائل الكحك هيطلع معاكي ناشف حتي لو كنتي ظابطه مقدار السمنه

♦️نيجي بقي للسمنه في ناس بتحب الكحك مظبوط وماسك نفسه في بتحط ٥٠٠ جرام سمنه علي كيلو الدقيق وفي ناس بتحبه ناعم حطي ٥٥٠ جرام ولو عايزاه سايح ونايح هتحطي ٦٠٠ جرام سمنه بس خدي بالك كل لما تزودي بيحل معاكى. يعني ايه بيحل يعني بينعم زياده ف خير الامور الوسط ✔️

♦️طيب هل السمنه بس اللي بتحدد نعوميه الكحك هقولك لاء انك تبسي السمن مع الدقيق كويس جدا جدا ده كمان هيديكي كحكايه ناعمه و بتدوب في البق 😋

♦️ ومقدار الخميرة علي الكيلو دقيق معلقه خميرة صغيرة
وربع معلقه ص بينكج بودر

♦️ انك تظبطي مقدار السوائل سواء هتعجني بميه أو حليب بردوا عليه عامل كبير في نعومه الكحك ولذلك كل كيلو دقيق بياخد من كوبايه الأربع لكوبايه ميه فقط لا غير علي حسب نوع الدقيق يعني تنزلي الاول بكوبايه الأربع مياه او لبن مع اني بفضل الميه اكتر في الكحك طب اي كبايه لاء كبايه الشاي المج العادي الموجود في كل بيت وتعجني لو العجينه محتاجه هتنزلي بالربع اللي حطتيه علي جنب

♦️بتحبي الكحك بتاع زمان المقدوح هو فعلا طعمه مميز ولا يعلي عليه ولكن خدي بالك بيتعب المعده وبيعمل حمو ف خير الامور الوسط بردوا بلاش علي البارد وبلاش قدح سخني سمنتك بس.

نيجي بقي للحشو
الحشو فرقع الحشو نشف
علشان تتلافي اكتر سببين بيبوظوا الكحك لو العجينه بتاعتك كانت مظبوطه و عامله كل حاجه صح يبقي لازم تظبطي الحشو بتاعك
ف لو انتي لسه معندكيش خبره و عايزه تعملي كحك اهتمي بالحشو طب اعمل ايه
♦️اولا الحشو سواء ملبن أو عجوه حطي لهم معلقه ص سمنه والكحك المحشي علي نار عالية

♦️طب الملبن امسحي ايدك بشويه سمنه وانتي بتشكليه ولازم يبقي في نسبه وتناسب بين العجينه والحشو علشان تتلافي أنه يفرقع منك في الفرن خلي نسبه العجينه اكتر من نسبه الحشو سواء ملبن أو عجوه

♦️طب الحشو بينشف ليه لانك مش مظبطه درجه حراره الفرن وطولتي في السوا ف الكحك اتمص وكل السوائل اللي فيه اتبخرت ونشف الحشو معاكي

♦️ واهم من الشغل تظبيط الشغل نفسه يعني ايه ظبطي مطبخك ورتبيه ورتبي حاجتك وجهزي خاماتك ويكون عندك اكل قبلها بيوم علشان ما تتعبيش نفسك وتشتغلي بمزاج وبكامل طاقتك صدقيني بيفرق جدا والافضل تكتبي مقاديرك في ورقه وتعليقها قدامك وانتي شغاله والحاجه اللي تحطيها علمي عليها الشغل ده مفهوش هزار وخساره متكلف
♦️و لازم تجهزي الحشو بتاعك قبل ما تبدأي في عجينه الكحك خلاص عجنتي اشتغلي علي طول ما تريحيش العجينه شكلي اركني ربع ساعه لو صيف لو الجو برد نص ساعه وابداي سوي و هنبدا من اول صاج شكلناه

♦️الكحك لازم تسبيه يبرد كويس قبل ما تحفظيه وبلاش علب كارتون لأنها بتسحب الماده الدهنيه و هتلاقيه اخشن معاكي

♦️ العيد مش بيحلو غير لما تعملي الحاجه بايدك وتفرحي أهل بيتك ويجعل بيوتكم عمرانه بالخير والحب والدفا ويرزقكم من اوسع الابواب
💞 اللهم امين يارب العالمين

وصدقوني الحاجه في البيت بيقي فيها بركه وبخيرها وبترمي معاكي يعني الكيلو بيبقي الضعف 🤩

كل سنه وانتم طيبين ❤️
ولا تنسوني من الدعاء واللايك والشير علشان نفيد الغير 💞
وكل عام وانتم بخير

Address

Giza

Website

Alerts

Be the first to know and let us send you an email when Doaa Ali posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Doaa Ali:

Shortcuts

Share

Category