Omran automotive service

Omran automotive service متخصصون في صيانة السيارات الياباني والكوري والصيني في هندسة البرمجه والكنترول والكهرباء والميكانيكا ويوجد قطع غيار السيارات وانوع الكماليات والصيانه

منشور ( تقني ) شويه..ف لو مالكش في موضوع الفنيات دي والتركيب اقله ( شوف الصوره ) تعرف ليه..المنشور ده مش هايتكلم عن الخص...
30/05/2026

منشور ( تقني ) شويه..
ف لو مالكش في موضوع الفنيات دي والتركيب اقله ( شوف الصوره ) تعرف ليه..

المنشور ده مش هايتكلم عن الخصائص الفنيه العلميه لكل نوع من انواع ( الجوانات السيلكون ) ...

ده ها اقولك فيه بعض الخبرات..وامتا انا استعمل ده وامتا استعمل ده وليه ده ما ينفعش.

صوره رقم واحد.. بيسموها ( بالبلدي ) جملكه..
ولكن اسمها العلمي ( الجوان السائل )
دي ليها مميزات وليها عيب واحد من وجهه نظري.

مميزاتها ( صوره رقم 1 ) ..بتستحمل درجه حراره عاليه فعلا جدا
وبتقاوم الميه فعلا وبتقاوم ( الضغط بصوره قويه جدا )
وبتقاوم الصداء لو اجزاء منها اتكشفت
وبتقاوم ( الحراره المباشره ) عليها
بتنشف في زمن قليل

ممكن تستخدم فعلا وسيط بين البلوكه وجوان وش السلندر (الجرانجريد ) مش الجوان الاصلي المعدن..
ممكن تستخدم لتثبيته بأمان.. ( مدرسه ومدرسه ) مدرسه بتقول لا ماتحطش حاجه ومدرسه بتقول ممكن جملكه .. وانا مع المدرسه التانيه...

ليها عيب.
انها لما بتنشف صلبه جدا وغير مرنه وتقطم لو في اجزاء متحركه حركه بسيطه..
طيب لما تحب تشيلها مثلا بتتحول لقشور ..هاتضايقك

ولكن بردو وجهه نظري ..دي افضل ماده لتركيب وعزل الجوانات
وجيده علي (البلاستك والكاوتش) مثال مثلا..
تقفيل خرطوم ريدياتير كاوتش علي بوز ريدياتير بلاستك قبل احكامه ب قفيز المونيا... وهكذا..

*------*
سيلكون رقم 2.
مشهور جدا..وشغال ف اي حاجه ف كل حاجه ولكن كثرته ممكن لو بتقفل بيها كوعه واله حاجه تدخل في مجاري الموتور من الداخل وتكتل..يعني..ف يادوب تلحيسه كده بين سطحين معدن وبتقفل..

ليه ريحه تنر او مواد طياره ..ليه مرونه عاليه جدااا ومش سهل يقطم ولكن هو ضعيف نوعا ما

يعني شوف وسط..جوانات شغال..معدن شغال
ولكن ( لا افضل خالص تمام ونهائي وضعه بين كاوتش وبلاستك
مثال لو بتقفل خرطوم ريدياتير كاوتش علي بوز ريديااير بلاستك ..ليه بقولك لا..لان الماده اللي فيه بتزحلق وهيا طريه وكمان مش من السهل ينشف بسرعه..
ف لو هاتدور علطول العربيه بعد التقفيل ( الخراطيم هاتفلت ) هاتتزحلق من الضغط.

ده حله انك تقفل وتصبر 30 ل ساعه مثلا قبل ما تدور عشان ينشف..

وزي مابقولك..مدرسه ومدرسه..في ناس ما بتحطهوش اصلا وده الاصح ( وانا منهم ) لا يتم تقفيل خراطيم ب سيلكون علي بلاستك

ممكن كوعه المونيا مثلا شغال ولكن مش بكثره.
*-----*

صوره رقم 3..
السيلكون الاسود..خد كل الكلام السابق عن السيلكون الرمادي وحطه عليه
ولكن
في اضافه مهمه..
ان السيلكون الاسود ده اقوي منه
وانه مش مرن زيه ولكن التصاقه اقوي من الرمادي

ونقول مش سهل ينشف ويطقطق لوحده
ونقول ان نقطه ضعفه ( ان المكان نفسه المستخدم عليه يكون مش نضيف ..وفيه ريحه الزيت.. )

بياخد 30 دقيقه علي ماينشف ويعضم
ممكن استخدمه بين الخراطيم والكوعه ك ( عازل ) صداء قوي
وممكن بين سطحين زي طلمبه الميه والبلوكه
وممكن تقفيل كرتيره زيت الفتيس او الموتور
( شرط ) المكان يكون ناشف ولا يوجد به زيت

ليه الـ Engine Flush خطر على مواتير البيتل؟1️⃣ تصميم الموتور نفسهموتور البيتل قديم التصميم ومفيهوش فلتر زيت حقيقي (مصفه ...
01/03/2026

ليه الـ Engine Flush خطر على مواتير البيتل؟

1️⃣ تصميم الموتور نفسه
موتور البيتل قديم التصميم ومفيهوش فلتر زيت حقيقي (مصفه زيت فقط).
أي شوائب يفكها الـ Flush هتلف جوه الموتور بدل ما تتصفى.

2️⃣ إزالة طبقة الحماية
مع الزمن بيتكوّن غشاء زيتى واقي على كراسى السبايك و الكامه و الكوستبانات.
الـ Flush بقا بيشيله فجأة
🔴 تآكل سريع
🔴 صوت تخبيط
🔴 انخفاض ضغط الزيت

3️⃣ مخاطرة بسدد مجاري الزيت
الرواسب لما تتفكك مرة واحدة ممكن: تسد مجاري الزيت الرفيعة أو تعلق بلوف التحكم فى ضغط الزيت والنتيجة: موتور سخن + ضغط زيت ضعيف

4️⃣ الحرارة العالية أصلًا
مواتير التبريد الهوائي أكثر حساسية للحرارة اى فقدان تزييت لحظي = ضرر مباشر

إمتى ممكن أفكر فيه؟

⚠️ فقط في حالة واحده لو ناوي تعمل عمرة قريب، غير كده → لا

البديل الآمن والصحيح 👌
✅ تغيير زيت متقارب
✅ زيت مناسب، استخدم زيت مناسب لمواتير التبريد الهوائي (زي SL أو زيت فيه ZDDP مناسب)
✅ تنظيف يدوي نظف مصفه الزيت، ده أفضل 100 مرة من أي Flush

فايده الكلام و المختصر

❌ Engine Flush = مخاطرة كبيرة لموتور البيتل
✅ زيت مناسب + تغيير منتظم = عمر أطول وأداء أفضل

🔧 الفرق بين حساس الأكسچين Narrow Band و Wide Bandحساس النطاق الضيق (Narrow Band)ده حساس أكسچين كهربا شغّال بنظام نيرنست...
19/12/2025


🔧 الفرق بين حساس الأكسچين Narrow Band و Wide Band

حساس النطاق الضيق (Narrow Band)
ده حساس أكسچين كهربا شغّال بنظام نيرنست، وإشارته بتطلع وتَنزل بسرعة بين 0.1 لـ 0.9 فولت.
الحساس ده ما بيقيسش قد إيه الخليط غني أو فقير، هو بس بيقول للكنترول:
👉 الخليط غني ولا فقير بالنسبة للنقطة المثالية (λ = 1).

علشان كده تلاقي رسم الإشارة بتاعه دايمًا متأرجح:

أول ما الخليط يغنى شوية → الفولت يعلى فجأة

أول ما يفقَر شوية → الفولت يقع مرة واحدة

الكنترول بيستخدم الإشارة دي كنظام تشغيل / فصل (ON / OFF) ويظبط الخليط في Closed Loop حوالين القيمة المثالية،
بس هو في الحقيقة مش عارف مقدار الغِنى أو الفِقر بالظبط، بيعدّل بالتجربة لحد ما يوصل للنقطة الصح.

عشان كده الحساس ده موجود غالبًا في الأنظمة القديمة
أو بيستخدم بعد الشكمان (بعد الحفاز) لمراقبة كفاءة الكاتاليست.

---

حساس النطاق العريض (Wide Band أو A/F Sensor)
ده بقى قصة تانية خالص 👌

هنا مفيش غني/فقير وخلاص ❌
ده بيدّي إشارة ثابتة ودقيقة (غالبًا بين 2.5 لـ 3.3 فولت أو تيار بيتحوّل لفولت)
والإشارة دي بتعبّر بالظبط الخليط غني قد إيه أو فقير قد إيه.

علشان كده لما تبص على الرسم البياني:
📉 النارو باند → خط طالع نازل
📊 الوايد باند → خط ثابت وناعم جدًا

الكنترول هنا مش بيشتغل “عمياني”،
ده حاسب الخليط الحقيقي شبه لحظة بلحظة،
وده يسمح بـ:
✔ تحكم أدق في الحقن
✔ انبعاثات أقل
✔ حماية أفضل للمحفز
✔ أداء واستجابة أحسن تحت الحمل

---

تشخيص الأعطال (Diagnosis)

حساس Narrow Band السليم لازم تشوفه بيتأرجح بسرعة

حساس Wide Band السليم لازم يكون ثابت ومتغيره منطقي مع حمل الموتور

أي لخبطة في الفهم بين الاتنين ممكن تودّي لتشخيص غلط 👎
وعشان كده فهم الفرق ده هو الأساس في قراءة
📟 بيانات الاسكانر
📈 رسومات الأوسيلوسكوب
⚙️ واستراتيجيات التحكم الحديثة في خليط الوقود











Address

البحر الاحمر الغردقه الدهار شارع السلام اول شارع سمير زوايا من السلام علي اليمين
Hurghada

Opening Hours

Monday 9am - 12am
Tuesday 9am - 12am
Wednesday 9am - 12am
Thursday 9am - 12am
Saturday 9am - 12am
Sunday 9am - 12am

Website

Alerts

Be the first to know and let us send you an email when Omran automotive service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category