19/08/2026
ايه حكاية الـ Sourdough؟🥖
دلوقتي هنحكيلكم الحكايه من اولها
السر بيبدأ من الخميرة الطبيعية. 🌾
الخميرة الطبيعية بتتكون من دقيق ومياه فقط، وبتتخمر بشكل طبيعي من غير إضافة سكر للعجينة علشان تشتغل. استنينا اكتر من اسبوعين علشان نعمل اول loaf .
ولأنها بتاخد وقتها في التخمير ✨
✔️ بتساعد على تكسير جزء من حمض الفيتيك (Phytic Acid) الموجود في الحبوب، وده بيساعد الجسم يستفيد من معادن زي الحديد والزنك والماغنسيوم بشكل أفضل.
✔️ التخمير الطويل بيبدأ يكسّر جزء من النشويات والبروتينات، وده بيخلي العيش أسهل في الهضم عند ناس كتير.
️ وعلشان كده ناس كتير بتختاره كجزء من Healthy Lifestyle بالذات اللي بدقيق القمح الكامل، وكثير من أخصائيي التغذية بيدخلوه ضمن نظام غذائي متوازن. وكمان بيكون خيارًا مناسبًا لبعض الأشخاص اللي بيهتموا بتنظيم مستوى السكر في الدم أو مقاومة الإنسولين، لأنه غالبًا بيكون أبطأ في رفع سكر الدم مقارنة ببعض أنواع الخبز الأبيض التقليدي.
أما اللي بيميز الساوردو نفسه... فهو إنه مفيش سكر مضاف للعجينة، وبياخد وقته الكامل في التخمير، وده بيديله قشرة ذهبية مقرمشة (Crust)، ولب طري مليان فتحات هوائية طبيعية (Open Crumb)، وطعم مميز ما بيتنساش. 🤎
وده مجرد بداية .. استنوا البوستات الجاية، لأن لسه عندنا كتير نحكيه عن ال stuffed sourdough
