حياة الريف

22/08/2026

عايشه مع جوزى فى الخليج ومرات صاحبه بتجى تخرج معايه جوزى بيخدنى ونعدى عليها نخدها لان جوزها مش معاه عربيه روحنا مول كبير وهى قالتلى تعالى نتفرج على القمصان البيتى تحفه ولا لبس الاولاد اشتريت انا وهى كل وحده تلت عبايات وقمصان شقه جميله وبعد ما روحنا ابنى قطع التكت بتاع العبايات والصراحه المقاس مكنش مظبوط وهى رنت عليا تالت يوم قالتلى انها لبست العبايه وغسلتها ومش عجباها قولتلها معاكى التكت قالتلى ايوا قولتلها اكويها وحطى التكت وكانت جايبه اخت العبايه اللى عاوزة ارجعها قولتلها هاتى التكت وركبناه ورحنا بعد اسبوع غيرناها وانا استرديت فلوسي هل اللى عملناه ده حرام كمان فيه حاجه هو لما بنروح بنده او بن داووود بيكون فيه فاكهة معروضه بناكل منها كتير وناكل العيال وبناخد الموضوع هزار وسعرها غالى قولولى ده حرام برده وكمان ممكن واحنا فى الحديقه راجل بيعدى بسودانى ومكسرات بنروح نشترى منه انا اكلمه وصحبتى تاخد وكانها هتدوق وبتاخد كميه تكفينا لحد ما جوزى يجى يروحنا وقولت لجوزى قالى انتوا الا تنين لازم تبعدوا عن بعض وانا مليش حد غيرها وهى ملهاش غيري والله احنا غلابه والغربه مرة اوى

22/08/2026

جوزى اتصل على أمى قالها تعالى خدى بنتك جات أمى قالتلى البسي وفتحت الدولاب كنسته فى الشنطه مخلتش حاجه فى الدولاب ايه ده ياماما تقولى يلا هاتى صيفى وشتوى جات منه هو يلا وتكوم تلت شنط وبتعبي فى الرابعه هدوم ابنى جابت الاوضه على بعضها وانا فى الحمام قولتلها يا ماما انتى خربتى الاوضه لو عرفتى السبب مش هتعملى كده ولا هتاخدينى قالتلى ايه السبب اتكلمى قولتلها بسبب انه قبض ونزل اشترى سته كيلو لحمه قالى اتنين لشقتنا وأتنين لحماتى واتنين ليكى حلفت لا انتى واخده ولا امه
قالتلى يا خسيسه يا بنت الكلب زى ابوكى اقعدى يا جلدة طبقي هدومك كك شكه فى بطنك فين اللحمه يا بت وخدت كيس اللحمه ومشيت اقول لجوزى ايه دلوقتى

22/08/2026

أخت جوزى ولدت وجات من العيادة على حماتى وانا دخلت اطمن عليها لقيت حماتى بتسألنى البريود عندك قولتلها اه راحت شهقت فى وشى وقالتلى انت كبستيها اللبن بتاعها هينشف منك لله ايه نزلك هو حد بيشوف وشك اصلا حرقت دمى يا جماعه وكسرت بخاطرى قولتلها انا معرفش وطلعت اعيط اتصلت على جوزى قالى انا بحلق وجاى من عند الحلاق عشان صلاة الجمعه وهعدى اشوف فيه ايه وربع ساعه وسمعت صويت نزلت اجرى لقيت حماتى بتصوت لجوزى وتقوله جاى من عند الحلاق داخل كده منكم ليه كبستوها لا هتخلف تانى ولا هترضع طبيعى هو الكلام ده صحيح ولا الوليه هبلت خلاص

21/08/2026

بصوا يا جماعه انا عندي مشكله بس عايزه حل بعقل معايا سلفتي ابنها ساب البلاد ومشي وسابلها طفلين بنوته 10 سنين والولد سبع سنين تمام فهي جت عندي لقيت البنوته شعرها كانه ما تحطش فيه مشط ليه شهور تمام فالمهم خليتها دخلت الحمام اخذ الدش وبعد كده غسلت شعرها كويس وبدات انا احط لها كريم من بتاع اولادي و سرحتلها شعرها وحطيت لها توك من بتوع بنتي والبنوته كانت مبسوطه خالص ما شاء الله المهم بعد ما مشيت لقيت الفوطه اللي كنت بنشف لها بيها شعرها فيها حشرات فالمهم جبت الشامبو بتاع الحشرات كل حاجه احتياطيه وحطيت الاولادي والنفسي تمام فهي رنت عليا امبارح وبتقول لي انا عاوزه اجي اقضي يوم معاكي فاللي هو انا مش عايزاها اكسفها وفي نفس الوقت مش عاوزاها تجيب البنوته معاها عشان البنوته واخوها وممكن هي كمان تبقى فيها حشرات في شعرها فانا بخاف من الحاجات دي جدا وبقرف فاللي هو انا عايزه اجيبها لها بس بطريقه لطيفه اللي عنده حل يا ريت يقول بس يا ريت يبقى حل من غير احراج شكرا مقدما

21/08/2026

أمي كانت بتربي الفراخ في الزريبه بتاع بيتنا وزريبه كانت منها وتطلع عالسطح علطول وكانت الفراخ الكبيره تعمل بيوت في الحطب تبيض فيه وفراخ تانيه تبيض عالقش من فوق اللي نلمحه من البيض الموجود نلمه في حله كبيره وينزل في البيت تحت نأكل منه واللي في الحطب من جوه وطبعاً ماكناش بنلمحه من اساسه نهائي ينادوا علينا الجيران الحقي يا أم فلان كتاكيت ماشيه عالسطح من فوق نجري نشوف نلاقي ولا ٢٠٠كتكوت طالعين من جوه الحطب كانت كلها ايام خير قسما بالله ماشفنا بعدها خير أبدا
وكانت بقي تدبح لنا يوماتي ٥و٦فراخ شمورت وكلها ديوك سبحان الله وكانت تحشيها لنا كبد وقوانص وبصل ناعم اسمه مارته وكأنهم في حجم الحمام كده بس شوربه ماشمتش شوربه زيها من بعد الأيام دي
والبيض اللي زي ده اللي هو عنقود البيض بصراحه عمري ماكلته وأمي مهما تقول ياولاد حلو نقولها أبدا كانت بقي تقول خلاص ماعتش هعملها وكنت بقرف جامد منه مع أن أمي تربيه ايديها الله يعطيها الصحه كانت سكر كده بس بردك ماحبنهوش أبدا
عالعموم بلاش الحاجات دي تتعمل أساسا
قول للزمان ارجع يا زمان
زمان كنا نربي الفراخ عالعيش الرز آه والله والفرخ وهو لسه كتكوت من كتر حلاوته كان الحصله بتاعته تبقي ادامه من كتر الاكل الصحي اللي واكله مش تقول علفه وكده لأ لا لا
ابويا الله يرحمه يجيب البرسيم ويبقي مقطعه بالشوؤرف ويبقي مساوي البرسيم ويقعد يقطع لامي البرسيم للفراخ والرز الشعير والغله والحاجات دي أحسن من مليون علفه
سبحان الله
الله يرحمك يابا ويعطيكي الصحه يا امي
تعديل صغير بس كنت فاكره اني لوحدي بس اللي حنيت لزمان وأيام زمان طلعتوا كتير قوي ومش عارفه دي حاجه تحزن ولا تسعد 👌
ربنا يبارك في كل كومنت زود عندي حبي لزمان وأيام زمان
والله يرحمك يابا ويبارك فيكي ياما ويرحم امواتنا واموات المسلمين أجمعين 🤲

21/08/2026

سلام عليكم
ممكن حد يفيدنى انا كل مااشترى هدوم جديدة بعد الغسيل واللبس تزغبر وكنت شاريه عبايه انا واختى بتاعتى زغبرت وهيه لا وبرده كنت شاريه كاش فسكوز برده بتاعى زغبر وهيه لا واخيرا ابنى كان جايب تيشرت ماركه معروفه وبرده زغبر على العلم انا بغسل بمسحوق باهى اوتوماتيك وغسالتى فول اوتوماتيك ال جى

21/08/2026

اللهم بلغنا رمضان لا فاقدين ولا مفقودين 🥰🥰🥰 ونحن جميعا فى أحسن حال

21/08/2026

يا جماعه هى القراميط حرام فعلا اكلها

20/08/2026

شورو عليا انا قاعده في بيت عيله وسلفتي هتعزل قريب؟ وتسيب شقتها وجوزي عاوز يخدها ودفع؟ فيها سعر رمزي واخوه مش موافق وانا بنتي عندها 12سنه وابني 15 بينامو مع بعض في الاوضه وجوزي الا منه لله عنده شقه تبع الاسكان بس مش جمبه شغله مافيش حاجه عاوز يعملها عشان خاطرنا عكس اخوه خالص فانا دلوقتي معايا دهب بس من وراه ومعروض حتته ارض في المكان الا انا قاعده فيه اشتريها ولا اعمل اي بس محدش يعرف غير اهلي وهو لو ربنا رزقه بفلوس تتبخر معاه ويوزعها يمين وشمال عكس اخواته كلهم يعني جوز سلفتي دي جه من السعوديه معطاش لعيالي غير 15جنيه لكل عيل لكن جوزي ممكن يفك 200عشان يوزعهم وميكنش معاه غيرهم اعمل اي

20/08/2026