Mai Megahed

Mai Megahed اللهم صل وسلم وبارك على سيدنا محمد ��

23/10/2025

📍السماق بحسه من التوابل المظلومه اوي بجد 🥀♥️
السماق نوع من التوابل طعمه فيه مزازة حلوة زي الليمون وبنستخدمه في ورق العنب، الشاورما، تتبيلة الدجاج، والسلطات، وفعلاً بيخلي الطعم يفرق جدًا ومع البصل رهيب رهيب ✨
مينفعش يتحط بكميات كبيرة، علشان طعمه قوي وممكن يقلب مرارة ، رشة بسيطة بتكفي وتغيّر طعم الأكلة كلها 😍

📌اتأكدوا انكم بتجيبوا الاصلي مش مغشوش 👌🏻
الاصلي /لونه نبيتي غامق .
• طعمه مزز جدًا وريحتُه شبه الكركديه شوية.
• فيه حبيبات خشنة كده زي البذور الصغيرة.
• ولو حطيتي عليه شوية ماية عمره ما ينزل لون.

وطبعا المغشوش العكس ✨

طريقه​كشري أصفر مصري😉​المكونات: 👇🏻​2 ملعقة كبيرة سمن أو زيت​1 بصلة متوسطة، مفرومة​أرز أبيض​عدس أصفر​ملح وكمون​ماء​طريقة ...
21/09/2025

طريقه
​كشري أصفر مصري😉
​المكونات: 👇🏻
​2 ملعقة كبيرة سمن أو زيت
​1 بصلة متوسطة، مفرومة
​أرز أبيض
​عدس أصفر
​ملح وكمون
​ماء
​طريقة التحضير: 🫕
​على نار متوسطة، حطي السمن أو الزيت في الحلة.
​ضيفي البصل المفروم وقلّبيه لحد ما يدبل ويبقى لونه ذهبي.
​ضيفي الأرز والعدس اللي غسلتيهم وصفّتيهم كويس.
​قلّبي الأرز والعدس مع البصل لمدة دقيقة.
​تبّلي الكشري بالملح والكمون.
​ضيفي الماية، بحيث يكون مقدار الماية قد مقدار الأرز والعدس بالظبط (كوباية رز وعدس = كوباية ماية).
​سيبيه يغلي، وبعدين هدي النار خالص وغطي الحلة وسيبيه يستوي على نار هادية زي الرز العادي.🫰🏻

​أطباق جانبية مقترحة:♥️

​سلطة خضراء: قطعة طماطم، خيار، فلفل أخضر، جزر، خس، وبصل. وعصرة ليمون ومعلقه خل وملح 😉😘🥗

​طماطم مخللة: جهزي خلطة في الكبة من ثوم، فلفل أخضر، فلفل حار، خل، وليمون. تبّليهم بملح، فلفل أسود، كمون، وكسبرة ناشفة. بعدين اخلطي الخلطة مع شبت وكسبرة خضراء، واحشي بيهم الطماطم المتقطعة. سيبها ف التلاجه نص ساعه وكلي احلي طماطم مخالفه🍅🌶️

​بطاطس مقلية: تقدري تعمليها صوابع، شيبسي، أو حتى تسلقيها نص سلقة قبل القلي.🍟🥔

​باذنجان مقلي: اقليه وضيفي عليه من خلطة الطماطم المخللة.🍆
أو :
سلطه ​بابا غنوج: سلطة الباذنجان المشوي اشوي الباذنجان وافرميه و عليهم٣ ملاعق طحينه ومعلقه توم مفروم ومعلقه خل ونص ليمونه وملح وفلفل اسود وكمون وشطه وبقدونس اخضر متقطع ومعلقه زيت زيتون وكولي احلي سلطه بابا غنوج 😉😉😌🍆

​بيض مدحرج: اسلقي بيض وحمّريه في شوية سمن أو زيت🥚.
​ألف هنا وشفا 😋♥️

صينية بطاطس بالفراخ🥘تحضير الفراخ وتتبيلها:1. نظّف الفراخ جيدًا، واغسلها بالخل والليمون قولتكم الطريقه قبل كدا اوعوا تنسو...
20/09/2025

صينية بطاطس بالفراخ🥘
تحضير الفراخ وتتبيلها:
1. نظّف الفراخ جيدًا، واغسلها بالخل والليمون قولتكم الطريقه قبل كدا اوعوا تنسوا انزلوا شوفوها . 👇🏻👇🏻
2. في الخلاط أو الكبة، اخلط المكونات التالية للتتبيلة:
- طماطم
- فلفل أخضر وفلفل حار
- بصلة
ـ توم
ثم ضيفي باقي المكونات :

- كوب زبادي
- ملح، وفلفل أسود، وكمون، وكسبرة
- قرفة ناعمة
- صلصة طماطم
- ثوم وبصل بودرة
- معلقه عسل أبيض
- معلقه دبس رمان
ـ معلقه سماق
ـ معلقه بهارات فراخ ( أو سبع بهارات)
- ورق لورا، وحبهان، وقرنفل
- زعتر
3. اخلط المكونات جيدًا حتى تتجانس.
4. ضع الفراخ في التتبيلة واتركها لمدة ساعة على الأقل في التلاجه، ويفضّل يوم كامل للحصول على أفضل طعم.

تحضير صينية البطاطس:🥔
1. قطّع البطاطس إلى حلقات أو أي شكل تفضله.
2. في صنية ، اخلط البطاطس مع:
- حلقات بصل
- ثوم مفروم
- فلفل أخضر
ـ معلقه صغيره سكر ي سكر انت 😉
- صلصة طماطم
- طماطم معصورة في الخلاط
- ملح، وفلفل أسود، وكمون
3. قلّب المكونات جيدًا، ثم رصّها في الصينية.
4. أخرج الفراخ المتبلة وضعها فوق البطاطس.
5. ضع الصينية على نار متوسطة لمدة 15 دقيقة حتى تبدأ البطاطس في النضج.

التسوية في الفرن:
1. أدخل الصينية الفرن على درجة حرارة 200°م.
2. اتركها حتى تنضج الفراخ والبطاطس تمامًا.
3. شغّل الشواية في النهاية لتحمير الوجه .

طريقة عمل الأرز بالشعرية: 🍚
1. سخّني ملعقة سمنة أو زيت.
2. حمّري نصف كوب من الشعرية .
3. ضفي الأرز ولكل كوب أرز ضعي كوبً من الماء.( نفس الكوباية )
4. اتركي على نار عالية حتى يتشرب الماء، ثم هدّئ النار تمامًا حتى يستوى

أتمنى أن تكون الوصفة واضحة وممتعة!
بالف هنا ♥️

منيو اكل الاسبوع :😉😋السبت: صنينه بطاطس بالفراخ ورز شعرية 🥔🍗🍛الاحد :كشرى اصفر وبيض وبطاطس محمرة وباذنجان🥔🥚🍆🥗الاتنين: سمك...
20/09/2025

منيو اكل الاسبوع :😉😋

السبت: صنينه بطاطس بالفراخ ورز شعرية 🥔🍗🍛
الاحد :كشرى اصفر وبيض وبطاطس محمرة وباذنجان🥔🥚🍆🥗
الاتنين: سمك ورز صيادية وسلطه بابا غنوج وسلطه خضرا🍤🦞
الثلاثاء: حواوشي وبطاطس شيبسي🌮
الاربعاء: كبسة لحمه وملوخية🍖
الخميس: بيتزا 🍕
الجمعه: مكرونه بالصلصه وبانيه🍝

15/09/2025

ياللى ولادك بيشتكو من زفاره الفراخ حتي بعد السوا 🐔🐔🐔
تعالو اتلموا هنا كلكم واسمعوا شويه النصائح دى :

🐔اولا : لازم الفراخ تتغسل بمياه ساقعه من الحنفيه او الفلتر.. الميه ولا دافيه ولا سخنه لان المياه الساقعه بتشيل الزفاره..🐦🐓

🐓ثانيا : في أجزاء من الفرخه لازم تتشال لانها بتبقى اصلا زفره و بتبوظ الفرخه كلها (جلد الرقبه كلو.. حرف الجناح الرفيع.. المكان اللي بنكتف منو الفرخه من عند الرجلين بتبقي دايره كدا صغننه بنقطعها بالسكينه من غير ما نفتحها للاخر عشان نعرف نكتف الفرخه) واوعي تشيلي الدهون اللي فيها من ورا دي الشوربه كلها و دهن العتاقى🐔

🐓🐓ثالثا : خلي عندك دايما برطمان في شويه دقيق علي ملح علي جنزبيل يبقى لتنضيف الفراخ.. الجنزبيل سحررري فالتخلص من الزفاره.. تدعكي بيهم الفراخ كويس كدااا و بعدين تتغسل بمياه.🐔

🐓🐓رابعا : نص لمونه مع نص طمطمايه و تدعكي بيهم الفرخه كويس جدااااا برا وجوا و بعدين تنقعيها في شويه ميه بخل خمس دقايق بس و بعدين تطلعيها تتصفي م المياه🐔

🐓🐓خامسا : بصلايه صغننه في الكبه مع شويه ملح وفلفل اسود و تحشي بيهم الفرخه و بين الجلد واللحم 🐔

*كدا الفرخه قشطه وزي الفل ومش هتشمي. لها ا.ى ريحه 👅

*التسويه بقي ممكن طريقتين
.. معلقه زيت تسخن كويس و تنزلي بحبهان و جزر و طماطم وفلفل تنزلي بالفرخه تاخد صدمه من جميع النواحي و بعدين ننزل بمياه مغليه...
يا اما نحط كل المكونات اللي فاتت في ميه و نسيبها تغلي و ننزل بالفرخه

*تكه و سر مهم في التسويه 🐓🐔لو معاكي وقت بعد ما تتبلي الفرخه بالبصل والفلفل حطيها في الفريزر 3 ساعات مثلا و بعدين سويها.. لحمتها بتبقي طريه و جميله مش بتشد ،🐓
🔻ساعات بنسويها لحد ما تتهري و بردو نلاقي لحمتها بتشد! جربي بقي الطريقه دي وادعيلي ياعسل

هتشمي ريحة الشوربه هتشربيها و تسيبي الفرخه 😂و تعملي عليها احلي اكل ،🍚🍝🍜🍟
رايحه فين يالو زه تعبت منك خلاص كل يوم تنسي كدا .🍟نقول تانى ❤❤
لو البوست عجبك واستفادتي منه علقي ولو بدعوة حلوة
😘ادعولي 😘😘😘
هنزلكم فيديو بالتفصيل انتظروا 😌👌🏻

15/09/2025

طريقه عمل كب كيك 👌🏻🥧
المكونات
السوائل:

4 بيضات (كبيرة) أو 5 بيضات (متوسطة) ف درجه حراره الغرفه ط🥚

1 ملعقة صغيرة فانيليا (7 جم)

1 ملعقة كبيرة خل (5 جم) الخل يجعلها هشة 😉

1 كوب سكر (200 جم)🧊

1 كوب زيت (200 مل)

1 كوب حليب دافئ (200 مل)🥛

المكونات الجافة:

2 كوب دقيق (250 جم)

1 كوب نشا (130 جم)

1 ملعقة كبيرة بيكنج بودر (16 جم)

ربع ملعقة صغيرة ملح (2 جم)

طريقة التحضير: 👌🏻
تحضير الفرن: سخّن الفرن على درجة حرارة 180 مئوية لمدة 15 دقيقة قبل البدء.

في وعاء كبير، اخلط البيض، الفانيليا، الخل، والسكر جيدًا حتى يصبح الخليط فاتح اللون وكريمي. ثم أضف الزيت والحليب الدافئ واخلط المكونات مجددًا. باستخدام مضرب كهربائي أو يدوى .

تم اخلطى : المكونات الجافة: الدقيق، النشا، البيكنج بودر، والملح.

أضف خليط المكونات الجافة تدريجيًا إلى خليط السوائل والتقليب جيدا

ضعي الخليط في قالب مدهون. أدخل القالب إلى الفرن المسخن.

الوقت

يوضع لمدة 15 دقيقة على درجة حرارة 180 مئوية (من الأسفل فقط).

بعد 15 دقيقة، افتح الشواية العلوية ليأخذ الكيك لونًا ذهبيًا جميلًا.

التخزين: احلي وصفة مثالية للوجبات الخفيفة واللانش بوكس. ممكن تحضيري منها كمية وتخزينها في الفريزر بعد أن تبرد تمامًا. احرصي على وضعها في أكياس محكمة الإغلاق مع تفريغ الهواء جيدًا للحفاظ على طعمها.

التزيين: يمكنك تزيين الكب كيك بعد أن يبرد تمامًا باستخدام كريمة الزبدة، أو الشوكولاتة الذائبة، أو حتى رشة سكر بودرة.

Address

Mansoura

Website

Alerts

Be the first to know and let us send you an email when Mai Megahed posts news and promotions. Your email address will not be used for any other purpose, and you can unsubscribe at any time.

Shortcuts

Share

Category