This is Me

18/07/2026

23/06/2026

البني آدم مش متأقلم إنه يعيش في بحر من النعم المستمرة؛

كتر الخير ساعات بيفسد الطبع، بيعمي العين ويضعف الواحد، وكمان بيلغبط بوصلته، ومفيش غير الحرمان هو اللِّي بييجي يفرم كل ده ويعدله

الحرمان وبس هو اللِّي بيحسسنا بقيمة النعمة، وبيفهمنا إنها مش بتيجي بالساهل، هو اللِّي بيظبط البوصلة، ويربي النفس، ويجبر البني آدم على الشكر والحمد

علشان كدا، روشتة الرضا الحقيقية هي: إنك تتخيل إنك اتحرمت من اللِّي في إيدك قبل ما تخسره بجد

ساعتها، سخطك وزهقك هيتحولوا لحمد، ونظارتك للحياة عدساتها هتتغير، هتبدأ تشوف النعم اللِّي مغرقاك وموجودة فعلًا، بعد ما كنت مش باصص طول عمرك غير على الحتة الناقصة.

05/06/2026

،فيه حاجات فى الدنيا لا ينفع فيها تسامح ولا ينفع فيها فرصة تانية …
لأنها مش مجرد أخطاء ، دى مبادئ و أصول يعنى مثلاً !!

شخص قريب منك و عارف إنك بتمر بفترة صعبة فى حياتك وطلبت منه بعشم إنه يفضل جنبك ، بس وقت الجد ملقتوش ، شخص وثقت فيه ثقه عمياء ف راح عاميك بيها و إكتشفت إنه كان بيكدب و بيحور عليك وبيستغل طيبتك
وجدعنتك…

شخص إستأمنته على سر و حكاه لحد تانى
شخص خان وعد أو عهد او إتفاق كنتم متفقين عليه…

للأسف انت ممكن تعلم الناس أى حاجة فى الدنيا ماعدا الجدعنة و الإحساس و الأصول و الذوق .. دى حاجات بتبقى فى الدم ماينفعش فيها تعليم .. مش هينفع تعلم حد يبقى جدع وابن اصول ولا إنه يبقى عنده دم .. لذلك لو شخص عمل أى حاجة من الحاجات دى و قررت تديله فرصة تانية .. هيبقى أكنك بتديله مسدس و تقوله يضربك طلقة تانية فى قلبك .. دى حاجات ماينفعش فيها عتاب ولا تسامح .. دى حاجات تمشى فيها من سكات من غير عتاب ولا لوم ولا تبرير ولا حتى سلام .. دى مش مجرد أخطاء لا دى أصول !!

30/05/2026

السنين اللي فاتت خلونى أعرف...
إن فعلا الذوق الزياده بيوصل لضياع الحقوق،
وبيخلى اللى قدامك يتمادى و يفتكر إن ده حقه..

والمجاملة الزيادة،
بتخلي الناس تفتكر انها صح و ليهم قيمة..

و الصبر الزياده،
بيخلي الي قدامك يفتكر اننا قابلين الغلط..
وبيزود فى قلة أدبه.

والأدب الزيادة في طلب الحقوق بيخلي اللي واكل حقنا يفتكر اننا مش عايزينه وإننا ضعاف..

و المساحة الزيادة بتخلي الناس تتدخل بزيادة..
وتبوظ حياتك و تقرفك،
فعلا مش كل حاجه زياده حلوه...🤚

29/05/2026

ابنك ❤️
١- نشِّفه وخليه دراعك اليمين..
٢- الجيل ده متدلع بزيادة؛ اكسر القاعدة دي وعوده على الخشونة…
٣- متحققلوش كل رغبة… خليه يتعب ويستنى عشان يقدّر قيمة الحاجة…
٤- علّمه تأجيل الرغبات (Delayed Gratification)؛ ده أساس النجاح في الدراسة والشغل…
٥- حمّله مسؤوليات حقيقية (طلبات، فواتير، صنايعية، حماية أهله)…
٦- متنقذوش كل أزمة؛ سيبه يخسر ويتحرج ويحاول عشان يبني "صلابة نفسية"…
٧- اخشوشنوا فإن النعم لا تدوم.
٨- لازم يكون عندك "ستايل" واضح في التربية…
٩- طبق ال (Authoritative): حب واضح جداً + حدود وحزم واضحين جداً….
١٠- لا يكن حبك كلفاً ولا بغضك تلفاً.
١١- الاحتكاك والمجالس (الذكاء الاجتماعي)…
١٢- اسحبه من قدام الشاشات ونزّله عالأرض…
١٣- خده معاك المسجد، في مشاويرك، وفي قعدات الرجالة…
١٤- خليه يسمع الكبار بيحلوا المشاكل إزاي؛ "المجالس تصنع الرجال"…
١٥- علّمه كلام الكبار وواجهه بتحديات محسوبة زي ما الصحابة كانوا بيعملوا مع ولادهم…
١٦- "نسختك" أهم حاجة…
١٧- ابنك مرايتك؛ لو شاف أب بيهرب من المسؤولية أو بيكدب، هيطلع زيه مهما نصحته…
١٨- تحكم في غضبك؛ ولو غلطت اعتذر، خليه يشوفك بتصلح أخطاءك…
١٩- عايزه يصلي؟ يشوفك بتصلي...
٢٠- عايزه بارّ؟ يشوف برّك لأهلك.…
٢١- الأفعال تربي، والكلام يصفّ.
٢٢- ازرع فيه إن "ربنا مطلع عليه" في السر والعلن (مقام الإحسان)…
٢٣- علمه إن النجاح مش مجرد شهادات وفلوس؛ النجاح هو ضمير حي وأخلاق…
٢٤- اربط رجولته بـ (صحة الدين، كمال العقل، وحسن الخلق)…
٢٥- إحنا بنسعي وبناخد بالأسباب… وده اللي هنتحاسب عليه… لكن النتائج بيد الله وحده…
مفيش ضمانات… فيه (سعي + دعاء + قدوة + صبر طويل)…

20/04/2026

"كريمُ النّفس لا ينتظر عوضًا، يُعطي الجميل ثُم يُمضي ، وكأنَ شيئًا لم يكُن"💛🧡🤎