Adegas Celme

24/03/2026

24 de marzo! 💚🌱🌿

12/03/2026

Podado, atado, vides trituradas e todo listo (a falta de pequenos detalles) para que comece a brotar. Aló imos! 🌱

05/03/2026

🌿 Este ano imos a BioCultura!

Do 6 ao 8 de marzo estaremos en BioCultura A Coruña cunha novidade moi especial: os nosos viños xa certificados como ecolóxicos.

Somos unha pequena adega de colleiteiros, elaboramos moi poucas botellas de variedades autóctonas galegas, coidando a terra e cada proceso con respecto polo territorio.

Pero non só facemos viño e vermú 🍷🍸

Tamén desenvolvemos propostas de enoturismo sostible: visitas á adega, catas comentadas e experiencias para descubrir o viño desde a súa orixe, en contacto directo coa terra.🥂🌱

👩🏽‍🍳 Se es profesional da restauración, encantaríanos coñecerte.
👩🏽‍🌾 Se es amante do viño e do territorio, pásate polo noso stand e descubre as nosas experiencias.

🎟 Temos algunhas entradas dispoñibles para a feira. Se che interesa asistir, contáctanos.

Vémonos en BioCultura 💚🍷

15/12/2025

05/12/2025

Esperámoste esta fin de semana en Ribadavia!

03/12/2025

💛 Aiii… o Celme Tostado! 💛

Non temos palabras para describilo…

Só podemos dicir que é deses viños doces que marcan.

Hai que probalo, hai que sentilo! ✨

02/12/2025

🍸Celmú.🍸 ¿Casualidade?

Non estaba nos nosos plans elaborar vermú. Xurdiu, como ás veces xorden as mellores cousas: por casualidade.

📜 Recuperamos unha antiga receita tradicional e fixemos, sen presa e con moita paciencia, unha maceración de especias e herbas naturais ecolóxicas sobre unha base do noso viño elaborado con castes tradicionais galegas.🌿

O resultado? Un vermú artesanal fresco e con complexidade aromática: notas herbáceas, froitos secos, especias e tostados que crean un amplo abano de sensacións, cunha entrada doce e un amargor final que invita a outro grolo. 🍸

✨Un vermú para g***r sen présas, no aperitivo ou na sobremesa. 🫒 🥞🍸

01/12/2025

🍷 Celme do Souto 🍷

Un tinto único! Mestura de sousón, brancellao e caíño longo, todas elas variedades autóctonas galegas minoritarias.

Un tinto para presumir de territorio, identidade e orgullo galego!

Moi poucas botellas con moita historia e tradición que compartir. ❣️

30/11/2025

🪵 Celme Garabito 🪵

Tan só 500L dun viño fermentado en barrica e con traballo de lías finas.

Un viño branco complexo aromáticamente no que se mesturan os matices da treixadura e un chisco de loureira cunha barrica escollida para esta limitada edición!

Leva o nome dun alcume familiar da terra dos Ancares. Se tedes a sorte de coñecer aos garabitos sabedes que tedes cantos e diversión asegurada! 🎵

Un brinde polos garabitos e por tódolos momentos que este viño vai acompañar ! 🥂

29/11/2025

🌿Celme do Vintecatro 🌿 Godello 💯

Hai viños que dende un primeiro momento sabes que van ser especiais. E ese é o caso do noso Celme do Vintecatro. 💚

🌱 Xa dende a brotación todo o que rodea a este viño nos daba pistas de que algo único estaba a comezar: a nosa primeira colleita ecolóxica, as condicions ideais que se mantiveron todo o ano e finalmente a vendima cun cheiro a Godello que o dominaba todo. Algo que dificilmente se repetirá.

Unha homenaxe a dúas personiñas tamén irrepetibles que naceron ambas o mesmo día, un día Vintecatro. 😍

Apetéceche probalo? 🥂

28/11/2025

Dúas caras do mesmo Celme.

Hoxe presentamos dous viños que nacen do mesmo viñedo ecolóxico e das mesmas castes autóctonas… pero que seguen camiños moi distintos ata chegar á copa.

🍷 Celme de Pena Bicada
A máxima expresión das nosas variedades: cada caste elabórase por separado no seu punto óptimo de maduración e a ensamblaxe busca equilibrio e complexidade. Un viño amable, longo, elegante, con estrutura e cheo de matices. O máis representativo da adega co nome da parcela de variedades brancas, perfecto para compartir en calquera momento.

🍷 Celme Espontáneo
Aquí deixamos que o viño fale só. Fermentación totalmente espontánea para capturar a expresión máis libre e vibrante do viñedo.

A mesma terra, as mesmas cepas… dúas maneiras de entender a elaboración:
🔸En Pena Bicada controlamos a fermentación aplicando frío e buscamos o viño “perfecto”.
🔸 No Espontáneo, deixamos que todo flúa sen normas, sen expectativas…a xogar!

E ti… es máis de Pena Bicada ou de Espontáneo❓