Addis Ketema Woreda 10 Prosperity ፓርቲ

27/10/2026

የወንዞቻችን ትንሳኤ የመዲናችንን የተሞክሮ ማዕከልነት አሳድጓል!

አህጉር አቀፍ እና ዓለም አቀፍ ተልዕኮዋን የሚመጥን ከፍታ ላይ እንድትደርስ፣ አዲስ አበባን እንደ ስሟ ውብ አበባ ለማድረግ በክቡር ጠቅላይ ሚኒስትር ዐብይ አህመድ (ዶ/ር) የተቀመጠው ግልፅ አቅጣጫ ባለፉት ዓመታት ልቆ በመተግበሩ ተጨባጭ ስኬቶች ተመዝግበዋል፡፡

በመሀል ከተማ እንዲሁም በሁሉም የከተማዋ ጫፎች የመሰረተ ልማቶች ተደራሽ ያለመሆንና የጥራት ችግሮች እንዲሁም ጥልቅ ጉስቁልና ጎልተው ይታዩ የነበረ ሲሆን፣ አሁን ላይ ፍትሀዊ የልማት ተጠቃሚ እየሆኑ አዲስ ገፅታን መላበስ ጀምረዋል፡፡

ሁሉን አቀፍ ዕድገትን ለማስመዝገብ እየተደረገ በሚገኘው ብርቱ ርብርብ የነዋሪዎቻችንን የኑሮ ደረጃ ያሻሻሉ በርካታ ሰው ተኮር ፕሮጀክቶች ተሰርተዋል፡፡ የወንዝ ዳርቻ ልማት ፕሮጀክቶችም የወንዞችን ህልውና ብቻ ሳይሆን በስጋት ህይወት ውስጥ የነበሩ በርካታ ነዋሪዎችን እየታደጉ ይገኛሉ፡፡

በወንዞቻችን ላይ የነበረው ከፍተኛ ብክለት በተለይም የወንዝ ዳር ነዋሪዎችን ለከፍተኛ የጤና እክል አጋልጦ ቆይቷል፡፡ የጎርፍ መውረጃዎች በቆሻሻ በመደፈናቸው በዝናብ ወቅት በሚፈጠረው ጎርፍ በየዓመቱ የሞት አደጋዎች ጭምር ሲያጋጥሙ እንደነበር አይዘነጋም፡፡

በወንዝ ዳርቻ ልማት በተከናወኑ ቅንጅታዊ ስራዎች ወንዞቻችን ለነዋሪዎች ስጋት ከነበሩበት ጥልቅ ጉስቁልና ወጥተው ሁሉም የህብረተሰብ ክፍል ንፁህ አየር የሚቀበልባቸው፣ ኢኮኖሚያዊ እንቅስቃሴ የሚሳለጥባቸው፣ ማህበራዊ መስተጋብር የሚጠብቅባቸው መዳረሻዎች ሆነዋል፡፡

ተምሳሌትነቷን እያሰፋች የምትገኘው መዲናችን በወንዝ ዳርቻ ልማት ፕሮጀክቶቿም የነዋሪዎቿን የኑሮ ደረጃ ከፍ ከማድረግ ባሻገር የተሞክሮ ማዕከልነቷን አሳድጋለች፡፡

ለኑሮ ተስማሚ የአየር ንብረት፣ ውብ መልክዓ ምድር፣ ህብር መልክ ያላት አዲስ አበባ የአፍሪካ መዲና፣ የዲፕሎማቶች መናኸሪ፣ በፈጣን የዕድገት ምህዋር ውስጥ የምትገኝ ውብ ከተማ ናት፡፡

በብልፅግና ፓርቲ የአዲስ አበባ ቅ/ፅ/ቤት

26/10/2026

አዲስ አበባ በስልጣኔና የወንዝ ዳርቻ ልማት ታሪካዊ ስኬት

የመዲናዋ ብስራት የሆነው የተፈጥሮን ጸጋ ከዘመናዊ የከተማ ስልጣኔ ጋር አዋህዶ የነዋሪዎቿን የኑሮ ዘይቤ የሚያሻሽለውን የቀጨኔ-አምባሳደር-ጊዮን-ኢሬቻ ፓርክ እስከ ባምቢስ የሚዘልቀው ግዙፍ የወንዝ ዳርቻ ልማት ፕሮጀክት ለህዝብ ክፍት ተደርጓል።

በእርግጥም አዲስ አበባ የኢትዮጵያ የስልጣኔ አምባ እና የዘመናዊነትና የመደመር ምልክት ሆና ጐልታ የወጣችበት፣ መሰረተ ልማት ከአደራ ጠባቂነትና ከዜጎች ህይወት ጋር ተሰናስሎ የተገነባበት በከተማዋ የመታደስ ታሪክ ውስጥ ትልቅ የታሪክ መታጠፊያ የሆነ ብሩህ ገጽ የተከፈተበት ጊዜ ነው፡፡

ወንዞቿ የከተማዋን የትላንት ድብቅ ገመናዋን መሸፈኛ ነበሩ፣ የከተማዋ ቆሻሻ ማጠራቀሚያ፣ ፍሳሽ እና መጸዳጃ ማስወገጃ፣ ለበርካታ ተላላፊ በሽታዎች እና ለህዝብ ጤና መጓደል ጥልቅ መንስኤ ሆነው ኖረዋል።

ዛሬ ላይ ግን ያ ታሪክ ላይመለስ ተቀይሮ ህይወት ዘርተዋል፣ የታመሙ ወንዞቿ ታክመው ከበሽታ ምንጭነት ወደ ጤና ማዕከልነት፣ ከቆሻሻ ማከማቻነት ወደ ውበት ሰገነትነት፣ ለመጠጋት ከሚፈራበት ወደ ማረፊያ፣ ጊዜ ማሳለፍያ እና መዝናኛነት ተቀይረዋል።

አዲስ አበባ አሁን ወንዞቿ ዜጎች የደስታ ጊዜ የሚያሳልፉባቸው፣ የጤና፣ የስፖርት፣ የንባብ፣ የኪነ-ጥበብ (የአርት)፣ የእረፍት እና የማህበራዊ መስተጋብር ማዕከላት እንዲሁም ማህበረሰቡ የሚገበያይባቸው ማራኪ የከተማዋ ጌጦች ሆነዋል።

25/10/2026

ወንዞቻችንን ወደ ሕይወት፣ ተፈጥሮን ወደ ውበት፣ አካባቢያችንን ወደ ቱሪስት መዳረሻነት እየቀየርን ነው!

የከተማ ልማት ማለት መሠረተ ልማትን መገንባት ብቻ ሳይሆን፣ ለነዋሪዎች ንጹሕና ምቹ አካባቢ፣ የመዝናኛና የማኅበራዊ ትስስር ዕድሎች፣ የሥራና የገቢ ምንጮችን መፍጠርም ጭምር ነው።

ዛሬ መርቀን ለህዝብ ክፍት ያደረግነው ከቀጨኔ፣ አምባሳደር፣ ኢሬቻና ባምቢስ እስከ ሰላም መንገድ የሚዘልቀው የወንዝ ዳርቻ ልማት፣ የተፈጥሮ ሀብታችንን በመንከባከብ አዲስ አበባን ለመኖር፣ ለመሥራትና ለመዝናናት ምቹ፣ አረንጓዴና ውብ ከተማ የማድረግ ጉዟችን አካል ነው።

በፕሮጀክቱ የግንባታ ሂደት ከ56,000 በላይ የሥራ ዕድሎች ተፈጥረዋል። አሁንም በንግድ፣ በአገልግሎት፣ በመዝናኛና በአረንጓዴ ልማት እንክብካቤ ለብዙ ዜጎች የሥራና የገቢ ዕድሎች እየተፈጠሩ ነው።

በተጨማሪም፣ በጎርፍ አደጋ ለመጋለጥ ተገደው የነበሩ ነዋሪዎቻችንን አዲስና ምቹ ወደሆኑ መኖሪያ ቤቶች በማሸጋገር ደኅንነታቸውንና የኑሮ ሁኔታቸውን ለማሻሻል ተችሏል። የግብርና ምርቶች ማቅረቢያ ማዕከላትን፣ የዕደ ጥበብ ምርት ማምረቻና መሸጫ ስፍራዎችን እንዲሁም ዘመናዊ የገበያ ማዕከላትን በማዘጋጀት የአምራቾችን፣ የነጋዴዎችንና የሸማቾችን ትስስር እያጠናከርን ነው።

ለዚህ ውጤት ከሐሳብ ማመንጨት ጀምሮ አቅጣጫ በመስጠትና በማበረታታት ለደገፉን ክቡር ጠቅላይ ሚኒስትራችን፣ በጥናት፣ በዕቅድ፣ በግንባታና በቅንጅት ለደከሙ የከተማችን አመራሮች፣ ባለሙያዎች፣ አማካሪዎችና ተቋራጮች ልባዊ ምስጋናዬን አቀርባለሁ።

በተለይም ለልማቱ መሳካት በትብብርና በመተማመን ከጎናችን ለቆማችሁ ነዋሪዎቻችን ያለኝን ከፍተኛ አክብሮትና ምስጋና እገልጻለሁ። የዛሬው ውጤት የጋራ ጥረታችንና የትብብራችን ፍሬ ነው።

24/10/2026

የኢትዮጵያ ነገ ያጓጓል!!

ኢትዮጵያ የሚያጋጥሟትን ፈተናዎች ወደ ታላላቅ እድሎች በመቀየር የነገ ከፍታዋን በጽኑ መሰረት ላይ እያኖረች ትገኛለች። የዛሬ ሥራዋን በነገ ህልሟ እየለካች ሁለንተናዊ የልማት ጉዞዋን አጠናክራ ቀጥላለች።

ይህ የልማት ጉዞ በአንድ ዘርፍ ብቻ የተወሰነ አይደለም፤ የሀገሪቱን የረጅም ጊዜ አቅም በሚገነቡ ተከታታይና የተቀናጁ ፕሮጀክቶች የታጀበ ነው፡፡

ጉባ ላይ በጠቅላይ ሚኒስትር ዐቢይ አሕመድ(ዶ/ር) የተበሰሩት ሰባት ታላላቅ ፕሮጀክቶች የኢትዮጵያን ቀጣይ የልማት አቅጣጫ የሚያመላክቱ ናቸው፡፡

ብስራቶቹ የዛሬን ፍላጎት ከነገ ትልምና ዕድል ጋር በማገናኘት በርካታ ኢኮኖሚያዊ ዘርፎችን በአንድ የልማት ማዕቀፍ ውስጥ ለማስተሳሰር የታለሙ ናቸው።

ከ30 ቢሊዮን ዶላር በላይ የሚፈልጉት እነዚህ ፕሮጀክቶች የኢትዮጵያን ነገ አጓጊ ያደርጉታል፡፡

ጠቅላይሚኒስትር ዐቢይ አሕመድ(ዶ/ር) የኢትዮጵያ ኒውክሊየር ኃይል ኮሚሽን በጎበኙበት ወቅት ባስተላለፉት መልዕክት ሁሉም ፕሮጀክቶች በአስደማሚ ፍጥነት እየተከናወኑ መሆኑን ተናግረዋል።

የቢሾፍቱ ዓለም አቀፍ አውሮፕላን ማረፍያ የመጀመሪያ ምዕራፍ ግንባታ ከአራት ወር ባነሰ ጊዜ እንደሚጠናቀቅ ገልጸው፤ ሁለተኛው ዙር ተከትሎ ይጀመራል ብለዋል።

የተፈጥሮ ጋዝ ማምረቻ ፋብሪካ ግንባታ የመጀመሪያው ዙር ተመርቆ ሁለተኛው ተጀምሯል ያሉት ጠቅላይ ሚኒስትር ዐቢይ (ዶ/ር)፤ የማዳበሪያ ፋብሪካ ግንባታ በአስተማማኝ ሁኔታ እየተካሄደ መሆኑን ጠቁመዋል።

የማዳበሪያ ፋብሪካውን ከተፈጥሮ ጋዝ ጋር የሚያስተሳስር መስመር መዘርጋቱን ገልጸው፤ አሁን ደግሞ ከወደብ ጋር የሚያገናኝ ማስተላለፊያ መስመር ጀምረናል ብለዋል፡፡

የቤቶች ግንባታን እውን ለማድረግ አዳዲስ ቴክኖሎጂዎች እየገቡ መሆኑን ጠቅሰው፤ የሞርጌጅ ባንክ ለመፍጠር ጥናት መጠናቀቁን ተናግረዋል።

የታላቁ የኢትዮጵያ ሕዳሴ ግድብ ወደ ሥራ ያስገባችው ኢትዮጵያ በኃይል፣ በኢንዱስትሪ፣ በአቪዬሽን፣ በግብርና እና በቤት ልማት የያዘችው አጠቃላይ የልማት መስመር ከነገ ከፍታዋ የሚያደርሳት ነው፡፡

የሕዳሴ ግድብና የኒውክሌር ኃይል ማስፋፋት ለኢንዱስትሪው ዘርፍ የሚሆን አስተማማኝ የኃይል መሠረት ይጥላል።

የጋዝ ፋብሪካዎችና የነዳጅ ማጣሪያው አገራዊ የኢነርጂና የኢንዱስትሪ አቅምን በከፍተኛ ደረጃ ይደግፋሉ።

በሀገር ውስጥ የሚመረተው ማዳበሪያ የግብርና ምርታማነትን በማሳደግ የምግብ ዋስትናን ለማረጋገጥ መሠረት ይሆናል።

ግዙፉ የቢሾፍቱ የአየር ማረፊያ እና የ1.5 ሚሊዮን ቤቶች ግንባታ የሀገሪቱን የትራንስፖርትና የንግድ ተደራሽነት፣ የከተሞችን እድገት እና የዜጎችን የኑሮ ሁኔታ ያሻሽላሉ።

ኢትዮጵያ በግዙፍ ፕሮጀክቶች ላይ የያዘችው ግልጽ አቅጣጫ፣ የማክሮ ኢኮኖሚ ማሻሻያ እና እየገነባችው ያለው መሠረተ ልማት የዓለም አቀፍ ሀገራትንና ግዙፍ ኩባንያዎችን ቀልብ ስቧል።

የውጭ ኩባንያዎችና ሀገራት በፈጣን እድገት ላይ በሚገኘው በዚህ የኢትዮጵያ ኢኮኖሚ ውስጥ ንቁ ተሳትፎ ለማድረግና በባንክ፣ በኢነርጂ፣ በግብርና ማካናይዜሽን እና በኮንስትራክሽን ዘርፎች ኢንቨስት ለማድረግ ከፍተኛ ፍላጎት እያሳዩ ይገኛሉ።

ኢትዮጵያ ታላላቅ ራዕዮችን ወደ ተጨባጭ ውጤት የመቀየር አቅሟን በተግባር እያረጋገጠች ትገኛለች።

በታደሰ ሽፈራው

22/10/2026

በአዲስ ከተማ ክ/ከተማ ወረዳ 10 የህሙማን ለይቶ ማቆያ ማዕከል /Isolation Roim/ ግንባታ ማስጀመሪያ ተካሄደ::

በግንባታ ማስጀመሪው ላይ ተገኝተው መልዕክት ያስተላለፉት የአዲስ አበባ ብልፅግና ፓርቲ ቅርንጫፍ ጽ/ቤት አደረጃጀት ዘርፍ ሃላፊ አቶ አብርሐም ታደሰ መዲናችን አዲስ አበባ ወደ ተጨባጭ የልማት ስራዎች በመግባት በአዲስ ምዕራፍ ላይ እንደምትገኝ ገልፀው በዛሬው እለትም በወረዳ 10 የጤናውን ስራ ለማሳለጥ የተጀመው ግንባታ የዚሁ አንድ አካል ነው ሲሉ ገልፀዋል::

የአዲስ ከተማ ክ/ከተማ ዋና ስራ አስፈፃሚ አቶ ታረቀኝ ወርቅነህ በበኩላቸው በክፍለ ከተማው በርካታ ሰው ተኮር የሆኑ ፕሮጀክቶች እየተገነቡ መሆናቸውን ጠቅሰው ዛሬ ያስጀመርነው የለይቶ ማቆያ ማዕከል የጥራት ደረጃውን ጠብቆ እንዲገነባ አስፈላጊው የክትትልና ቁጥጥር ተግባር ይሰራል ሲሉ ተናግረዋል::

እየተከሰቱ ላሉ እና ወደፊትም ሊከሰቱ የሚችሉ ወረርሽኞችን ለመከላከል የህሙማን ለይቶ ማቆያ ማዕከል /Isolation Roim/ ግንባታዎች ወሳኝ ናቸው ሲሉ የአዲስ አበባ ከተማ ጤና ቢሮ ምክትል ሃላፊ ዶ/ር ሙሉጌታ እንዳለ አስታውቀዋል::

የአዲስ ከተማ ወረዳ 10 ዋና ስራ አስፈፃሚ አቶ አበራ ግርማ በበኩላቸው ዛሬ የተጀመረው ግንባታ የዘጠና ቀን እቅድ አካል መሆኑን ጠቅሰው በአጭር ቀን በማጠናቀቅ ለአገልግሎት ክፍት እናደርጋለን ሲሉ ተናግረዋል::

በግንባታ ማስጀመሪያው ላይ ከላይ ከተጠቀሱ የስራ ሃላፊዎች በተጨማሪ የአዲስ ከተማ ብልፅግና ፓርቲ ቅርንጫፍ ጽ/ቤት ሃላፊ አቶ ደመላሽ ጎሳን ጨምሮ ሌሎች የአስተባባሪ ኮሚቴ አባላት በተገኙበት ፕሮጀክቱ በይፋ ተጀምሯል::

21/10/2026

የአዲስ ከተማ ክፍለ ከተማ ብልጽግና ፓርቲ ቅርንጫፍ ጽህፈት ቤት የ1ኛ ሩብ ዓመት አፈጻጸም ግምገማ አካሄደ!

​የአዲስ ከተማ ክፍለ ከተማ ብልጽግና ፓርቲ ቅርንጫፍ ጽህፈት ቤት የ2019 በጀት ዓመት 1ኛ ሩብ ዓመት የፓርቲ ሥራዎች አፈጻጸም በየደረጃ ከሚገኙ የብልፅግና ህብረት ሰብሳቢዎች ጋር በመገምገም ቀጣይ ተልዕኮዎችን የጋራ አድርጓል።

የአዲስ ከተማ ክፍለ ከተማ ብልፅግና ፓርቲ ቅርንጫፍ ጽህፈት ቤት ኃላፊ አቶ ደመላሽ ጎሳ እንደገለጹት፤ በ7ኛው ሀገራዊ ምርጫ የህዝብ ይሁንታ ያገኘው ብልጽግና ፓርቲ የመደመር መንግስት የመሰረተበት፣ ሀገራዊ ምክክሩ በስኬት የተጠናቀቀበት እና እንደ ክፍለ ከተማም በርካታ ስኬቶች የተመዘገቡበት ሩብ ዓመት በመሆኑ ለቀጣይ ሥራዎች ትልቅ አቅም ተፈጥሯል።

​አቶ ደመላሽ አክለውም ብልጽግና መሰረቱን ያጸና፣ ራዕይውንም በተጨባጭ እያሳካ የሚገኝ ግዙፍ ፓርቲ መሆኑን በማስታወስ፤ የፓርቲው አመራርና አባላት የከተማችንን ፈጣን ዕድገት ለማስቀጠል እና የህዝባችንን ፍትሃዊ ተጠቃሚነት ለማረጋገጥ ተምሳሌታዊ ርብርባቸውን አጠናክረው መቀጠል እንዳለባቸው አሳስበዋል። በሩብ ዓመቱ ከተከናወኑ መደበኛ የፓርቲና የድርጅት ሥራዎች ባሻገር የአደባባይ በዓላት እሴቶቻቸውን ጠብቀው በድምቀት እንዲከበሩና የህዝባችንን ወንድማማችነት እና እህትማማችነት ይበልጥ እንዲያጠናክሩ ቅንጅታዊ ተግባራት መከናወናቸው ተመላክቷል።

​በክፍለ ከተማው የተሰሩ የኢንሼቲቭ፣ የልማት እና የመልካም አስተዳደር ተግባራት አስመልክቶ እንደተገለጸው፤ የህዝብ ወገንተኝነትን በቀልጣፋ አገልግሎት እና በፍትሃዊ ልማት ለማረጋገጥ እንዲሁም የፓርቲውን እሳቤዎች በተቋማዊ አቅም ተግባራዊ ማድረግን ትኩረት ተሰቶ እየተሰራ መሆኑን የገለፁ ሲሆን አባላትን በህብረቶችና በቤተሰብ ውይይቶች በማደራጀት የፖለቲካ ንቃተ-ህሊናቸውን ማሳደግ፣ በሳምንታዊ የጽዳት ንቅናቄዎች፣ በበጎ ፈቃድ አገልግሎቶች፣ በሌማት ትሩፋት እና በስራ ዕድል ፈጠራ እንቅስቃሴዎች ውስጥ በንቃት እንዲሳተፉ ማድረግ ተችሏል።

​በተከታታይ የአቅም ግንባታ ሥራዎች፣ በቴክኖሎጂ የታገዘ መረጃ አያያዝ እንዲሁም በትግበር ስምሪት የአመራሩና የአባሉ ትስስር እየተጠናከረ መምጣቱ የተገለጸ ሲሆን፤ ግምገማውን እና ምዘናውን ተከትሎ የተከናወነው የአመራር መልሶ ማደራጀት የህብረ-ብሔራዊቷን መዲና መልክ በሚያንጸባርቅ እና የሴቶችን ተሳትፎ ባረጋገጠ መልኩ ተካሂዷል። ይህ የሩብ ዓመት ግምገማ መድረክ በቀጣይ የሚከናወኑ ተግባራትን በግልጽነት፣ በቁርጠኝነትና በጠንካራ ተጠያቂነት ሥርዓት ለመምራት የሚያስችል አቅጣጫ አስቀምጧል::

10/10/2026

ጠቅላይ ሚኒስትር ዐቢይ አሕመድ (ዶ/ር) ለተለያዩ የፌደራል ተቋማት አዳዲስ ሹመቶችን ሰጡ
*********************

የኢፌዴሪ ጠቅላይ ሚኒስትር ዐቢይ አሕመድ (ዶ/ር) በዛሬው ዕለት ለተለያዩ የፌደራል የመደመር መንግሥት ተቋማት አዳዲስ ሹመቶችን ሰጥተዋል፡፡

ጠቅላይ ሚኒስትሩ ለተለያዩ የፌደራል ተቋማት ከሾሟቸው አመራሮች መካከል የሚከተሉት ይገኙበታል፡-

1. ዶ/ር ዘለቀ ተመስገን — የኢትዮጵያ ኢንቨስትመንት ሆልዲንግስ ምክትል ሥራ አስፈጻሚ

2. ጃፋር በደሩ — የኢትዮጵያ ኢንቨስትመንት ሆልዲንግስ ምክትል ሥራ አስፈጻሚ

3. ሃና ተኸልቁ — የኢትዮጵያ ኢንቨስትመንት ኮሚሽን ኮሚሽነር

4.መልዕክት ሳህሉ — የኢትዮጵያ ኢንቨስትመንት ኮሚሽን ምክትል ኮሚሽነር

5.ዶ/ር ባይሳ በዳዳ — የኢትዮጵያ ኢንቨስትመንት ኮሚሽን ምክትል ኮሚሽነር

6.ዳግማዊት ሽፈራው — የኢትዮጵያ ካፒታል ገበያ ባለሥልጣን ዋና ዳይሬክተር

7.ዶ/ር ይርጋዓለም አሰፋ — የኢትዮጵያ ካፒታል ገበያ ባለሥልጣን ምክትል ዋና ዳይሬክተር

8.አምባሳደር ፍፁም አረጋ — የኢሚግሬሽንና ዜግነት አገልግሎት ዋና ዳይሬክተር

9.ይታገሱ ደሳለኝ — የኢሚግሬሽንና ዜግነት አገልግሎት ምክትል ዋና ዳይሬክተር

10.አምባሳደር ሌንጮ ባቲ — የኢትዮጵያ ዲያስፖራ አገልግሎት ዋና ዳይሬክተር

11.መሐመድ ራፊ — የአፍሪካ አመራር ልህቀት አካዳሚ (አፍሊኤክስ) ዋና ሥራ አስፈጻሚ

#የመደመርመንግሥት

10/10/2026

09/10/2026

የመደመር መንግሥት ምስረታ እንደቀጠለ ሲሆን፣ በዛሬው ዕለት፣ ጠቅላይ ሚኒስትር ዐቢይ አሕመድ (ዶ/ር) የሚከተሉትን ሹመቶች ሰጥተዋል፦

1. ክቡር ዳንኤል ክብረት - በጠቅላይ ሚኒስትር ጽሕፈት ቤት በሚኒስትር ማዕረግ - የዴሊቨሪ ክትትል ዘርፍ ኃላፊ

2. ክብርት አምባሳደር ናሲሴ ጫሊ - በጠቅላይ ሚኒስትር ጽሕፈት ቤት በሚኒስትር ማዕረግ - የENFI ክትትል ዘርፍ ኃላፊ

3. ዶ/ር ቢቂላ ሁሪሳ - በሚኒስትር ማዕረግ የዴሞክራሲ ሥርዓት ግንባታ አስተባባሪ

4. አቶ ፍሰሃ ደሳለኝ - በሚኒስትር ማዕረግ የዴሞክራሲ ሥርዓት ግንባታ አስተባባሪ

5. ዶ/ር ደረጀ ድጉማ - በሚኒስትር ማዕረግ የዴሞክራሲ ሥርዓት ግንባታ አስተባባሪ

6. አቶ ተስፋሁን ጎበዛይ - በሚኒስትር ማዕረግ የዴሞክራሲ ሥርዓት ግንባታ አስተባባሪ

7. አቶ ሀብታሙ ሲሳይ - በሚኒስትር ማዕረግ የዴሞክራሲ ሥርዓት ግንባታ አስተባባሪ

09/10/2026

፤ !

በብልፅግና ፓርቲ የአዲስ ከተማ ክ/ከ ወረዳ10 ቅ/ፅ/ቤት "ከምርጫ ድል ማግስት፤ ጠንካራ መንግስት!" በሚል መሪ ቃል በየደረጃው ባሉ ህብረቶች ሲካሄድ የቆየው የ2019 በጀት ዓመት የ1ኛ ሩብ ዓመት ኮንፈረንስ በወረዳ ደረጃ ማጠቃለያ ኮንፈረንስ ተካሄደ።

በ1ኛ ሩብ አመት ኮንፈረንሱ ላይ ባለፉት 3 ወራት የተሰሩ የፓርቲ ስራዎች ሪፖርት ቀርቦ ውይይት ተደርጎበታል።

በመጨረሻም የወረዳው የኢንስፔክሽንና ስነምግባር ኮሚሽን የ3 ወር ሪፖርት ቀርቦ የኮሚሽን አመራሮችን በማጽደቅ ኮንፈረንሱ ተጠናቋል።

adkw10_prosperity