20/09/2026
የፖለቲካ ሕልውና የሌለው፣ የደም እዳቸዉን ያልታጠቡ ሕዝብ የተጸየፋቸው የውዳቂዎች ስብስብ "ትብብር ለሕልውና" ሲል ከዚህ በላይ አስቂኝ ፌዝ የለም! ትላንት አንዱ ሌላኛውን እንደ ዋና ጠላት ፈርጆ ሲጨፈጭፍ እና ሲያወድም የኖረ ኃይል፣ ዛሬ ህዝቡን በጋራ ቆመን እናድንሃለን ማለቱ በህዝብ የቁስል ላይ ጨው መነሰነስ እና የከፋ ፖለቲካዊ ቅጥፈት ነው። የፋኖ መፈጠር ምክንያት የሸኔ የንፁሃን ጭፍጨፋ እንዲሁም ሕወሓት በሰሜኑ ጦርነትና ማይካድራ የፈጸመውን የዘር ማጥፋት እልቂት፣ የሴቶችን መደፈር እና የሀብት መዘረፍ ሳይረሳ፣ ላለፉት አስርታት አማራንና ኦሮሞን በጅምላ ሲጨፈጭፍ የነበረ ጨካኝ ቡድን ዛሬ የሕዝብ ጠበቃ ሆኖ መቅረቡ ያስቃል። እነዚህ እርስ በርሳቸው የሞት ሽረት የሕልውና ስጋት የሆኑ፣ በንጹሃን ደም እጃቸው የረከሰ፣ ያለፉትን ታሪካዊ የደም ዕዳዎች እና የጭካኔ ምዕራፎች ይቅርታ ሳይጠይቁ እና ንስሐ ሳይገቡ ጥምረት ፈጥረዉ ይህንን ህዝብ ሲያድኑ አስቡት። ይህ የጓዳ ስምምነታቸው የውጭ ኃይላትን ጥቅም ለማስፈጸም እና ከገደል አፋፍ ላይ ካለው ውድቀታቸው ለመትረፍ የተደረገ አሳዛኝ የጊዜያዊ ስልት ብቻ ነው። ርዕዮተ ዓለምም ሆነ የሞራል መሠረት የሌለው ሀይል"ዝንብ ተባብሮ ገንቦ አይከፍትም" እንዲሉ፣ የተወገዘና የተሰበረ ኃይል ተሰባስቦ አዲስ ነገር መፍጠር ፈጽሞ አይችልም!
