Waajjira Aadaa fi Turizimii Aanaa Dhidheessaa

22/09/2023

Ayyaanni Irreechaa ibsituu tokkummaa Oromooti!
= = = = = = = =
Waajjirri Aadaaf Tuurizimii Godina Buunnoo Beddellee akkaataa kabaja ayyaana irreechaa milkeessuun danda'amurraatti Abbootii Gadaa, Hadholii Siiqqee fi qooda fudhattoota waliin mariyateera.

Ittigaafatamtuun Waajjira Aadaaf Tuurizimii Godina Buunnoo Beddellee Aadde Hinseenee Mirkanaa uummatni Oromoo dudhaaf aadaa gaarii qabuu keessaa tokko waaqa uumaaf galata galchuudhaa jedhan. Kanaafis Oromoon araaraaf tokkummaan bahee uumaa isaa irreechaan galateeffataa jedhan. Ayyaannii irreechaa kunis mallattoo nagaaf tokkummaa Oomoo waan ta'eef ayyaanni Irreechaa bara kana Hora Finfinneef hora Arsadii Fulbaana 26f 27 kabajamu milkaa'inaan akka xumuramuuf qaamni hunduu gaheesaa bahuu qabaa jedhan.

Bulchaa Ittaanaan Godina Buunnoo Beddellee Obbo Girmaa Fiqaadu Irreechi mallattoo tokkummaa Oromoo waan ta'eef ayyaanni kun bifa ho'ina qabuufi naga qabeessa ta'een akka kabajamuuf hunduu tumsuu qabaa jedhan. Milkaa'inni ayyaana Irreecha Hora Finfinneefi hora Har-sadee guddummaa Oromoo agarsiisuu keessatti shoora olaanaa qaba kan jedhan Obbo Girmaan hirmaattotni ayyaanichaa godina keenyarraa imalanis akkaataa dudhaa ayyaanichaan hirmaachuun gahee isaanii bahuu qabuu dhaaman.

17/08/2023

Mana Amala sirreessaa Godina Buunnoo Beddellee
Bakka Hawwata Tuurizimii Haroo nam-tolchee qalbii fi ija namaa hawwatu bakka bashannanaa xumura gamaggama raawwii hojii bara 2015 fi maree karoora xiiqii bara 2016 boda Hojjettootni fi I/G waajjira Aadaa fi Tuurizimii Aanolee fi Godinaa daawwannaa goonee jirra. Hojii ajaa'ibaati.

16/08/2023

Hagayya 10/2015 {WATAB}

Godina Buunnoo Beddelleetti, Waajjirri Aadaa fi Tuurizimii Godinichaa Caasaa isaa sadarkaa Aanaa fi Bulchiinsa Magaalaa Beddellee Waliin Gamaggama raawwii hojii Bara 2015 fi boqonnaa qophii karoora xiiqii Bara 2016 irratti Waltajjiin guyyoota lamaaf turu Galma gaggeeffamuu eegalee jira.

Waltajjii turtii guyyoota lamaan kanaanis Gabaasni Aanolee fi sadarkaa godinaa akkasumaas, karoorii xiiqii Bara 2016 dhiyaachuun mareen bal'aa irratti gaggeesuun kallatii hojii fuula duraa kaa'uun ni xumurama jedhamee eegama.

09/07/2023

Qabeenya Aanaa Dhidheessaa.
Sokorruu sokorruu baalli ni addaataa
Dhidheessa dhidheessaa Dambii koo maaltu fakkaataa hin jettuuree?

09/07/2023

09/07/2023

Dachee Magariituu
Bonaa ganna jiituu
Dhidheessaa koo
Kan ati hin biqulchine Ashaboo qofa.
Midhaan viilaa
Midhaan agadaa
Midhaan zayitaa
Ruuzii, qamadiin
Damma qulqulqulluu
Warqee magariisa /buna/
Avokaadoonifi k.k. f sirriitti oomishamaa jira.

17/06/2023

Waan hoodaa!
Isayyuu mana barnootaa duratti awwaaluuf turan jedhan🙄 Maal yaadan laata?

Gaafa Waaqayyo si qabe ni qabamta. Handaaqqoo gurraattii morma muranii magalaa Moojoo keessa erga naannessanii booda mana barnootaa Ifa Booruu fuulduratti awwaaluuf utuu lafa qotanii qabaman. Safuu, ayi abbaa amantaa bara kanaa!

Handaaqqoo kanatu na gaddisiise anaan🫤 Yookaan jiraattee ofiif hin taane, yookaan qalamtee namaaf nyaata hin taane. Lama badde!

23/02/2023

Haqa waloof mana murtii Aadaa
Godina BB Aanaa Dhidheessaatti manni murtii idilee Aanaatiifi waajjirri Aadaa fi Tuurizimii deeggarsaa fi hordoffii taasisnee jirra. Haaluma kanaan gandoota baayyee keessatti haalli sochii mana murtii aadaa ummata keenya daraan fayyadaa kan jiru ta'uu isaa namoonni guyyaa beellama isaanii mana murtii aadaatti arganne haasofsiifne nuuf dhugoomsanii jiru. Keessumaa
1.Baasii xiqqeessuuf
2.Haqni maallaqaan akka hin bitamneef
3.Duudhaa ganamaa keenyatti akka deebinuuf
4.Ragaa sobaa hambisuu keessatti gahee guddaa akka qabu nutti himanii jiru.

02/02/2023

Amajjii 18/2015

Mareen Paanalii Qooda fudhattoota waliin karaa waajjira Aadaa Fi Tuurizimii aanaa dhidheessaa gaggeeffamuu eegalee jira.

Godina Buunnoo Beddellee Aanaa Dhidheessaatti Mareen Paanalii Qooda fudhattoota waliin karaa waajjira Aadaa Fi Tuurizimii aanaa dhidheessaa gaggeeffamuu eegalee jira.
I/A Bulchaa Aanaa Dhidheessaa obbo Fiixaa Dandanaa haasaa Baniinsa taasisaniin aadaa keenya kunuunfachuun ,dagaagsuun , qaamoleen biroo akka beekuu gochuu f hojiin hojjetamaa jiru boonsaadha jedhan.
Kanaaf immoo Hirmaannaa qaamoota hundaa ta'ee aadaa isaa dagaagsuu ,seenaa kuusuun dhalootni akka baru gochuuf hojiin hojjetamuu qaba jedhan.
Obbo Tamaam Tesfaayee Qabxiilee maree seenaa fi aadaa Aanaa Dhidheessaaf barbaachisan barbaachiisan dhiyeessuun Hirmaattotni akka irratti hirmaatan taasifamee jira.
Hirmaattotni maree Paanalii kanaa yaadota Adda Addaa kaasuun koree barruu isaanii filachuun Ni goolabama jedhameet eegama .

17/10/2022

Ayyana Tuurizimii Addunyaa
Godina BB Aanaa Dhidheessaa ganda Yemberootti kan argamu Finca'aa Abbaa Reettii irratti guyyaan Ayyaana Tuurizimmii Addunyaa marsaa 43ffaa akka biyyaatti marsaa 35ffaa akka Naannootti marsaa 18ffaa guyyaa har'aa sirna hoo'aadhaan kabajameera.
Sagantaa kana irraati keessummoonni Waajjira Aadaa fi Tuurizimii Godina B/Beddellee irraa Obbo Dejenee fi Taaddaluun akkasumas Abbootiin gadaa, foollee fi hawaasni bal'aan bakka argamanitti sagantaa Daawwannaa fi agarsiisa nyaata aadaatiin kabajamaa oolee jira.Keessumaa nyaatawwan aadaa gosa garaa garaa agarsiisaaf erga dhiyaatanii booda Keessummoonni nyaata kana gosa gosa irraa dhandhamanii jiru.