27/02/2026
🐎年 4 場 5 日年宵市集🧧，隨住上星期 St Albans 完結，正式劃上句號。人都謝哂皮👻，但心入面係滿滿感恩。
首先一定要多謝 Kingston 站連續 2 日到場幫手嘅斌爺，仲有教友讀緊 Year 9 嘅仔仔，喺 Kingston、Sutton、St Albans 幫手搬貨、setup、收拾、收錢、mark 數、sell 嘢。冇你哋拍心口義務幫手，我一個人真係搞唔掂，可能真係冧檔收場。
今次幾個市集，見到好多愉快情景，同時都遇到啲不愉快 moment。但有兩件事特別深刻：
一係某場市集完結後，搞手親自打電話同我交流。雖然件事對我毫無影響，但我感受到佢真心為受影響檔主著想，想作出補救，呢份心意值得尊重。
另一件係意外受傷時，場地職員同其他檔主主動幫忙，真心感動，衷心多謝🙏🏻
Colindale 再遇舊年 6 月幫襯 Matcha Latte + 抹茶雪糕🍵嘅情侶。女仔話市集想搵返我買抹茶雪糕🍨，可惜今次太凍冇整到，但真係好多謝你哋記得，希望下次有緣再見。
亦有朋友 11 月團購過 1L 糖漬檸檬茶🍋，特登嚟市集想買返，可惜今次冇準備大支裝，多謝你哋記得同鍾意呢隻味道又唔嫌棄細支裝。
有位男士喺 Colindale 買完一支奶茶，飲完返嚟買多支，轉個頭再返黎話第二支俾老婆飲咗，所以再買返屋企飲😂。之後喺 Kingston 同 Sutton 再次相見，真係好感謝你嘅支持。
Kingston 最難忘係有位伯伯飲完一杯即刻再買一杯。可惜太忙，冇乜機會同大家傾計交流。
Sutton 收檔後見到賣擴香石嘅檔主 ，好多次同場，但大家都忙住睇檔，每次只係同檔主爸爸傾得多，真心多謝每次支持同鼓勵。鍾意手工茶燭同擴香石嘅朋友，可以 follow 佢哋。
St Albans 呢站特別開心，遇到幾位好好傾嘅客人。
有一家三口傾咗一輪後買咗杯糖漬檸檬茶🍋，大家輪住試，之後同男仕傾咗十幾廿分鐘，分享點樣煉成呢杯檸檬茶。多謝你哋嘅讚賞同對理念嘅認同，你講嘅說話對我好大鼓舞。（雖然唔係第一個咁講，但絕對係第一個生客咁講。）仲行完一圈再返嚟再掃貨🙌🏻
另一次都係三個人（但我一直認為係情侶帶住細佬出嚟行年宵😂我無去證實），試完糖漬檸檬茶後傾咗一輪，最後掃走左半打，仲幫襯多一支奶茶，感謝你地支持🙌🏻
寫寫下都覺得自己好長氣，但有啲嘢唔刻劃記低就會遺忘，多謝市集裡逗留過既每位🫶🏻
下次出 post，好想分享返之前芬蘭工幹之旅嘅體驗 🇫🇮
尋日亦偷左半日時間去試 .uk 🍜👍🏻同去左2間cafe試手沖☕️(可惜2杯都無咩驚喜)。
P.S. 抖左半年，今晚終於再次落場啦⚽，🐎年可以踢返⚽️👻
#市集日常 #年宵市集 #糖漬檸檬茶 #用心經營
