Kate's Gastro Page

Kate's Gastro Page ჩემი გვერდი kate's Gastro Page არის ყველასთვის, ვისაც უყვარს და აინტერესებს კულინარია.
❤
(1)

🍯🐝 #თაფლისნამცხვრები #მედოკი #ჩიტისრძე და თქვენ რომელი უფრო გიყვართ??ინგრედიენტები ფენებისთვის:კვერცხი- 4 ცალი (1კატეგ...
15/08/2026

🍯🐝
#თაფლისნამცხვრები
#მედოკი
#ჩიტისრძე

და თქვენ რომელი უფრო გიყვართ??

ინგრედიენტები ფენებისთვის:
კვერცხი- 4 ცალი (1კატეგორია)
შაქარი- 200გრ.
კარაქი- 100გრ.
თაფლი- 3ს.კ.
სოდა- 1ჩ.კ
ძმარი- 1ს.კ.
ფქვილი- 500-520გრ.

მომზადება
შაქარი, თაფლი და კარაქი მოვათავსოთ ცეცხლგამძლე ჭურჭელში , შემოვდგათ ორთქლის აბაზანაზე და ვურიოთ შაქრის გადნობამდე/ერთიანი კონსისტენციის მიღებამდე.
შემდეგ ვამატებთ ძმრით გააქტიურებულ სოდას. ვურიოთ და მასა ცეცხლზე გავაჩეროთ, მანამ სანამ არ მიიღებს კარამელისფერს.
გადმოვდგათ, ოდნავ შევაგრილოთ და დავამატოთ კვერცხი, თან ვთქვიფოთ მიქსერით.
გაცრილი ფქვილი დავყაროთ თასზე ან სხვა სწორ ზედაპირზე, გავაკეთოთ ჩაღრმავება, გადავიტანოთ კვერცხიანი მასა და დავიწყოთ ცომის მოზელა.
ვზელთ დაახლოებით 10 წუთის განმავლობაში . შემდეგ გადავახვიოთ ცელოფანში და მოვათავსოთ მაცივარში.
რაც უფრო დიდხანს გავაჩერებთ ცომს, მით უფრო ელასტიური გახდება და მარტივად გაბრტყელდება.
ცომი გავყავი თანაბარ ნაწილებად. გავაბრტყელე მაქსიმალურად თხლად, გამოვიდა 13 ფენა-22 დიამეტრის.

ფენები ღუმელში მოთავსებამდე დავჩხვლიტოთ.
ვაცხობთ 180 გრადუსზე გახურებულ ღუმელში. ცხობას სჭირდება რამდენიმე წუთი. ფერს რომ შეიცვლის მზადაა.

ფირფიტების ამ რაოდებობით 2 სხვა და სხვა ნამცხვარი ავაწყე.
ე.წ ფენებიანი ჩიტის რძე და მედოკი.
(5 ფენიანი-ჩიტის რძე; 7 ფენიანი-მედოკი)
1 ფენა- დავფხვენი და გავაფორმე მედოკი

კრემი მედოკისთვის

მოხარშული შესქელებული რძე- 1ქილა
მოუხარშავი შესქელებული რძე- 100გრ
კარაქი- 120გრ.

ოთახის ტემპერატურის , რბილ კარაქს ვთქვეფთ გათეთრებამდე. თითო კოვზობით შევათქვიფოთ შესქელებული რძე.
კრემიც მზადაა.

დავკრემოთ 7 ფენა. ხოლო მე-8 ფენა დავაჩოფეროთ და გავაფორმოთ ნამცხვარი.

კრემი ჩიტის რძისთვის

კარაქი- 80გრ.
მოუხარშავი შესქელებული რძე- 140გრ.
არაჟანი 20%- 200გრ.

რბილი კარაქი გავთქვიფოთ, დავამატოთ შესქელებული რძე და ბოლოს არაჟანი.

ჩიტის რძეს, თავზე მოვასხი სქელი მინანქარი.
შოკოლადის ღილები- 100გრ.
რძე- 3ს.კ
კარაქი- 20გრ.
სამივე ინგრედიენტი მოვათავსოთ ჭურჭელში. ნელ ცეცხლზე, მუდმივი მორევით გავაერთიანოთ. (ადუღებამდე ნუ მიიყვანთ)
ცხელივე მოვასხათ ნამცხვარს.

ორივე ნამცხვარი 4-5 საათით მოვათავსე მაცივარში.
მერწმუნეთ ძალიან გემრიელებია
თქვენც სცადეთ!!

#სახლი
#ოჯახურინამცხვრები
#ბავშვობისგემოები
#მედოკი
#ჩიტისრძე
Kate's Gastro Page

კიდევ ერთი სახეობის ზეთიანი აჯიკა მინდა შემოგთავაზოთ, რომელიც მზადდება წითელი ბულგარული წიწაკით. მენდეთ,გამოდის უგემრიელ...
12/08/2026

კიდევ ერთი სახეობის ზეთიანი აჯიკა მინდა შემოგთავაზოთ, რომელიც მზადდება წითელი ბულგარული წიწაკით.
მენდეთ,გამოდის უგემრიელესი!!

#კულინარია
#ოჯახისგემრიელირეცეპტი
#ზამთრისცივიდღეებისთვის

ზეთიანი აჯიკა ბულგარული წიწაკით
🌶🌶🌶
წითელი ბულგარული წიწაკა- 3 კგ.
ცხარე წითელი წიწაკა-5ცალი (შეგიძლიათ მეტიც დაამატოთ, იმის მიხედვით თუ რამდენად ცხარე გიყვართ)
ნიორი- 200გრ.
ოხრახუში- 100 გრ.
ქინძი- 100გრ.
ზეთი- 300გრ.
ხმელი ქინძი- 1ს.კ.
უცხო სუნელი- 1.კ.
ყვითელი ყვავილი- 1ს.კ.
მარილი- 4 ს.კ.(სუფრის მარილი) არაგადავსებული

ამ რეცეპტით მომზადებულს
არ ვამატებთ ძმარს!
არ ვამატებთ ტომატ-პასტას!


მომზადება:
გავრეცხოთ და გავასუფთავოთ წიწაკები.
დავჭრათ და გავატაროთ ხორცსაკეპში.
ასევე გავატაროთ ნიორი და მწვანილი.
მასა გადავიტანოთ ქვაბში, დავამატოთ ზეთი, სუნელი, მარილი. კარგად ავურიოთ და დავდგათ ცეცხლზე.
ვადუღებთ წამოდუღებიდან 30-35 წთ.
ხშირად ურიეთ.
წინასწარ გაასტერილეთ ქილები და თავსახურები. ცხელ-ცხელი მასა გადაიტანეთ ქილებში.
გააციეთ ამობრუნებულ მდგომარეობაში.

ინგრედიენტების ამ რაოდენობით გამოდის 5-6 ცალი 500გრამიანი ქილა.

#აჯიკა
#ოჯახურად

Kate's Gastro Page

მე რომ ძალიან მიყვარს და თქვენც რომ შეგაყვარეთ, ეს სწორედ ის ზეთიანი აჯიკაა #კულინარია #ოჯახურად #კონსერვებიზამთრისთვის...
11/08/2026

მე რომ ძალიან მიყვარს
და თქვენც რომ შეგაყვარეთ,
ეს სწორედ ის ზეთიანი აჯიკაა
#კულინარია
#ოჯახურად
#კონსერვებიზამთრისთვის

(განმეორებითი რეცეპტი, გვერდის ახალი გამომწერებისთვის)

ე.წ. ზეთიანი აჯიკა პომიდვრით

პომიდორი- 4 კგ.
წითელი ბულგარული- 1კგ.
წითელი ცხარე წიწაკა- 5 ცალი
ხახვი 700გრ.
სტაფილო- 700გრ.
ნიორი- 1 მოზრდილი თავი
ზეთი- 300გრ.
ხმელი ქინძი- 1ს.კ.
უცხო სუნელი- 1ს.კ.
ნედლი ქინძი- გემოვნებით
მარილი გემოვნებით

მომზადება:

ცალ-ცალკე გავატაროთ თითოეული ინგრედიენტი.
ქვაბში ჩავასხათ ზეთი, გავაცხელოთ და და მოვთუშოთ გატარებული ხახვი. 5-6 წუთში დავამატოთ სტაფილო, შენდეგ ნიორი. 10 წუთის შემდეგ პომიდორი, ბოლოს გატარებული ცხარე და ბულგარული წიწაკა+სუნელი. ვადუღოთ 1 საათის განმავლობაში. ხშირ-ხშირად ურიეთ. მზაობამდე 15 წუთით ადრე ვამატებთ გატარებულ მწვანილს და მარილს.
ქილებში გადატანამდე გასინჯეთ თუ მარილი აკლია, დაამატეთ.

მდუღარე გადაგვაქვს ახალგასტერილებულ ქილებში.
ვაგრილებთ ამობრუნებულ მდგომარეობაში.
ძალიან გემრიელია, გამოიყენებთ სადილებშიც.
(მომზადებულია ზიზი ბერაიას რეცეპტის მიხედვით)

მოამზადეთ და ისიამოვნეთ!
#სიყვარულითგაზიარებული
#აჯიკა
Kate's Gastro Page

ფუნთუშების ნაირსახეობარომელია თქვენი საყვარელი ფუნთუშა?? #ოჯახურადდაგემრიელად #ფუნთუშები #სამზარეულო #კულინარი...
09/08/2026

ფუნთუშების ნაირსახეობა

რომელია თქვენი საყვარელი ფუნთუშა??


#ოჯახურადდაგემრიელად
#ფუნთუშები
#სამზარეულო
#კულინარია


კვერცხი- 1 ცალი
შაქარი-170გრ.
რძე- 200მლ.
ზეთი- 50მლ.
ვანილი
საფუარი- 11გრ.
ფქვილი- 500-550გრ.(დაახლოებით)
გადადუღებული თბილი წყალი- 100გრ.

მომზადება
რძე შევათბოთ მოვათავსოთ საფუარი, 2ს.კ. შაქარი და 2ს.კ ფქვილი (საერთო რაოდენობიდან) მოვურიოთ და გავაჩეროთ გააქტიურებამდე.
გააქტიურების შემდეგ დავამატოთ შაქარი, წყალი, კვერცხი, ზეთი და ვანილი.
კარგად გავაერთიანოთ მასა და დავიწყოთ ფქვილის დამატება ნელ-ნელა, თან ვზილოთ ცომი დაახლოებით 10წუთი.
ცომი უნდა გამოვიდეს ძალიან ფუმფულა, რბილი და წებოვანი. გადააფარეთ თავზე, მოათავსეთ შედარებით თბილ ადგილას. რომ ამოფუმფულდება, ჩაზილეთ მცირეოდენი ზეთის დახმარებით, გაყავით 10 ნაწილად, გააკეთეთ პატარა გუნდები მოათავსეთ ფქვილმოფრქვეულ ან პერგამენტჩაფენილ ფორმაში, გუნდასა და გუნდას შორის დატოვეთ ადგილი.კვლავ გადააფარეთ თავზე და დაელოდეთ ამოფუმფულებამდე.
ამოფუმფულებული გუნდების ერთი ნაწილი მოვამზადე შიგთავსით. გავუკეთე ჩაღრმავება(შეგიძლიათ ჭიქის ძირი გამოიყენოთ) და მოვათავსე გულსართი.
მეორე ნაწილს- გადავუსვი კვერცხის გულიანი ნაზავი და მოვაყარე სეზამი.

გულსართის მომზადება
რიკოტა(ნადუღი)-100გრ.
სასურველი კენკრა/ხილი
შაქრის ფხვნილი- 2ჩ.კ.(გამოცხობის შემდეგ)

გაახურეთ ღუმელი!
ვაცხობთ ქვედა წვის კონვექციის რეჟიმით 160გრადუსზე. ცხობას დაახლოებით 20წუთი სჭირდება.
ფუნთუშები კარგად უნდა ამოფუვდეს და შეოქროსფერდეს.

მიირთვით გემრიელად

🏵

აჯაფსანდალი #ჩემისაყვარელისაჭმელიინგრედიენტები:4-5 ცალი მოზრდილი ბადრიჯანი🍆🍆ხახვი- 2 ცალი🧅🧅წითელი ბულგარული 1ცალი🌶მწვან...
06/08/2026

აჯაფსანდალი

#ჩემისაყვარელისაჭმელი

ინგრედიენტები:
4-5 ცალი მოზრდილი ბადრიჯანი🍆🍆
ხახვი- 2 ცალი🧅🧅
წითელი ბულგარული 1ცალი🌶
მწვანე ბულგარული 1 ცალი🫑
კარტოფილი 3 ცალი🥔🥔🥔
კანგაცლილი პომიდორი 2 ცალი ან 200 გრ. ტომატი🍅🍅🍅
ქინძი
რეჰანი
ცერეცო
ნიორი 3-4 კბილი
სტაფილო- 1ცალი
ზეთი/ერბო
მარილი
უცხო სუნელი და ხმელი რეჰანი
ცხარე წიწაკა-სურვილით

მომზადება:
ბადრიჯანი დავჭრათ სასურველი ზომის ნაჭრებად, გადავიტანოთ ჯამში, მოვაყაროთ მარილი, დავაფაროთ თავზე და გავაჩეროთ დაახლოებით 30 წთ. ამ დროის გასვლის შემდეგ, კარგად გავწუროთ ხელით, შეგვიძლია წყალიც გადავავლოთ.
წვრილად დავჭრათ ხახვი მოვათავსოთ ქვაბში და მსუბუქად Მოვშუშოთ ერბოსა და ცოტა ზეთში. დავამატოთ გაწურული ბადრიჯანი, ვშუშოთ საშუალო ცეცხლზე , სანამ არ დარბილდება და შებრაწვისკენ არ წავა. შემდეგ ვამატებთ გახეხილ სტაფილოს და დაჭრილ ბულგარულს. ვაჩერებთ 4-5 წთ. ვამატებთ დაჭრილ კარტოფილსაც. კარტოფილი რომ დარბილდება, ქვაბში გადაგვაქვს წვრილად დაჭრილი ან გახეხილი პომიდორი (კანის გარეშე).
ვადუღოთ 6-7წუთის განმავლობაში.
ბოლოს - სუნელი,ნიორი, მარილი და მწვანილები.
მოამზადეთ და გემრიელად მიირთვით!
#ოჯახურადდაგემრიელად
#ბოსტნეული
#ზაფხული

Kate's Gastro Page

ზაფხულია უმრავლესობა დასასვენებლად, ქალაქგარეთ ხართ გასულები, ამიტომ მინდა მარტივი დესერტებიც შემოგთავაზოთ. დესერტები, ...
05/08/2026

ზაფხულია
უმრავლესობა დასასვენებლად, ქალაქგარეთ ხართ გასულები, ამიტომ მინდა მარტივი დესერტებიც შემოგთავაზოთ. დესერტები, რომლებსაც არ სჭირდება ხანგრძლივი ბზრიალი სამზარეულოში, მაგრამ ძალიან გემრიელია და აუცილებლად დაიმსახურებს მოწონებას თქვენს ოჯახურ, მეზობლურ, თუ მეგობრულ თავშეყრებზე.

ბანანის რულეტი

ბისკვიტისთვის
კვერცხი- 3 ცალი (0კატ)
შაქარი- 80გრ.
ვანილი- 1 შეკვრა
ფქვილი- 90გრ.
მწიკვი მარილი

კვერცხი, შაქარი, ვანილი და მარილი ვთქვიფოთ დიდხანს, ძალიან ფუმფულა, თეთრი და ჰაეროვანი მასის მიღებამდე.
ჩავაცრათ ფქვილი და ფრთხილად ამოვურიოთ. (მიქსერის გარეშე)
ვაცხობთ წინასწარ გახურებულ ღუმელში, 160გრადუსზე, ქვედა წვის კონვექციის რეჟიმით, შეოქროსფერებამდე.
ცხელივე გადავახვიოთ და გავაჩეროთ 1 წუთის განმავლობაში რომ მარტივად დრეკადი გახდეს ჩვენი ბისკვიტი.
გავშალოთ გადავუსვათ მოხარშული კრემი (ან სხვა თქვენთვის სასურველი.) შუაში მოვათავსოთ ბანანი და გადავახვიოთ. (ბანანი შეგვიძლია მოვათავსოთ დაჭრილი ან დაუჭრელი, ჩვენი სურვილით)
მზა რულეტი გაახვიეთ გრინში და ცოტახნით მაცივარში დააყოვნეთ.
დაჭრამდე მოაყარეთ კაკაო.
მიირთვით გემრიელად.
გამოდის 8-10 ნაჭერი.

კრემი
რძე- 250მლ.
კვერცხის გული-1ცალი
შაქარი- 70გრ.
კარაქი- 60გრ.
ფქვილი- 40გრ.

ინგრედიენტები გავაერთიანოთ (გარდა კარაქისა)და გავთქვიფოთ მიქსერით. გადავიტანოთ ქვაბში და ნელ ცეცხლზე მუდმივი მორევით მოვხარშოთ კრემი. ბუშების ამოსვლას რომ დაიწყებს გამოვრთოთ. ცხელშივე გავხსნათ კარაქი.
გავაგრილოთ და გამოვიყენოთ.

მიირთვით გემრიელად!
#ბანანისფუმფულარულეტი
#მარტივადდაგემრიელად
Kate's Gastro Page

კრემიანი ხვეულები #ტრუბუჩკები"ხაჭაპურისთვის შეძენილ ფენოვან ცომს, რამდენიმე ზოლი ჩამოვაჭერი, გავაბრტყელე ცოტაოდენი ფქვილ...
03/08/2026

კრემიანი ხვეულები
#ტრუბუჩკები"

ხაჭაპურისთვის შეძენილ ფენოვან ცომს, რამდენიმე ზოლი ჩამოვაჭერი, გავაბრტყელე ცოტაოდენი ფქვილის დახმარებით და კონუსისებურ მეტალის ფორმებს შემოვაკარი.
ვაცხვე 200°, ზედა ქვედა-წვით შეოქროსფერებამდე.

ცალკე... გემრიელი კარაქიანი კრემიც მოვხარშე, ამოვავსე ფენოვანი, ხრაშუნა მილები და შედეგიც სახეზეა.

ფენოვანი ცომი გამოვიყენე- 230გრ.

კრემი:
რძე- 300მლ.
კვერცხი- 1 ცალი (მხოლოდ გული)
შაქარი- 80გრ.
ვანილი
კარაქი- 80გრ.
ვხარშავთ კრემს, ვაგრილებთ ბოლომდე და შევათქვეფთ კარაქს.

გამოგივათ 6-7 ცალი ხვეულა

მოამზადეთ და გემრიელად მიირთვით!!

(თუ მეტის მომზადება გნებავთ გააორმაგეთ ინგრედიენტების რაოდენობა)

#ტრუბუჩკები
#ფენოვანიდაჰაეროვანი
#ბავშვობისგემო
Kate's Gastro Page

ნამცხვარი ბრაუნი #კლასიკურიბრაუნიინგრედიენტები:შავი შოკოლადის ფილა (სასურველია 70%იანი ან მეტი)-90გრ.კარაქი-120გრ.შაქარი...
01/08/2026

ნამცხვარი ბრაუნი
#კლასიკურიბრაუნი

ინგრედიენტები:

შავი შოკოლადის ფილა (სასურველია 70%იანი ან მეტი)-90გრ.
კარაქი-120გრ.
შაქარი- 200გრ.
კვერცხი - 3ცალი(0 კატეგორია, 2 ცალი მთლიანი+1ცალი გული)
კაკაო მუქი, საკონდიტრო- 30გრ.
ფქვილი- 90გრ.
ნიგოზი- რამდენიმე ლებანი გემოვნებით

მომზადება

ღუმელი გავახუროთ 180°.
კარაქი გავადნოთ.
ჯამში მოვათავსოთ შაქარი და დავასხათ ცხელი, გამდნარი კარაქი. კარგად მოვურიოთ ხელის სათქვეფელით. შემდეგ დავამატოთ თხლად დაკეპილი შავი შოკოლადი. კვლავ გავაგრძელოთ მორევა. შოკოლადის დიდი ნაწილი უნდა ჩადნეს. შემდეგ ვამატებთ კვერცხს და ჩავაცრით ფქვილის და კაკაოს მასას.
სურვილისამებრ დავამატოთ ნიგვზის ნატეხები.
კარგად გავაერთიანოთ მასა და გადავიტანოთ პერგამენტჩაფენილ გამოსაცხობ ფორმაში, ზედაპირი მოვასწოროთ.
ვაცხობთ 180 გრადუსზე, ზედა-ქვედა წვით დაახლოებით 20-25წთ. მზაობა შეგიძლიათ ჩხირითაც შეამოწმოთ.

საცხობი ფორმის ზომა 20×20 ზეა.

ბრაუნმა, ცხობის დროს, ზედაპირზე უნდა გაიკეთოს ქერქი.
შიგთავსი უნდა იყოს შედარებით ნოტიო და ნაზი.
მიირთვით თბილ-თბილი ნაყინთან ერთად.
გააფორმეთ სურვილისამებრ
#ბრაუნი
#შოკოლადი
#ოჯახურადდაგემრიელად

Kate's Gastro Page
#სიყვარულითგაზიარებული

გულწრფელად გირჩევთ მომზადებას ძალიან მოგეწონებათატმის მურაბა🍑🍑 ყვითელგულა და წითელლოყება ატმებით მომზადებული😊ატამი(გა...
28/07/2026

გულწრფელად გირჩევთ მომზადებას
ძალიან მოგეწონებათ

ატმის მურაბა
🍑🍑
ყვითელგულა და წითელლოყება ატმებით მომზადებული😊

ატამი(გათლილი და დაჭრილი)- 2 კგ.
შაქარი- 1.700
ლიმონის წვენი 4-5ს.კ.

მომზადება
გარეცხილ-გათლილი ატმის ნაჭრები მოვათავსოთ ქვაბში, შაქართან ერთად. გავაჩეროთ 3-4საათი.
შემდეგ შემოვდგათ ცეცხლზე და ვადუღოთ 10წთ. ზედაპირულად ფრთხილად მოაცილეთ ქაფი. გამორთეთ და გააგრილეთ ბოლომდე.
სასურველია მზადება დაიწყოთ საღამოს და პირველი წამოდუღების შემდეგ დილამდე გააჩეროთ.
დილით, კვლავ შემოვდგათ ცეცხლზე. ვადუღოთ 15 წუთი. გავაგრილოთ ბოლომდე და მესამედაც გავიმეოროთ იგივე, ამჯერად ცეცხლზე დადგმამდე, მოვაწუროთ ლიმონის წვენი.
დუღილიდან 15 წუთში ვიწყებთ მურაბის სტერილურ ქილებში გადატანას.
ძალიან გემრიელია და ლამაზი ფერი აქვს.

გამოვიდა 2კილოგრამი მურაბა.
მცირე რაოდენობით სიროფიც მოგრჩებათ.
გაითვალისწინეთ, დუღილში ატმის ნაჭრები პატარავდება, ამიტომ მსხვილად დაჭერით ატამი.

#ატმისმურაბა
#ოჯახურადდაგემრიელად
#ზამთრისსუსხიანიდღეებისთვის
#სიყვარულითგაზიარებული

ატმის ტორტიჩემთვის პირადად,ხილის ტორტებში,მარწყვის შემდეგ შეუცვლელია ატმის ტორტი. ძალიან არომატული ყვითელგულა ტკბილი ატ...
26/07/2026

ატმის ტორტი

ჩემთვის პირადად,ხილის ტორტებში,მარწყვის შემდეგ შეუცვლელია ატმის ტორტი. ძალიან არომატული ყვითელგულა ტკბილი ატმებისგან მომზადებული ტორტი, ჰაეროვანი მოხარშული ვანილის კრემით და კლასიკური ბისკვიტის კარგად დანამული ფუმფულა ფენებით.

ტორტის და კრემის მომზადების რეცეპტი არაერთხელ გაგიზიარეთ. ამიტომ, ამჯერად მხოლოდ ინგრედიენტების რაოდენობას დაგიწერთ, ხოლო ჩემი გვერდის ახალი გამომწერებისთვის კრემის და ბისკვიტის მომზადების ლინკებს კომენტარებში დავტოვებ.

(ფორმის დიამეტრი- 18, გამოდის საკმაოდ მაღალი ბისკვიტი, ვჭრით 3 ნაწილად)

ბისკვიტი
კვერცხი- 6 ცალი (0კატ.)
შაქარი- 150გრ.
უ/ხ ფქვილი-180გრ.
მწიკვი მარილი

კრემი
რძე- 500მლ.
კვერცხის გული- 1ცალი
ფქვილი- 75გრ.
კარაქი- 125 გრ.
ვანილის პასტა- 1ს.კ

დასანამად
4 ცალი ტკბილი ყვითელი ატამი დავჭრათ პატარა კუბებად, გადავიტანოთ ჯამში, დავაყაროთ 4-5ს.კ შაქარი (ატმის სიტკბოს გათვალისწინებით)
დავაფაროთ თავზე და გავაჩეროთ რომ წვენი გამოუვიდეს.
სიროფის ეს რაოდენობა სრულიად საკმარისია 2 ფენისთვის, თუმცა თუ მეტად დანამული ფენები მოგწონთ, ატმის წვენს შეურიეთ ცოტა პასტერიზებული რძე.

ტორტის აწყობა
დანამულ ფენებს შორის მოვათავსოთ კრემი და კუბებად დაჭრილი ატამი. აწყობილ ტორტს, გარედან და თავზე თხლად წავუსვათ დარჩენილი კრემიც და
მოვათავსოთ მაცივარში გამყარებამდე.
(ფენების აწყობა სპეციალურ რკალშიც შეგვიძლია -სიმეტრიულობის დასაცავად)

ტორტის ზედაპირი გავაფორმე თხლად დაჭრილი ატმის ნაჭრებით ვარდისებურად.
განლაგება დავიწყე კიდიდან ცენტრისკენ-წრიულად. (2 ატამი სრულიად საკმარისია)

გარედან აქვს შოკოლადის ბადე.
1 ფილა შავი შოკოლადი გაალღვეთ გადაიტანეთ დასაკრემ ტომარაში და თავთან სულ პატარაზე მოაჭერით, რომ შოკოლადი წვრილი ნაკადით წამოვიდეს.
აიღეთ მართკუთხედი ფორმის პერგამენტი და ხელის სწრაფი მოძრაობით ზემოდან დაასხით შოკოლადი ისე რომ ბადე გამოვიდეს. გააჩერეთ რომ შეშრეს და შემდეგ შემოაკარით ტორტს. შემოკვრის შემდეგ ხელით დააფიქსირეთ და ფრთხილად ააცალეთ ქაღალდი.

ჩვენი გემრიელი და სურნელოვანი ტორტიც
მზადაა!!

გამოაცხვეთ და ისიამოვნეთ
გააფორმეთ თქვენი სურვილით
ოჯახურად...
გემრიელად....
#სიყვარულითგაზიარებულირეცეპტი
Kate's Gastro Page
#ტორტი
#ატმისტორტი

Address

Tbilisi

Website

Alerts

Be the first to know and let us send you an email when Kate's Gastro Page posts news and promotions. Your email address will not be used for any other purpose, and you can unsubscribe at any time.

Shortcuts

Share