12/08/2026
როცა ვიდეოების გადაღება დავიწყე, ჩემი მთავარი პრინციპი სიმართლე იყო. დღეს, როდესაც საკუთარი საკვები გამოვუშვი, ამ პრინციპის შეცვლას არ ვაპირებ. ვიცი, რომ ყველა მწარმოებელი თავის ნაწარმს აქებს, ფერმერი კი ხშირად იბნევა და აღარ იცის, ვის დაუჯეროს. წონამატი ყოველთვის დამოკიდებულია საქონლის ჯიშზე, ჯანმრთელობაზე, კვებასა და მოვლის პირობებზე. ბუღას მიზანია, რაციონი დააბალანსოს და საქონელს საკუთარი გენეტიკური პოტენციალის მაქსიმალურად გამოვლენაში შეუწყოს ხელი.
აი, რეალური მაგალითი ჩემი ფერმიდან.
ვიდეოში რომ ჰოლშტეინი ჩანს, 136 კილოგრამი მოვიყვანე. თითქმის კვდებოდა, ჭიითა და მუნით იყო დაავადებული. დამუშავების შემდეგ დიდხანს იდგა ერთ წონაზე. როდესაც ორგანიზმი აღდგა და ზრდა დაიწყო, პირველ ეტაპზე დღიურმა მატებამ 3 კილოგრამსაც კი მიაღწია. მოგვიანებით მაჩვენებელი 2,5–2,3 კილოგრამამდე ჩამოვიდა, ხოლო ახლა, ზაფხულის მაღალი სიცხის პირობებშიც კი, სტაბილურად იმატებს 1,9–2,0 კილოგრამს.
ჩემს ფერმაში ცალკე განყოფილებაში გადამყავს 10 სული ჩვეულებრივი ხბო. ვისაც ინტერესი და სურვილი გაქვთ, შეგიძლიათ ჩამოხვიდეთ და ყოველ 10 ან 15 დღეში ერთად გადავწონოთ. აწონვა ჩატარდება ერთსა და იმავე სასწორზე, ერთსა და იმავე დროსა და პირობებში. დავაფიქსირებთ რეალურ შედეგს და ვისაუბრებთ მხოლოდ ფაქტებით.
ბუღა უკვე ხელმისაწვდომია სართიჭალაში. მობრძანდით, ნახეთ საკვების სტრუქტურა, გაეცანით შემადგენლობასა და გამოყენების სქემას და თავად დარწმუნდით.
თუ გადაწყვეტთ გამოცდას, დაიწყეთ რეკომენდებული სქემით. საბოლოო სიტყვას კი სასწორი იტყვის.
