16/06/2026
ვაზისუბანი - ისტორია, რომელიც ღვინოდ იქცა.
ვაზისუბანი კახეთის ერთ-ერთი გამორჩეული მეღვინეობის კერაა, რომლის ისტორია საუკუნეებს ითვლის. ეს ტერიტორია ისტორიულ წყაროებში ჯერ კიდევ შუა საუკუნეებიდან მოიხსენიება, ხოლო მეღვინეობის ტრადიცია აქ ბევრად უფრო ძველია და საქართველოს 8 000-წლიან უწყვეტ ღვინის კულტურას უკავშირდება.
მე-19 საუკუნეში, როდესაც ქართული ღვინო რუსეთის იმპერიისა და ევროპის ბაზრებზე სულ უფრო მეტ ყურადღებას იპყრობდა, ვაზისუბანი უკვე ცნობილი იყო თავისი განსაკუთრებული ხარისხის თეთრი ღვინოებით. 1891 წელს ცნობილმა ქართველმა საზოგადო მოღვაწემ და მეღვინემ, ივანე მუხრანბატონმა, ვაზისუბანში ევროპული სტილის მარანი და შატო დააარსა, რამაც რეგიონს ახალი სიცოცხლე შესძინა და ქართული მეღვინეობა თანამედროვე განვითარების გზაზე დააყენა.
დღეს ვაზისუბანი დაცული ადგილწარმოშობის დასახელებაა, რომელიც ოფიციალურად 2006 წელს დარეგისტრირდა და მხოლოდ ამ მიკროზონაში მოწეული რქაწითელის ყურძნისგან დამზადებულ ღვინოს ენიჭება. უნიკალური ნიადაგი, კავკასიონის მთებიდან მონაბერი ჰაერი და ალაზნის ველის განსაკუთრებული კლიმატი ქმნის ღვინოს, რომელიც გამოირჩევა ელეგანტურობით, სისუფთავითა და დახვეწილი არომატებით.
ყოველი ბოთლი ვაზისუბანი მხოლოდ ღვინო არ არის - ეს არის საუკუნეების განმავლობაში დაგროვილი ცოდნა, ტრადიცია და ქართული მეღვინეობის ისტორია, რომელიც დღემდე აგრძელებს საკუთარ თხრობას. სწორედ ამიტომ, ვაზისუბანი რჩება ქართული ღვინის ერთ-ერთ ყველაზე გამორჩეულ და საამაყო სახელად. 🍷
ჩვენი ღვინის შეძენა შეგიძლიათ:
8000 მოსავალი / 8000 Vintages
Tbilisi Wine Museum • თბილისის ღვინის მუზეუმი
Wineland
ან დაგვიკავშირდით პირდაპირ. 🍷
