29/03/2026
火滾肥牛海鮮湯鍋專門店 — 之前同事一早訂咗食開年飯，又咁啱睇完Dickson Yu 同蔡思貝條片，就更加嚟試！🔥
同事原來同老闆「長沙灣方中信」好熟😎 靠佢今晚有房坐，私隱度+舒適度滿分！
每碟肉插住木牌寫明部位+秒數，新手友好。牛肉超新鮮，老闆當年不斷三顧草廬肉檔，今時今日先至有呢啲咁靚牛肉，鮮味真係食得出。
**金錢展 (10秒)**
薄切大理石紋，10秒爽脆彈牙，帶甘甜肉香 — 今次MVP！😍
**吊龍伴 & 匙仁 (6秒)**
油脂如雪花分佈。吊龍伴有筋膜嚼勁足；匙仁嫩滑多汁，入口即化。個人私心推介！
**五花趾 & 胸口朥 (9秒)**
五花趾筋肉交錯，爽口有層次；胸口朥看似肥膏，煮完爽脆無油膩，越嚼越香 🤤
蘸料推辣椒圈+沙茶，鹹香提鮮，配肉一流。
湯底牛骨+雞架每日現熬，清甜不濁，涮肉前記住飲碗湯，暖胃滿足。
老闆話蔡思貝可能會再黎，同事想撞下星😂 雖然無遇到，但食到好嘢+有房歎，已經值回票價。
呢度嘅牛肉真係冇得輸！絕對會再訪！
#老燊遊記 #火滾肥牛海鮮湯鍋專門店 #長沙灣方中信 #牛肉火鍋
