Eat With Marvel

Eat With Marvel #周圍食一齊肥 情侶 �
1個小編愛吃 1個小編愛Marvel
Ⓕⓞⓛⓛⓞⓦ ⓜⓔ
� Op

前排見丼丼屋話餐目大革新，優惠定食最平$48起，仲有好多新嘢，即刻約朋友去試下。平日11:30-17:30供應，打工仔午飯絕佳選擇👍🏻🍜 芝士辛辣牛肉醬拌烏冬定食烏冬煙韌，辣醬濃郁帶半融芝士，撈勻後每條都非常掛汁，惹味開胃。套餐跟埋前菜、甜...
02/09/2026

前排見丼丼屋話餐目大革新，優惠定食最平$48起，仲有好多新嘢，即刻約朋友去試下。平日11:30-17:30供應，打工仔午飯絕佳選擇👍🏻

🍜 芝士辛辣牛肉醬拌烏冬定食
烏冬煙韌，辣醬濃郁帶半融芝士，撈勻後每條都非常掛汁，惹味開胃。套餐跟埋前菜、甜品、味噌湯，份量好豐富！加配小食 🐟 油甘魚刺身2片。厚切鮮甜，油分適中，入口滑嫩，點少少豉油已好滿足。

🍛 咖哩洋蔥豚肉飯定食
咖哩甘香，豚肉腍身份量多，洋蔥甜味突出，撈飯一流，份量夠曬大。跟餐小食加配 🍗 唐揚雞。外脆內juicy，調味剛好。

【 丼丼屋 】
📌 旺角太子道西193號MOKO新世紀廣場3樓301-302號舖

DONDONYA 丼丼屋
#丼丼屋 #餐目升級 #優惠餐目 #抵食日式丼飯

真心鍾意食清湯腩，間中就會癮起。今次晚餐去咗興哥清湯腩 ，整體對辦，舒服滿足😋😋🍛 巴基斯坦咖哩牛筋腩飯咖哩香料味突出，微辣帶層次，牛筋腩炆到透晒，膠質豐富，撈飯一流。🍜 清湯牛坑腩 淮山麵湯頭清澈見底，牛味濃郁唔油膩，坑腩肥瘦相間，咬落鬆...
31/08/2026

真心鍾意食清湯腩，間中就會癮起。今次晚餐去咗興哥清湯腩 ，整體對辦，舒服滿足😋😋

🍛 巴基斯坦咖哩牛筋腩飯
咖哩香料味突出，微辣帶層次，牛筋腩炆到透晒，膠質豐富，撈飯一流。

🍜 清湯牛坑腩 淮山麵
湯頭清澈見底，牛味濃郁唔油膩，坑腩肥瘦相間，咬落鬆化，淮山麵滑溜索湯。

🥬 腐乳醬生菜
生菜爽脆，腐乳醬鹹香適中，清得啱啱好。

🧊 凍羅漢果茶
微甜順喉，冰涼解膩，飲完舒服晒。

【 興哥清湯腩 】
📌 九龍灣偉業街33號德福廣場2期5樓520-523號舖

#清湯腩 #九龍灣美食 #牛坑腩 #淮山麵 #平實推介
興哥清湯腩

呢排成日心思思想食日本嘢，前排就捉咗屋企人陪我去食呢間主打日式燒丼嘅舖頭。佢哋用炭火慢烤，即叫即燒鎖住肉汁，仲要指定用日本蛋同米，聽落已經覺得好講究。🥩 慢煮厚切牛舌丼厚切牛舌燒到微焦，入口彈牙爽口，中間仲保持到粉嫩色。肉汁豐富，配埋日本米...
30/08/2026

呢排成日心思思想食日本嘢，前排就捉咗屋企人陪我去食呢間主打日式燒丼嘅舖頭。佢哋用炭火慢烤，即叫即燒鎖住肉汁，仲要指定用日本蛋同米，聽落已經覺得好講究。

🥩 慢煮厚切牛舌丼
厚切牛舌燒到微焦，入口彈牙爽口，中間仲保持到粉嫩色。肉汁豐富，配埋日本米飯一流。

🥚 65°C溫泉玉子
撈勻落飯度即刻變得好滑溜，蛋味香濃，仲令到成碗丼飯層次提升。

🍇 巨峰梳打
氣泡夠足，甜度適中，飲落清新解膩。

🍅 鐵板角切牛柳玉子讚岐烏冬（番茄濃湯）
鐵板上枱熱辣辣，牛柳粒軟腍，伴碟有健康嘅秋葵。烏冬煙韌掛湯，腐皮吸晒蕃茄湯精華。

🧋 仙草凍奶茶
茶味幾出，仙草滑溜，飲落有咬口。

🐮 廿一香蔥漬燒牛丼
面頭鋪滿香蔥漬同燒牛肉！醬汁甜甜哋，拌埋香蔥漬特別香濃，簡單又好味。

🥣 麵豉湯
暖胃舒服，同燒丼幾夾。

🥟 豚肉野菜脆餃子
外皮煎到金黃脆口，入面餡料juicy。

🦴 味唐揚雞軟骨
炸得香口，鹹香惹味，咬落脆卜卜。

🐓 唐揚雞塊
大大塊外脆內嫩，肉質有汁，調味唔會過重，啖啖肉好滿足。

特別要讚佢哋午後時段嘅超值優惠，$32起就可以叫到經典燒丼或腐皮烏冬。仲有即叫即燒嘅招牌燒丼而且$38起就食到經典狐狸烏冬，簡單飽肚，性價比幾高～

【 廿一堂 】
📌 香港將軍澳唐賢街19號天晉匯2地下G08號舖

#廿一堂 #將軍澳美食 #日式燒丼 #慢煮牛舌 #香港丼飯
廿一堂 • 日式即點即燒丼飯專門店

今餐又係外賣日常，唔想食頹飯，一於試觀塘廣場地下有間石磨腸粉。即叫即蒸，煙韌度啱啱好，仲有養生飲品搭救，平淡之中見驚喜 😌🥢 石磨雞蛋腸 黑米 腸粉皮薄透光，黑米版多咗陣穀物香。麻香汁小辣吊味，唔嗆喉，撈勻食啱啱好。🥢 石磨手撕雞腸雞絲唔鞋...
29/08/2026

今餐又係外賣日常，唔想食頹飯，一於試觀塘廣場地下有間石磨腸粉。即叫即蒸，煙韌度啱啱好，仲有養生飲品搭救，平淡之中見驚喜 😌

🥢 石磨雞蛋腸 黑米 
腸粉皮薄透光，黑米版多咗陣穀物香。麻香汁小辣吊味，唔嗆喉，撈勻食啱啱好。

🥢 石磨手撕雞腸
雞絲唔鞋，連埋腸粉一啖滑捋捋。食到米香，簡簡單單最穩陣。

🥛 羅漢果（飲品）
清甜自然，解膩之選。飲完喉嚨舒服，啱晒轉季口乾乾。

🍙 粢飯
糯米軟糯唔黐牙，油炸鬼脆口，肉鬆份量足。頂到半日肚餓，性價比之選。

【 有米石磨腸粉 】
📌 觀塘開源道68號觀塘廣場地下G34號舖

#觀塘美食 #石磨腸粉 #外賣日常 #香港小食 #有米石磨腸粉

觀塘工廈地舖，左邊焗飯、車仔麵，右邊麵包香噴噴，行過好難忍手唔幫襯 😆🍚 鹹魚蒸排骨飯鹹魚吊起鮮味，排骨腍滑，飯粒吸滿肉汁，家常得嚟好送得口。🧀 芝士鮮茄焗雞扒飯茄醬酸甜自然，芝士輕焗微微拉絲，唔會太漏。🍞 紅豆吐司紅豆蓉綿密帶粒感，甜度啱...
25/08/2026

觀塘工廈地舖，左邊焗飯、車仔麵，右邊麵包香噴噴，行過好難忍手唔幫襯 😆

🍚 鹹魚蒸排骨飯
鹹魚吊起鮮味，排骨腍滑，飯粒吸滿肉汁，家常得嚟好送得口。

🧀 芝士鮮茄焗雞扒飯
茄醬酸甜自然，芝士輕焗微微拉絲，唔會太漏。

🍞 紅豆吐司
紅豆蓉綿密帶粒感，甜度啱啱好，配奶茶一流。

🥖 芝士火腿包
口感軟熟，火腿鹹香夾住芝士，簡單樸實，早餐首選。

【 小宇宙 】
📌 觀塘成業街16號怡生工業中心地下B號舖

#觀塘美食 #工廈食堂 #港式麵包 #焗飯 #街坊飯堂

收工路過觀塘鴻圖中心，打算外賣返屋企食。見到呢間越式外賣店，原來係上次旺角食過個間嘅分店～🥖 招牌越南法包法包烘得脆身，入面扎肉肝醬足料，蘿蔔醃得酸甜醒胃，啖啖清爽。🍚 香茅豬頸肉飯豬頸肉肉質彈牙唔乾柴，香茅味突出，仲送埋扎肉，好豐富。🍗 ...
24/08/2026

收工路過觀塘鴻圖中心，打算外賣返屋企食。見到呢間越式外賣店，原來係上次旺角食過個間嘅分店～

🥖 招牌越南法包
法包烘得脆身，入面扎肉肝醬足料，蘿蔔醃得酸甜醒胃，啖啖清爽。

🍚 香茅豬頸肉飯
豬頸肉肉質彈牙唔乾柴，香茅味突出，仲送埋扎肉，好豐富。

🍗 香茅雞翼
雞翼外皮金黃乾身，撕開肉汁滲出，醃得夠入味。

🧆 豬肉酸芝士球
外層炸到脆卜卜，內裡芝士半融，幾過癮。

【 越火法包 】
📌 觀塘巧明街94-96號鴻圖中心地下1B號舖

#越式外賣 #觀塘美食 #法包 #香茅 #越南味

越火法包 Bánh Mỳ Lúa Việt

上星期收工約咗朋友去觀塘食飯，揀咗間樓上鋪 GAVI 啡酒館 （Cafe, Bar and Restaurant)，裝修有格調，燈光靚，坐得舒服，成個vibe好chill，傾計食飯一流 🌿🦪 法式香草牛油焗田螺配薯餅田螺肉嫩，香草牛油味濃但...
17/08/2026

上星期收工約咗朋友去觀塘食飯，揀咗間樓上鋪 GAVI 啡酒館 （Cafe, Bar and Restaurant)，裝修有格調，燈光靚，坐得舒服，成個vibe好chill，傾計食飯一流 🌿

🦪 法式香草牛油焗田螺配薯餅
田螺肉嫩，香草牛油味濃但唔膩，底下薯餅脆身，一齊食口感幾得意

🍄 松露牛肝菌忌廉湯
入口好香菌味，松露味點到即止，質地滑溜，唔會太杰，暖胃之選

🐔 脆皮醉香雞．薑蔥蓉．蜜汁
雞皮真係脆，肉滑有酒香，點埋薑蔥蓉提鮮，蜜汁輕甜，層次啱啱好

🍝 卡邦尼扭扭意粉
汁掛得好勻，煙肉碎香口，扭扭粉有咬口，食落比普通意粉更有趣

🦋 Butterfly Flower Soda
紫色漸層靚靚，味道清甜帶微酸，影相打卡必備

🍹 Passion Fruit Soda
熱情果味突出，夠fresh又解渴，配濃味菜好夾

【 GAVI 】
📌 觀塘偉業街180號Two Harbour Square 1樓

GAVI 啡酒館 （Cafe, Bar and Restaurant)

#觀塘美食 #法國菜 #觀濱 #食好西

之前喺觀塘捐窿捐罅，發掘到間樓上舖「Catt Coffee Bar」，竟然有 $12 美式咖啡做招徠，抵到癲。今日就孖住朋友仔上去，試埋佢哋嘅泰國菜，睇吓係咪真係咁高質先！😎🐓 海南雞飯雞肉去骨做得滑嫩，雞皮爽口唔肥膩。油飯粒粒分明，點埋三...
17/08/2026

之前喺觀塘捐窿捐罅，發掘到間樓上舖「Catt Coffee Bar」，竟然有 $12 美式咖啡做招徠，抵到癲。今日就孖住朋友仔上去，試埋佢哋嘅泰國菜，睇吓係咪真係咁高質先！😎

🐓 海南雞飯
雞肉去骨做得滑嫩，雞皮爽口唔肥膩。油飯粒粒分明，點埋三色醬好開胃。

🦐 大蝦炒金邊粉
金邊粉炒得較濕。大蝦爽口，旁邊嘅花生碎自己撈，風味即刻提升。

🦆 紅咖哩燒鴨飯
燒鴨配上紅咖哩，椰香味濃，辣度溫和送飯一流。配菜嘅菠蘿中和油膩感。

🐖 泰國酸豬肉腸
外皮煎到微脆帶焦香，內裡肉質偏酸開胃。用生菜包住食，口感好豐富。

🍹 芒果冰茶 & 青檸梳打
芒果冰茶清甜解渴，青檸梳打夠氣夠酸爽，食完濃味嘢飲返杯，味蕾即刻清新返。

🥧 新張優惠葡撻 (買3送1)
重點推介！酥皮勁脆，蛋漿滑溜香甜，面頭仲有微微焦糖香。

【 Catt Coffee Bar 】
📌 觀塘駿業里8號世貿大樓1樓

#觀塘美食 #泰國菜 #工廈食堂

旺角弼街有間成日排隊嘅小食店，出名嘅招牌酸辣粉，聞名不如見面。今日終於的起心肝試佢一試，順便叫多幾樣小食，滿足晒口癮。🍜 招牌酸辣粉 + 芝士腸 + 墨魚鬚湯底夠香夠麻，唔會死辣。薯粉滑溜彈牙，索晒湯汁。芝士腸爆汁，墨魚鬚爽口，夾埋一流。🍜...
16/08/2026

旺角弼街有間成日排隊嘅小食店，出名嘅招牌酸辣粉，聞名不如見面。今日終於的起心肝試佢一試，順便叫多幾樣小食，滿足晒口癮。

🍜 招牌酸辣粉 + 芝士腸 + 墨魚鬚
湯底夠香夠麻，唔會死辣。薯粉滑溜彈牙，索晒湯汁。芝士腸爆汁，墨魚鬚爽口，夾埋一流。

🍜 招牌酸辣粉 + 肥牛 + 牛柏葉
肥牛薄切唔韌。牛柏葉切得幼身，吸湯又夠腍。兩款配料都同酸辣湯底好夾。

🥢 涼拌牛肚
滷得入味，口感軟硬適中，帶少許嚼頭。

🥚 涼拌皮蛋
糖心皮蛋配酸辣汁同芫荽，簡單清新。

🧆 燒賣
魚肉燒賣蒸得熱辣，口感彈牙。蘸少少辣油，已經好好食，係經典港式小食水準。

【 旦王 】
📌 旺角弼街72號地舖

#旺角小食 #酸辣粉 #港式街頭 #旦王 #平靚正

尋日去旺角行下，想食越南菜，比間舖頭嘅車仔檔收銀位吸引咗，真係好似越南街頭嗰種，好得意 😆即管坐低試下，點知有驚喜！🍜 香茅豬扒湯檬湯底清甜帶淡淡香茅味，豬扒軟腍唔韌，檬粉滑身，整體好夾。🥩 生牛肉湯河牛肉半熟上枱，浸兩下就熟透，肉質嫩滑。...
15/08/2026

尋日去旺角行下，想食越南菜，比間舖頭嘅車仔檔收銀位吸引咗，真係好似越南街頭嗰種，好得意 😆即管坐低試下，點知有驚喜！

🍜 香茅豬扒湯檬
湯底清甜帶淡淡香茅味，豬扒軟腍唔韌，檬粉滑身，整體好夾。

🥩 生牛肉湯河
牛肉半熟上枱，浸兩下就熟透，肉質嫩滑。湯頭牛骨味濃，河粉幼滑吸湯。

🧆 豬肉酸芝士球
外脆內軟，芝士微微拉絲，送飲品一流。

🍹 荔枝茶
茶底清爽，甜度適中，解膩之選。

🧊 越南桔仔水
桔仔酸香突出，凍飲夠涼爽。

【 越火餐廳 】
📌 旺角通菜街2A-2P號鴻光大廈地下L號舖

#旺角越南菜 #越火餐廳 #越南湯河 #香芋豬扒 #街頭風味

Address

Tin Hau
Hong Kong

Website

Alerts

Be the first to know and let us send you an email when Eat With Marvel posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Eat With Marvel:

Shortcuts

Share