25/08/2026
早排放工同朋友喺九龍灣搵地方食飯，
唔想食得太油膩，又想有啲唔同口味，
於是試咗呢間 弼哈海南雞。
原本以為主打海南雞飯，
點知其他南洋風味菜式都幾有驚喜！
今次試咗三款人氣菜式：
🐔 招牌海南雞飯（$75）
雞肉嫩滑得嚟幾有肉汁，
連平時最怕乾柴嘅雞胸位都唔錯。
油飯香氣足夠，又唔會食兩啖就覺得好膩。
配埋薑蓉同辣椒醬，簡單但好食，難怪係招牌。
🥥 椰香加東喇沙（$66）
未食已經聞到陣濃濃椰香，湯底幾香濃，
帶啲南洋香料味，但唔算好辣，
好容易入口。
呢碗好適合鍾意重湯底又想食得暖笠笠嘅朋友。
🥩 仁當牛肉飯（$75）
牛肉炆得夠腍身，吸晒仁當醬汁嘅香料精華，
味道濃郁又好送飯。相比海南雞飯，
呢款風味更加突出，適合想食重口味少少嘅人。
✨ 整體感受
餐廳環境乾淨企理，座位坐得舒服，
晚飯時間氣氛輕鬆。最重要係價錢親民，
六十幾蚊已經有個高質晚餐，喺九龍灣區算幾抵食。
如果放工後想食餐唔太重負擔，又帶少少新加坡風味，
我覺得弼哈海南雞真係幾值得一試。
個人最鍾意招牌海南雞飯，
而仁當牛肉飯都好有驚喜，下次再去應該會再點！
📍弼哈海南雞
📌 九龍灣常悅道21號 Eastmark 1樓8號舖
#弼哈海南雞 #海南雞 #仁當牛肉飯 #東南亞風味
#九龍灣美食
