別樹一格Unique Cube

別樹一格Unique Cube 別樹一格-Unique Cube格仔舖主頁

個人認為呢D 先係格仔舖應該有既裝修
04/07/2026

個人認為呢D 先係格仔舖應該有既裝修

重要公告(有關服務範圍):本司租戶守則第4條說明本司按【貨格租約】及【租戶守則】釐定服務範圍，以本司提供之服務範圍釐定租金，提供與租金相應價值之合理服務，惟不時有租戶混淆租金相應價值之「合理服務」範圍，按現行釐定租金下本司並未提供以下服務：...
20/05/2026

重要公告(有關服務範圍):
本司租戶守則第4條說明本司按【貨格租約】及【租戶守則】釐定服務範圍，以本司提供之服務範圍釐定租金，提供與租金相應價值之合理服務，惟不時有租戶混淆租金相應價值之「合理服務」範圍，按現行釐定租金下本司並未提供以下服務：
1.期望店員協助捉賊 (基於警方建議人身安全是任何行動的首要考慮及保險責任問題)
2.期望店員能及時發現或防止偷竊 (店員並非保安人員或執法人員，本司服務條款中從沒包含保安人員，且以上鎖貨格作為惟一防盜措施）
3.期望店員或本司協助查閱CCTV (租金並不包括翻查CCTV的時間成本，且本司有提供給租戶自助查閱服務)

希望租戶明白「相應租金提供相應服務」及「相應服務收取相應租金」這個道理，謝謝。

別樹一格老闆Tony 啟

重要公告(有關失竊):別樹一格各分店絕大部份貨格都是可以上鎖的，是免費的，是租戶自己選擇上不上鎖的，別樹一格是很歡迎上鎖的，在租約第4條也清楚表明本司以上鎖貨格作為唯一有效防盜系統，租戶如選擇開放貨格即等同放棄有效防盜措施須自行承擔失竊風險...
19/05/2026

重要公告(有關失竊):
別樹一格各分店絕大部份貨格都是可以上鎖的，是免費的，是租戶自己選擇上不上鎖的，別樹一格是很歡迎上鎖的，在租約第4條也清楚表明本司以上鎖貨格作為唯一有效防盜系統，租戶如選擇開放貨格即等同放棄有效防盜措施須自行承擔失竊風險，租戶簽約時是知道的，無人迫租戶一定要租別樹的，如果租戶不同意是可以租其他格仔舖的，但簽署後應要互相遵守規則，這是一個有誠信的人應有的態度。

如果有租戶找到其他格仔舖可以開放貨格而保證不會失竊的，老闆本人真的很希望向同行學習的，請租戶告訢我那一間格仔舖可以做到？？？但如果無一間格仔舖做到開放貨格不失竊，可否尊重一下合約精神呢？老闆開呢間格仔舖差吾多十年，每樣野都係好認真去諗，什麼做得到及什麼做不到都已經很老實寫晒起租約同租戶守則裡面！！！最近Pokemon興起多左好多賣卡新手租戶，可能好多都未租過格仔舖，但就算租格時無留意我地留位訊息，無睇租約或租戶守則內容就簽名，基本常識來說會不會放成千銀既貨出黎而吾上鎖？？？最近某位寄賣Pokemon卡租戶因偷竊問題而同老闆嘈交，老闆本人對野蠻人極度憎恨（無視合約條款，佢講既先係真理，人講係只係歪理）！

老闆想有人偷野咩？一間舖仔裝成20支4K CCTV仲多過好多銀行金舖吾使錢咩？備份CCTV吾煩咩？租戶有得上鎖而吾上鎖而被偷竊點解係怪起格仔舖問題而吾係怪自己選擇問題？我地做格仔舖既呢期真係俾部份Pokemon既租戶玩殘（當然大部份都好正常會上鎖，特別係A層嗰位好好先生仲識自己配埋玻璃門），在此向所有租戶作聲明，上不上鎖是租戶的自由選擇，本人相信大部份租戶是成熟的，會為自己的選擇負責而非輸打贏要怪罪別人。

By老闆Tony

每次開新舖都懷疑緊自己係做裝修定開格仔舖，對比其他格仔舖，別樹係可以無正式招牌下，都能夠俾街客認得出既格仔舖，點解？因為我地D 野夠統一🙂
17/05/2026

每次開新舖都懷疑緊自己係做裝修定開格仔舖，對比其他格仔舖，別樹係可以無正式招牌下，都能夠俾街客認得出既格仔舖，點解？因為我地D 野夠統一🙂

搞惦葵涌廣場搬舖，下個月到天水圍啦🤪
17/05/2026

搞惦葵涌廣場搬舖，下個月到天水圍啦🤪

裝個CCTV 都出動Laser 度位務求最佳角度拍攝到貨格✌🏻
16/05/2026

裝個CCTV 都出動Laser 度位務求最佳角度拍攝到貨格✌🏻

重要公告（加碼10周年特別優惠）：徇眾要求，本司加碼10周年租三個月半價優惠至以下分店，留位請WhatsApp去相關分店登記‼️三個月半價優惠分店:1.大埔: A-E層2.藍田: A-E層3.天水圍: C-E層4.屯門: A-E層5.石門:...
07/05/2026

重要公告（加碼10周年特別優惠）：
徇眾要求，本司加碼10周年租三個月半價優惠至以下分店，留位請WhatsApp去相關分店登記‼️

三個月半價優惠分店:
1.大埔: A-E層
2.藍田: A-E層
3.天水圍: C-E層
4.屯門: A-E層
5.石門: A-E層
6.西灣河A: A-E層
7.坑口: A-E層
8.荃灣: C-E層

各分店租金表及聯絡資料:
https://qr1.be/YVSC

注意事項：
1.優惠只適用於全新加租新格，不適用於現有貨格續約或退租再租回原格
2.優惠期至2026-05-31結束
3.如有任何爭議均以本司作最終決定

十周年半價優惠第二擊，石門分店A-E層新租三個月半價，吾使租其他分店先有折既🤞🏻租格查詢石門分店WhatsApp 62114159
04/05/2026

十周年半價優惠第二擊，石門分店A-E層新租三個月半價，吾使租其他分店先有折既🤞🏻租格查詢石門分店WhatsApp 62114159

天水圍新北江新分店六月開張，位置起C65B BBear格仔舖既右邊C68喵喵格仔舖既左邊（呢句有少少廢話，簡單講即係人地舖頭隔黎啦），現向其他格仔舖租戶提供本司十周年租三個月半價優惠俾其他格仔舖租戶轉會機會，查詢留位請WhatsApp天水圍...
02/05/2026

天水圍新北江新分店六月開張，位置起C65B BBear格仔舖既右邊C68喵喵格仔舖既左邊（呢句有少少廢話，簡單講即係人地舖頭隔黎啦），現向其他格仔舖租戶提供本司十周年租三個月半價優惠俾其他格仔舖租戶轉會機會，查詢留位請WhatsApp天水圍分店61397689，鬥快！

PS:
別樹一向都吾鐘意跟人開邊度去邊度爭人生意，既然人地由大埔、天水圍、屯門擺明車馬跟落去，我地只係有樣學樣做防守而已。。。

Address

Hong Kong

Website

Alerts

Be the first to know and let us send you an email when 別樹一格Unique Cube posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 別樹一格Unique Cube:

Shortcuts

Share

Category