30/07/2026
「點解唔出茶包？」
我哋並唔係冇諗過，只不過就鳳凰單叢系列而言，我哋考慮過後都係決定以原葉、純茶葉為主。
鳳凰單叢最迷人嘅地方之一，就係佢條索緊結分明嘅形態。而呢種形態正正展示咗前期繁瑣同優質嘅製茶工藝。如果因為要遷就茶包尺寸而切碎茶葉入袋，實屬浪費。
但另一個更加重要嘅原因係我哋想分享嘅生活態度。
茶對於我地而言，由沖洗茶具、落茶、注水、到出湯，整個過程都係一個比自己慢落嚟，俾自己心靈互動同沉澱嘅機會。
茶包當然有佢嘅便利性，我哋往後都會推出適合以茶包呈現嘅產品。但呢個系列，我們更希望盡量保留傳統茶葉風味嘅同時，分享我哋～慢一啲～嘅生活態度。
