港飲港食 TalkFood

港飲港食 TalkFood 飲食｜生活丨專題｜本地遊｜
先填飽肚子再前進

檸檬茶lemon tea，由茶記到半島，由中環到大西北，骨子裏還是0T。疲憊的生活裏還有甚麼事？吃完喝完再說吧。

15/09/2026

#街坊是叻！話你知BeerMood主辦人Jesse鍾意飲啲乜！

BeerMood 36小時通宵啤酒節 由10月2日至4日喺灣仔 Pier 1929舉行！現場集結香港及亞洲各地 20 間精釀酒廠，帶來超過 100 款特色精釀啤酒，部分更首度來港！同場加映咖啡、葡萄酒、精緻美食及啤酒工作坊，絕對是啤酒迷必去盛事，飲爆 36 個鐘！

36小時通宵節日期間，每個時段均設有不同精彩娛樂體驗！演出陣容包括 The Hertz、DJ Beat Friday、動漫主題場熱門偶像組合 Monochrome、DJ Hyphen、DJ Step、DJ Jocelyn，以及多位現場 Busker 接力表演！

門票及代幣詳情：
微醺入場證 Tasting Pass：$398（包 1 個指定時段入場資格 + 12 枚貓幣）
酒鬼入場證 Premium Pass：$498（包 1 個指定時段入場資格 + 24 枚貓幣）
36小時醉貓通行證 36-HR Master Pass：$1,688（包全部 7 個主題時段入場資格 + 48 枚貓幣）

BeerMood 36小時通宵啤酒節
日期：2026年10月2日至4日
地點：灣仔Pier 1929（灣仔渡輪碼頭2樓）
網頁：https://beermoodhk.com

11/09/2026

【 #吃好吃】GenZ宵夜口味二選一！食宵夜最緊要夠滿足？😈

凌晨肚餓你會食啲咩？ Gen Z 食宵夜最緊要夠滿足同好味之餘，方便又飽肚都好重要，杯麵絕對喺不二之選，下次夜晚打機或者煲劇，唔洗再煩惱食咩宵夜啦，康師傅杯麵有齊多款口味，由惹味到暖胃之選都滿足到你，而家買杯麵仲有機會贏到PS5，即睇詳情：

【康師傅宵夜領域活動】

獎品包括：

🏆大獎：Sony PlayStation 5 + PS VR 2 + VR 遊戲
✈️二獎：Trip.com 電子禮券 HKD $5,000
🎮三獎：Google Play 電子禮券 HKD $1,000

遊戲玩法：

1. 購買任意 2 件 康師傅即食麵產品。
(⚠️ 溫馨提示：領獎時必須提供包含有效購買單據及康師傅即食麵實物於同一張相片內作為憑證)
2. 於 IG / FB / Threads 出 Post，分享你嘅「康師傅宵夜故事」，記得 Tag 埋 .shi.fu 再 Hashtag #康師傅宵夜領域。
3. Like / Follow 康師傅官方Page

註：活動期由即日起至 10 月 8 日。參加者須憑活動期內發出之指定發票/收據及公開貼文參賽（發票及貼文日期須清晰標示於活動期內，否則無效）。參加者於參賽貼文及/或領獎時，必須提供包含有效購買單據及 2 個（或以上）康師傅即食麵實物於同一張相片內之相片作為憑證。 禮品數量有限，送完即止。宣傳圖片及人物肖像均包含 AI 生成之概念效果圖，僅供廣告參考，產品及贈品請以實物為準。如有任何爭議，康師傅控股有限公司保留最終決定權。

#康師傅 #宵夜

【 #真實試】 流心奶黃月餅焗定叮好食？ 官方加熱食法 x 焗爐3種時間實測中秋食流心奶黃月餅，究竟點加熱先係最好食？今年東海堂繼續推出經典流心奶黃月餅，採用獨創立體兔子造型，選用法國牛油及淡忌廉，配合自家二次烘焙技術，將鹹蛋黃與奶黃吉...
11/09/2026

【 #真實試】 流心奶黃月餅焗定叮好食？ 官方加熱食法 x 焗爐3種時間實測

中秋食流心奶黃月餅，究竟點加熱先係最好食？今年東海堂繼續推出經典流心奶黃月餅，採用獨創立體兔子造型，選用法國牛油及淡忌廉，配合自家二次烘焙技術，將鹹蛋黃與奶黃吉士香氣極致昇華。今次小編實測官方微波爐指引與焗爐不同時間的效果，為大家拆解最佳口感！

流心奶黃月餅 (6個裝)
滙豐6折價$211.2/盒 | 特價$229/盒 | 零售價$352/盒

TalkFood 實測結果
東海堂官方建議食法：微波爐 (1000W) 實測
常溫下移除包裝後，以微波爐 (1000W) 加熱 5-10 秒後盡快享用：
・加熱 5 秒：餡心微微溫熱，金黃流心呈絲滑狀態，甜度剛好。
・加熱 10 秒：餅皮明顯變軟，流心奶黃湧出，奶黃香氣完全釋放，口感柔滑！（加熱時間可因應微波爐火力及個人口感喜好而調整）

焗爐 / 氣炸鍋 (180°C預熱) 實測：時間大比拼
・焗 1.5 分鐘：餅皮微溫，內部鹹蛋黃香氣初現，流心較為濃稠。
・焗 3 分鐘（強烈推薦）：二次烘焙的酥餅外層帶點微脆，金黃流心一湧而出。
・焗 5 分鐘：加熱時間過長，餅皮邊緣容易過焦，內部流心亦會稍稍乾涸，較不推薦。

限時優惠與購買詳情
即日起至 2026 年 9 月 20 日，顧客親臨全線東海堂門市或官方網店，憑滙豐信用卡購買指定月餅即可享有 6 折優惠。特價優惠至2026年9月25日止。數量有限，售完即止。

網店：https://www.maximsproducts.com.hk/tc/eshop/arome-mooncake-digital


#東海堂 #月餅 #中秋

10/09/2026

【 #吃好吃】人氣法式小店 搬到天后開新鋪 驚喜！4人份原條威靈頓牛柳餐 2道菜 人均$350

堅尼地城法式小店Taste All Pate，向來主打手工法式肉批、鴨肝慕斯凍批，以及性價比極高的歐陸菜式，靠客人口碑，人氣極高，經常一位難求。
早前突然宣佈休息，沒隔多久，6月尾於食肆林立的天后清風街重新開業，並且推出全新威靈頓牛柳4人套餐，午市及晚市都食到。

這個4人套餐，除了每位客人各有一個自選頭盤外，主菜竟是一條原條威靈頓牛柳，給同行客人開心share！
威靈頓牛柳上枱前，店員先把原條牛柳給客人認證後(或打卡後)，分切成4份，有點似客人點餐酒，或預訂生日蛋糕等等，儀式感滿滿！！

4人套餐價錢相當抵食，午市2道菜，人均不用$350 ，晚市3道菜，人均不用$500！更厲害是：不設加一！！
「套餐出咗幾個星期，冇特別宣傳，有熟客成班朋友試咗，大家都好滿意！！」大廚Kenji說。

新店跟以往最大分別主要在環境及裝潢上，以往是吧枱式設計，現時變成餐枱模式，客人面對面坐，人多傾偈，比以往坐高腳椅舒服。
少了舊店的開放式廚房，客人雖不能邊看大廚做菜邊食飯，但對Kenji來說，新店廚房大了，食材準備更妥當，因此才可以推出原條威靈頓牛柳套餐！

招牌威靈頓牛柳，跟以往一樣自家製作，牛柳鋪滿炒香菇菌及Parma Ham，覆上酥皮後，焗20分鐘，靜置30至40分鐘。每份牛柳，均是肉色粉紅，入口腍滑，肉汁飽滿，水準非常平均！
「最緊要係rest嘅時間，原條做rest得夠，顏色好穩定，冇咁多血水流出，平日細件做，rest時間冇咁長，可能20分鐘內完成。」Kenji說客人驚喜得嘩嘩聲，可能少見原條牛柳！

套餐除了威靈頓牛柳，每位客人各有自選頭盤，擺盤、配搭屬心機菜。
例如按時令推出的精選頭盤：慢煮西瓜配吞拿魚，火炙中拖羅鮮甜，魚油豐富，西瓜加鹽慢煮，質感煙韌，鹹鹹甜甜，簡單但美味！
晚上來吃，招牌自家法式肉批，一樣有得揀。

喜歡的話，可以升級加配一些全新海鮮頭盤。
像新鮮蟹肉配海膽魚子醬，高腳杯放了松葉蟹肉、北海道海膽、法國魚子醬，不僅打卡，拌入大量優質初榨橄欖油，蟹肉更加鮮甜嫩滑。
另一道煎北海道帶子配香橙味噌沙巴雍，刺身級帶子煎得金黃，多數用作甜品的沙巴雍，加了味噌及橙汁、橙酒與蛋黃拌勻，入口似輕盈卡士達醬，滑順帶空氣感，鹹甜帶橙香，非常開胃。

新店另有其他新增海鮮菜式，如櫻花蝦粉蝦多士、升級版法式海鮮湯......酒酣耳熱，興致來了，也可柯打一兩款，跟朋友分享！

到底這個4人套餐為何不設加一？
「賺少啲啦，餐牌寫明㗎，冇所謂，我哋想多啲朋友嚟試，成班人食幾開心；價錢真係唔貴，就算五六個人食一條威靈頓都得！！」
提提你，想試這個4人套餐，除了約齊朋友，記得留意供應時間及日子，由於威靈頓牛柳製作需時，記得早幾日訂位！！

午市2道菜威靈頓牛柳套餐 $1,388 / 4位（免加一）
供應時間：星期五六日 12nn - 3pm

套餐包括：
(1) 頭盤 每人一份 (3選1)
・精選頭盤
・是日餐湯
・有機沙律

(2) 主菜 原條威靈頓牛柳 (4 人份量全枱共享)

(3) 餐飲 每人一杯 咖啡 / 茶

套餐另可升級加配
+$98：新鮮蟹肉配海膽魚子醬 1 份
+$88：鴨肝慕絲凍批 1 份
+$58：龍蝦湯 1 份
+$48：法式肉批 1 份

套餐另可升級加配甜品
+$88：提拉米蘇 / 杏仁啤梨撻 1 份
+$58：雪葩 / 雪糕 1 份

註：無隱藏收費！(免加一，人均$347)

晚市3道菜威靈頓牛柳套餐 $1,998 / 4位（免加一）
供應時間：星期二三四 5pm - 10pm

套餐包括：
(1) 頭盤 每人一份 (4選1)
・精選頭盤
・法式肉批
・是日餐湯
・有機沙律

(2) 主菜 原條威靈頓牛柳 (4 人份量全枱共享)

(3) 甜品 每人一份(4選1)
・雪葩
・雪糕
・提拉米蘇
・杏仁啤梨撻

註：不包餐飲，無隱藏收費！(免加一，人均不用$500)

套餐另可升級加配
+$98：新鮮蟹肉配海膽魚子醬 1 份
+$88：鴨肝慕絲凍批 1 份
+$118：煎北海道帶子配香橙味噌沙巴雍 1 份
+$58：龍蝦湯 1 份

#預訂與用餐細則
・威靈頓牛柳製作需時，每日供應數量有限，須提前2天前預訂；
・套餐以 4 人為基準，如超過 4 位，額外加人：午市套餐每位 +$368 / 晚市套餐每位 +$528

#如有任何爭議，Taste All Pate 保留最終決定權

櫻花蝦蝦多士 單點$138 (+10%)
法式海鮮湯 單點$398 (+10%)

Taste All Pate
地址：天后清風街16號地下
Whatsapp 電話：9650 8532
營業時間：星期一休息 星期二三四 5pm - 10pm 星期五六日 12nn-10pm
網上預約：https://inline.app/booking/-Ot7u19ykuRM7Bbj6dJo:inline-live-4/-Ot7u1HVeiq9gObvg0J8

#威靈頓牛柳 #法式肉批

【 #吃好吃】荃灣民豐開餐廳 終於可以chill住食爆汁韭菜盒！ 仲有Gelato雪糕奶昔 ！！荃灣民豐粉麵行終於有得堂食啦！！位置就喺荃新天地一期地下！大家唔想去舊鋪排隊外賣，想舒舒服服食糯米糍、韮菜餅，就要嚟新店呢邊！餐廳極開揚寬敞...
09/09/2026

【 #吃好吃】荃灣民豐開餐廳 終於可以chill住食爆汁韭菜盒！ 仲有Gelato雪糕奶昔 ！！

荃灣民豐粉麵行終於有得堂食啦！！
位置就喺荃新天地一期地下！大家唔想去舊鋪排隊外賣，想舒舒服服食糯米糍、韮菜餅，就要嚟新店呢邊！
餐廳極開揚寬敞，木系cafe設計，遇着呢幾日好天氣，一室陽光，真係非常jeng！
嚟呢度，除咗食到招牌糯米糍，仲多咗好多主食、小食，好似拿手嘅餃子、雲吞，加埋自家熬製6款湯底及自家出品麵條，無論清爽或濃厚口味，配搭極多，素食者都有得揀。

甜品一樣令人選擇困難，各種中式糖水、湯圓；西式嘅Gelato雪糕奶昔、Gelato雪糕奶窩夫卷都有；鍾意嘅話，嗌埋意式咖啡同鴛鴦都得！絕對係2.0升級版。

呢幾日啱啱試業，襯唔係咁多人，快啲去試吓。
到底有咩好食推介？小編真實試，以下幾款相當不錯！

No.1必食
生煎韭菜盒$24/2件
除咗糯米糍，民豐必食人氣小食之一嘅韭菜餅，由原本手掌咁大塊，變成而家嘅韭菜盒，細細件方便易食得多！味道不變，一樣啖啖韭菜香，夠晒香口，爆晒汁！

邪惡！
意式雪糕奶昔(開心果/芝麻/花生) $48
估唔到連奶昔都飲到，嗌咗招牌芝麻味試試佢，自家炒嘅芝麻，特別香濃，奶昔綿滑，最重要喺唔太甜！

意式雪糕卷(開心果/芝麻/花生) $48
曾經係市集推出嘅Gelato雪糕卷回歸！入面包咗開心果Gelato，仲有麻糬粒同開心果碎，外層嘅wrap，其實係Q彈餅皮，類似潤餅，口感層次超豐富！

古早擂沙湯圓(芝麻/花生/豆沙) $36/6粒
鐘意古早甜品，冇得唔試民豐出晒名嘅軟糯湯圓，呢個擂沙湯圓，最特別除咗可以自選內餡，連外層裹上嘅堅果粉味道都係自選，鍾意嘅話，內外唔同口味兩溝，非常有驚喜。

心機主食！
白菜豬肉雲吞 配金葱濃香雞湯 $42/6隻
主食餐牌誠意十足，單係湯底極花功夫，喜歡醇和鮮甜味道，推介清澈嘅金葱雞湯，先將洋葱炒至焦糖化，再加入雞湯熬煮，食到洋葱香甜味，又冇洋葱辛辣；最佳配搭一定係招牌白菜豬肉雲吞，鮮味十足。

粟米豬肉水餃 配 白布鮮麵 / 番茄薯仔濃湯 $42/4隻
番茄薯仔濃湯係純素湯底，將番茄打成蓉，跟大量蔬菜熬成高湯，茄味天然，入口濃稠，好似食緊番茄醬咁誇張。餐廳麵底有6款選擇，上海麵、菠菜麵、特製扁身烏冬......小編大推白布鮮麵，一大幅，質地似餃子皮，入口滑捋捋，配濃湯湯底，掛湯力極強！加埋粒粒飽滿粟米豬肉水餃，夠晒滿足！

驚喜！
霸王蟹粉拌麵 $189
呢個一定係冇得輸！！蟹粉唔止多，鮮甜豐腴，原來用咗指定黃金比例嘅當造大閘蟹公+蟹乸，mix埋蟹肉同蟹黃，蟹油超充足，上枱時仲用燭台保溫，金黃蟹粉撈均每條麵，香濃又唔膩！一定要試試佢！

醬油鮟鱇魚肝 $38
點估到仲有日式小食！！日本鮟鱇魚肝本身軟糯甘香，原來配中式特調醬油，再醬燒至焦香，一樣好味，呢個價錢，要食！

民豐餃子•甜品
地址：荃灣楊屋道1號荃新天地G46號鋪

#民豐粉麵行 #餃子

【 #吃好吃】我們最喜愛鹽可頌排行榜 TOP 5！邊間牛油香爆棚？最平$12食到？ 小編作為麵包控，平日周圍食包，去旅行更加要食包！呢期小編迷上鹽可頌/鹽麵包，外脆內煙韌嘅口感，仲有牛油香，真係超正！！口味仲要愈出愈多，唔再得牛油或者明太...
08/09/2026

【 #吃好吃】我們最喜愛鹽可頌排行榜 TOP 5！邊間牛油香爆棚？最平$12食到？

小編作為麵包控，平日周圍食包，去旅行更加要食包！
呢期小編迷上鹽可頌/鹽麵包，外脆內煙韌嘅口感，仲有牛油香，真係超正！！口味仲要愈出愈多，唔再得牛油或者明太子味添！

當然試過唔少網上大推嘅鹽可頌，竟然中晒伏！應該嘅煙韌去咗邊？牛油味呢？唔見咗！得番個齋包！幾蚊雞嘅豬仔包仲好食！！
學費交唔少，能夠叫小編回頭再買嘅，暫時只有呢5個單位！

真實試 鹽可頌排行榜

No.1 Truffle Bakery｜白松露鹽包 $23/個 .hk
小編心目中嘅TOP 1次次食都唔會失望！！日本過江龍Truffle Bakery，招牌白松露鹽可頌一定係S級，包底酥脆程度僅次於韓國超紅嘅自然島鹽可頌，超濃香白松露，加埋超肥仔牛油味，麵包煙韌得嚟易咬，食到尾都係咁好味！唯一缺點係比較細個，一個唔夠喉。

同場加映！8月新出咗檸檬鹽包($29/個)，聽落好清爽，但包體冇白松露鹽包咁酥脆，檸檬嘅甜味同鹽可頌唔太夾，都係食返白松露味！

No.2 初麥｜黑松露海鹽卷$15/個
初麥作為本地麵包，除咗布甸包同bagel出名，鹽可頌好有水準，特別係包底金黃酥脆，咬開入面空氣感十足，唔會好死實，明顯食到黑松露內餡，同靚鹽嘅鹹味！勁足料，大件夾抵食，黑松露迷必衝！

No.3 嘉多娜｜杜拜花生朱古力鹽可頌 $15/個
永遠要Mon 實嘉多娜，新款口味鹽可頌不停出，長駐嘅原味、海苔、黑松露......仲有唔少爆餡款，粟米、忌廉芝士、明太子、杜拜開心果朱古力......
好似新出冇耐嘅杜拜花生朱古力鹽可頌，非常驚喜！好似食咗一大啖花生醬入口咁！幼滑花生醬，冇加太多額外調味，撈均脆脆麵包絲，夠晒脆口，超肥仔！$15爆晒餡，冇得輸，食到尾，會食到牛油味，提醒番各位，你係食緊鹽可頌！成個包都幾大個，建議同朋友share！不過呢款包隨時係期間限定，唔知仲有冇機會食到！！

No.4 小小烘焙｜明太子鹽可頌 $25/個 .little.bakelab
荔枝角人氣麵包店小小烘焙，相信各位資深麵包控都唔陌生，佢哋個鹽可頌比想像中出色，包體煙韌有咬口，原味本身都唔錯，另一款明太子味夠晒鹹香，仲爆晒醬，價錢嚟講，真心有啲貴，如果鍾意食明太子嘅，要試！

No.5 DONQ｜岩麵包 $12/個 .hk
鹽可頌下下十幾廿蚊個，真係食到窮！SOGO地府超市，就搵到性價比最高嘅鹽可頌！外表望落平平無期、冇乜油光，表面灑咗一粒粒玫瑰岩鹽，估唔到食落外皮香脆、入面蓬鬆，唔係煙韌，似食法包嘅拉扯質感，牛油味比想像中突出，大件夾抵食就係佢！

大家又覺得邊間鹽可頌好食呢？留言話俾小編知啦！！

#鹽可頌 #麵包控

08/09/2026

【 #吃好吃】尖沙咀高CP值壽喜燒二人餐 人均$250歎鹿兒島A4黑毛和牛

尖沙咀人均$250就食到壽喜燒？仲要免加一？壽喜燒愛好者注意！尖沙咀天澗壽喜屋，$498特選三重二人盛套餐，一次過歎到3款肉品，包括：北海道豚五花（50g二份）、鹿兒島A4黑毛和牛肩胛（50g二份）及鹿兒島A4黑毛和牛肩胛（50g二份），加$118更可升級佐賀A4黑毛和牛肩胛（50g二份），牛味更濃郁、入口即溶，蘸上蛋汁更加滋味！

除了肉類，套餐包括蔬菜盛盒、外脆內嫩的田樂味噌炸豆腐和唐揚炸雞、刺身三點盛 ，三文魚肥美鮮甜，平貝和赤蝦亦新鮮彈牙，用$198優惠價追加到北海道馬糞海膽刺身（50g），鮮甜順滑，主食可選日本米飯或烏冬，小編推薦要升級香蔥溫泉蛋飯（加$10），更加惹味！

想食得再豐富一點，就要追加人氣/火炙五點盛壽司（加$68），超級滿足！飲品（包括啤酒）亦有買一送一優惠，甜品嗌埋北海道焦糖芝士蛋糕，推薦要配超有特色的紹興酒雪糕，喜歡酒味甜品必試，很適合跟朋友慶祝生日！Bookmark定下次嚟試下啦！

天澗壽喜屋
地址：尖沙咀堪富利士道 6-6A 爵寓 1 樓（尖沙咀站 A2 出口直行 2 分鐘）
營業時間：12nn – 10pm（最後點餐時間： 9:30pm）

#尖沙咀美食 #壽喜燒

07/09/2026

【 #吃好吃】旺角全黑CAFE☕️必食人氣口水雞扒！午餐$88起歎玫瑰醬捲捲意粉

在旺角不用$100就食到捲捲意粉？仲要西式cafe都食到口水雞扒？旺角主打全黑簡約裝修的Black Coffee，午市套餐$88起歎到人氣玫瑰露卷卷粉、鬆餅漢堡等菜式。

自家製口水雞扒玫瑰露卷卷粉 $128
口水雞扒是Black Coffee人氣菜式之一，川味麻辣口水雞扒搭配韓式甜辣玫瑰露卷卷粉，fusion風味十足，再加上番茄粒，辣而不膩，嗜辣人士必食！

自家製竹炭厚鬆餅漢堡配沙律菜 $88
黑色竹炭鬆餅配合Black Coffee全黑風格 ，餐廳曾推出班㦸甜品，主理人希望做成主食，所以搭配牛肩胛漢堡扒，再淋上楓糖漿，鹹鹹甜甜，味道層次豐富。

除了高CP值午市套餐，負責人推薦了主餐牌中必試的隱藏MVP甜品：

自家製黑芝麻醬日式梳乎里班㦸 $106
餐廳有多款口味即叫即製梳乎里班㦸，推薦各位芝麻控要試黑芝麻醬梳乎里班㦸，空氣感十足，蛋香濃郁，凍冰冰黑芝麻醬搭上熱辣辣梳乎里班㦸，冷熱交融口感超正！

飲品方面，餐廳會因應季節，推出不同限定飲品，今期有西瓜抹茶奶蓋($58)，創新配搭又消暑。除了咖啡外，亦有多款Cocktail選擇，適合夜晚同朋友來聚會，小酌一杯。

Black Coffee
地址：旺角廣華街3號地下3號鋪
電話：2796 0082
營業時間：12nn - 10pm

#旺角美食

04/09/2026

【 #去玩嘢】美心中秋限定店登陸旺角朗豪坊 多個影相打卡位 ＋ 4大活動贏獎品

中秋節又有好去處啦！美心月餅喺旺角朗豪坊開嘅中秋限定店！開幕儀式仲有星級嘉賓林峯親臨現場，即刻睇下有咩必玩必食亮點啦！

4 大主題精彩活動

1. 月餅解密研究室（免費參加）：
透過視覺、聽覺同嗅覺挑戰感官解密，即場影相及分享相片到社交平台並掃描 QR Code 追蹤美心月餅官方 Instagram ()，即可獲贈限量「可愛美心月餅造型洗碗 海綿」乙份！

2. 月映滋味新配搭
$38 即可享用限定Combo！自選美心月餅 1 件（包括全新麻辣牛肉或經典流心奶黃等）配 Canto Spice 特調飲品 1 杯，解膩又滋味，每日 2PM - 5PM限量供應，售完即止！

3. 月圓 Key Cap DIY 工作坊：
凡喺Pop-up store內購買月餅禮盒，加 $18 即可體驗製作「解壓按鈕」，打造獨一無二嘅中秋紀念品！(每日限量，每人每日限參加1次)

4. 月餅夾夾樂：購買盒裝月餅滿 HK$388 即獲遊戲代幣 1 個，隨時夾走限量版美心月餅公仔吊飾同毛毯大獎！

快啲約埋身邊嘅朋友一齊去朗豪坊打卡玩遊戲、感受中秋氣氛啦！🌕

美心中秋限定店 @ Langham Place
日期：2026年9月5日 至 9月21日
時間： 星期一至四：11AM - 9PM ・星期五至日：11AM - 10PM
地點：旺角朗豪坊 L4 通天廣場

#美心月餅中秋限定店 #香港味道美心製造 #中秋月餅

04/09/2026

【 #吃好吃】意大利人會嬲？意大利大廚：薄餅加菠蘿罰1千蚊！ 羅馬薄餅唔叫Pizza！正宗卡邦尼冇忌廉！

薄餅加菠蘿，意大利人聽到，會唔會即時皺眉黑臉呢？
問問來自意大利羅馬的Chef Paolo，他直言不諱：「No ！ No！ 要加菠蘿，你要俾 $1,000 罰款先！！」接着哈哈大笑！！

Chef Paolo解釋說：「我廚房有罐菠蘿呀，過咗期，扔咗啦...哈哈！！老實說，意大利從來冇菠蘿，菠蘿唔屬於呢一邊地球，所以意大利從來冇薄餅加菠蘿呢個組合，你鍾意食菠蘿？就咁食得啦，唔需要加落薄餅！！」因為這個原因，餐廳餐牌上，列明如要添加菠蘿(罐頭)要罰錢，目的是防止客人提出要求！

風趣的Chef Paolo，曾在多間著名意大利餐廳當主廚，對意大利菜經驗豐富，四年半前開設自家餐廳AMA Ristorante，將羅馬著名菜式加入餐牌中。菜式旁邊加了一個小小的字母「R」，代表地道羅馬名菜或加入他的創意再改良，方便客人識別。
當你以為意大利薄餅等同拿坡里薄餅，卡邦尼意粉就是忌廉+蛋汁+煙肉意粉.......來到這裏，打開你未知的味蕾世界！！

大廚說，羅馬近廿年流行的薄餅叫「Pinza」，而不是 Pizza。兩者最大分別是，麵糰不一樣，因此厚薄質感也不一樣。

Pinsa 並非薄餅皮，也不似很多人食過的「50大拿坡里薄餅」，那種鼓彭的鬆軟口感，它介乎兩者之間。

Pinza餅皮加了一點米粉製作，經長達48小時發酵，入爐前，拉扯成長方形，而非圓形，同樣用300度烘焗至外表香脆，特別邊位，內裏鬆軟濕潤，非常美味，多食幾塊不會造成太大負擔，非常易消化！

配料組合貼近羅馬風味。推介無花果Pinsa，鋪滿熟透無花果、意式火腿，並撒上開心果碎。精妙處是搭配微酸crescenza芝士及點點feta芝士，平衡糖漬無花果的甜膩，甜味與鹹香，十分好吃！
另一款顛覆很多人認知的，就是沒加芝士的Pinsa！
冇加芝士，好唔好食？

Chef Paolo將意大利經典薄餅「水手薄餅」（Marinara）來個變奏，結合他的店名，稱為 Amarinara。Pinza上鋪滿番茄、新鮮Oregano、蒜片、生藍蝦、鯷魚、幾顆橄欖，餅底焗得脆脆，入面吸滿番茄汁精華及鹹鮮味道！正如大廚咪着眼說：「天哪，好好食呀！」
羅馬家喻戶曉的，少不了聞名全世界的Carbonara。

Chef Paolo說很多人都會做卡邦尼意粉，不過說到美味關鍵，最重要是不加忌廉。蛋黃、Guanciale風乾豬面頰肉和pecorino羊奶芝士，三者精髓味道融合。

豬面頰肉酥脆，短管麵被蛋汁包住，咬下去時，鹹鮮香濃醬汁在口中爆發。
比起食材，更關乎廚藝技術。「蛋黃加熱必須達62到65度，唔係生蛋，近似慢煮做法，加熱過頭，好易變成炒蛋！」。

羅馬還有很多特色菜餚，例如非常擅長運用牛內臟。
這道牛尾意粉Lasagnetta，造型像一朵玫瑰花，是Chef Paolo的創意作品。做法近似意大利Ravioli，擀平麵皮上，將慢煮4小時至軟腍的牛尾，拆肉，鋪好作餡，把它捲起來，然後順着捲成一個圓圈煮好。淋上燉牛尾醬汁上桌，牛肉味濃郁，愛濃重口味必吃。

意大利美食又何止薄餅及意粉，到底滋味如何？最好約埋三五朋友去試試。

Pinsa & Fichi 無花果火腿開心果crescenza芝士羅馬式薄餅 $178
Pinsa Alla Amarinara番茄藍蝦鯷魚羅馬式薄餅(冇芝士)$268
100%傳統卡邦尼短管粉$268
意大利牛尾千層麵$278

AMA Ristorante
地址：灣仔莊士敦道208號25樓
WhatsApp 電話：3702 0806
營業時間：星期一至日 12nn-11pm

#薄餅 #卡邦尼 #灣仔美食

Address

Hong Kong

Website

Alerts

Be the first to know and let us send you an email when 港飲港食 TalkFood posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 港飲港食 TalkFood:

Shortcuts

Share

Category