CookEasy家滋味照護食

Home
Hong Kong
Hong Kong
CookEasy家滋味照護食

Contact information, map and directions, contact form, opening hours, services, ratings, photos, videos and announcements from CookEasy家滋味照護食, Food Delivery Service, 葵涌打磚坪街81-83號生興工業大廈3樓, Hong Kong.

CookEasy 煮餸易於2008年成立，是東華三院屬下的社會企業。CookEasy為年長體弱及吞嚥有困難的人士，推出「家滋味照護食」。我們採用優質食材製作，保留食物原味、容易吞嚥，而且儲存方便、翻熱容易。照顧者不用大費周章，便可端出一份色香味兼備的營養軟餐，讓長者重拾家常便飯的樂趣。鼓勵長者多吃一點，幫助照顧者輕鬆一點，是 CookEasy「家滋味照護食」的堅持。

14/07/2026

【今年中秋，人人都可以食月餅🥮】

「食得是福」
是一日三餐食得夠
是能夠分辨甜酸苦辣鹹
是對每頓飯的美味盼望
是令人回味無窮的甜美回憶
但最實在，是與摯愛親友分享美食好滋味

今年中秋，除了iBakery的皇牌傳統月餅，我們推出了CookEasy 家滋味照護食月餅 (IDDSI等級4)，讓大家可以跟有吞嚥困難的體弱親友一起分享福氣和美味🍽️

iBakery手工月餅
🥚 蛋黃白蓮蓉月餅禮罐裝
🫘「陳皮豆沙．蛋黃白蓮蓉月餅」雙式月餅

CookEasy家滋味照護食月餅 (IDDSI等級4，又名軟餐，適合吞嚥困難人士)
🥛 奶黃紅豆月餅

💰早鳥優惠價由即日起至9月4日
🚚 滿$800可享免運費、優惠加$50加購中秋限定tote bag

🛒 網上訂購 ibakeryshop.tungwahcsd.org

#月餅 #社企 #中秋月餅

29/06/2026

【一齊試食軟餐下午茶】牛肉球、雞翼、蘿蔔糕，仲有增稠奶茶☕，統統都係CookEasy照護食！講緊嘅係iBakery金鐘餐廳同桌同食活動，早前卅多位嚟自東華三院賽馬會藝精藝博宿舍同埋東華三院莫羅瑞華綜合職業復康中心嘅學員，同埋佢地嘅屋企人，一齊嚟到iBakery金鐘餐廳試食CookEasy大受歡迎嘅軟餐下午茶😋。

呢班學員大部份都係食開正餐嘅，社工同事Cici好想安排一次全部一齊試食軟餐，希望佢哋可以預早認識照護食🥣，而且讓屋企人都有機會試到；假如日後有需要轉食照護食，都可以有個概念。我哋仲即場做咗個投票，收集返學員同屋企人嘅意見，希望持續改進提供更好嘅照護食產品同埋同桌同食體驗比大家呢💪！

#照護食 #東華三院 #社會企業 #東華三院賽馬會復康中心 #東華三院莫羅瑞華綜合職業復康中心

18/06/2026

【全院慶祝端午節】就快到端午節啦，大家食咗糭未？過節最開心就係準備節慶食物，上星期五東華三院賽馬會復康中心傳來陣陣糭葉香，原來係一班嚟自唔同單位嘅同事聚集一齊，為咗完成看似不可能嘅任務😅：喺一個上午就包裹足夠東華三院賽馬會復康中心約千名院友一齊食嘅糭。單係準備糭葉、鹹蛋黃、豬肉等材料，就花了整日時間。材料準備好，11位包糭達人齊心合力包啊包💪，結果仲超額完成！

為咗切合唔同吞嚥能力程度嘅院友，諮詢咗言語治療師同事既意見，端午糭特別用咗小米、珍珠米取代糯米，同埋調整咗小米、珍珠米同綠豆嘅比例，減少黏稠及鯁塞風險，當然唔少得加入漏油鹹蛋黃同埋五香腩肉，保持傳統節日滋味😋。最後加埋大廚房同事幫忙騰出人手空間烚糭，讓所有院友都可以一齊安心食糭慶祝端午節😍！

#照護食 #東華三院 #社會企業 #東華三院賽馬會復康中心

17/06/2026

【歎芒果腸粉軟餐😋】早前一班中銀義工去到東華社企兩生花，同一班東華三院馬鄭淑英安老院院友同埋嚟自社區嘅長者，一齊做花藝慶祝母親節。除咗花藝，更加設特別環節簡介CookEasy，我哋介紹吞嚥困難同埋家滋味照護食，參加者仲即場試食CookEasy嘅芒果腸粉軟餐🥄，除咗加芒果醬，芒果腸粉軟餐入面仲有芒果粒粒🥭軟餐，見到都覺得吸引，未試過軟餐嘅義工同埋長者都話好味呢 😋。

#照護食 #東華三院 #社會企業

05/06/2026

【衷心感謝展亮熱情接待參觀同為殘疾人士訓練努力💪🏻】 Shine Skills Centre 展亮技能發展中心一直致力提供多項職業訓練，支援學員公開就業，iBakery有唔少同事都係展亮嘅畢業生。感謝展亮上星期五的接待，半日內游走咗牛津道校舍，以及位於灣仔摩利臣山嘅社企餐廳🍽️

展亮校舍提供多種職業訓練，除咗我哋熟悉嘅餐飲、烘焙訓練，亦有創意多媒體設計、院舍護理實務等貼近就業市場嘅課程，學校亦針對同學嘅唔同能力及性格，度身訂造適合嘅課程，為日後投身職場做好準備📚

展亮團隊唔單止安排參觀各課室、大方分享日常運作嘅寶貴經驗，喺社企餐廳更毫無保留地開放廚房俾我哋觀察。正如楊舜麗處長當日提到：「社企之間並唔係競爭者，反而互相分享，可以令彼此共同進步。」能知己知彼，反思服務如何再更加到位，先能令學員得益💡

#東華三院 #社企

03/06/2026

【父母親節同桌同食】上星期一班伸手助人協會畢尚華神父護老頤養院院友同屋企人嚟到iBakery金鐘餐廳，一齊慶祝父母親節，享用碎餐🍲同埋CookEasy照護食便當🍱，包括黑松露忌廉汁三文魚碎餐、蜜桃燒汁黑毛豬碎餐🥢，同埋IDDSI等級4嘅CookEasy三文魚甘筍菜心、雞肉甘筍西蘭花便當🍱，非常豐富 😋。

我哋仲準備咗社企兩生花嘅乾花花束💐送比長者同埋屋企人，無論男女老少收到花一樣咁開心，趁好天氣臨走前影返張大合照留個念呢。

仲未計劃點慶祝父親節？iBakery金鐘餐廳除咗有照護食堂食餐牌，父親節前嘅星期六（6月20日）仲提供節日限定套餐──燒牛柳併帆立貝🐄 想同屋企人共享滋味😋就快啲預訂啦！

📍 iBakery Gallery Cafe (金鐘添馬公園添馬茶座)
📞 9875 8521 (歡迎whatsapp查詢)
👉 立即預訂 (bit.ly/4n6zK69)

#照護食 #東華三院 #社會企業

29/05/2026

【同桌同食頌親恩👨‍🦳🧑‍🦳】為咗慶祝父母親節，東華三院賽馬會復康中心視障長者院舍舉行「同桌同食頌親恩」活動，CookEasy好高興可以為60位院友同家人，預備軟餐盆菜🍲同埋一人到會餐🍱，院友們都話軟餐盆菜好味，話咁快就成盆食晒😋。當日院舍同事非常有心思，仲特別設點歌環節，邀請家人點歌，即場由院舍同事即席獻唱，希望憑歌寄意。

除咗提供美食，CookEasy仲同院友同家人介紹照護食🥣，更加準備咗CookEasy增稠奶茶☕，一齊同大家做滴漏測試，嘗試由淺入深咁講解IDDSI嘅概念💡。好開心見到院友同家人咁投入活動呢！

如果有院舍機構希望舉辦照護食照顧者主題活動，歡迎隨時聯絡我哋。

#照護食 #東華三院 #社會企業

Address

葵涌打磚坪街81-83號生興工業大廈3樓
Hong Kong

Website

https://cookeasy.tungwahcsd.org/

Alerts

Be the first to know and let us send you an email when CookEasy家滋味照護食 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CookEasy家滋味照護食:

Want your business to be the top-listed Food & Beverage Service in Hong Kong?