15/09/2025
菊月町🍣
作為養Belly日記第93日📝
坐落於觀塘工業區附近嘅一間日式餐廳，主打omakase同鐵板燒，另外仲有丼飯可以選擇，種類多元化，所以中午時間都可以嚟食架。餐廳仲可以幫你慶祝生日，服務好好。
-
今次小編爍雨嘅Omakase ，一共23品，種類繁多，性價比好高。
🍅開胃菜
以酸酸甜甜嘅龍珠仔、蕃茄仔、醋汁、配上爽口嘅馬刀貝，食欲大增😛
🥗前菜
以三味再為前菜，分別有爽口嘅雞泡魚魚皮配鱉魚軟骨 、濃味蟹膏醬豆腐同清甜波菜甘旬👍🏻
🦪北海道生蠔加海帶配酸汁啫喱，整體好平衡，唔會令味道側重一邊。
🐟深海池魚鮮甜甘香，配上自家製蕃茄干啫喱，帶啲微酸微甜，令味道提升💯
🔥象拔蚌邊以兩種手法烹調：火灸鹽燒同七味醃製。小編鐘意火灸鹽燒，令象拔蚌邊，爽口香濃。
😍今個季節喺食秋刀魚，肉質非常肥美鮮甜，更將魚骨炸到卜卜脆，連啲骨都好甜😙
🍣澳洲黑邊鮑配鮑肝汁，味道鮮香回甘，更活用鮑肝整成醬汁，令味道更加濃厚，加埋一口壽司飯一齊食。
🥪拖羅三文治
將拖羅煙燻，再火灸大拖羅，燒香油脂，以小拖羅用簡單調味，再用紫菜包住拖羅、紫蘇葉同沙甸魚乾，好有層次感，每啖都充滿油香‼️
🥘香煎帶子配上三種不同油分別有甘旬、蕃茄同菜油，好健康味道😆
🍆蔬菜天婦羅
四種當造新鮮蔬菜，包括茄子、松茸 、辣椒仔同金菇
🥩鹿兒島a5 和牛
鹿兒島A5和牛的油潤奶香遇牛尾紅酒汁，入口即化卻不膩，香濃醬汁。餐廳用魔法盒方式，揭開呢道餸，增加你嘅好奇心😌
🍋油甘魚更肥美滑嫩，配上自家製柚子汁，平衡油感。
🥢春子鯛
一種鯛魚幼魚，肉質白透明、緊實有彈性，口感鮮香彈牙，配上梅子汁，增加魚嘅甜味。
🍋🟩赤貝配青檸汁，解膩開胃。
😋金目鯛刺食，特意用熱水灼熟表皮，增加口感，突顯肉質彈性，更鮮甜。
🦐昆布醬汁醃製嘅甜蝦，甜味十足，帶點回甘。
🍚馬糞海膽魚子醬飯 ，大大啖嘅海膽配上魚子醬，夾雜鮮鮮甜甜，飯仲加左酸薑，添加唔少口感🤤
-
🧁甜品方面
🥚玉子燒味蛋糕，外型好似玉子燒，咬落去，腦海浮現出玉子燒，十分出色🤣
🍨兩塊餅夾住海鹽雪糕，好似雪糕三文治☺️
🍵抹茶蕨餅，濃濃嘅抹茶味，好啱鐘意食抹茶嘅朋友。
-
Belly指數: 🤰🏻🤰🏻🤰🏻🤰🏻
推薦指數:💯💯💯
排隊時間：👫 (Reservation✅)
人均消費：💰💰💰💰💰
-
📍 菊月町 (觀塘)
觀塘鴻圖道23號利登中心地下1號舖
#觀塘美食 #美食日記
