Camera_eats_1st

Website

Camera_eats_1st Visit my instagram profile http://www.instagram.com/camera_eats_1st

03/10/2026

［Oct 2026🇭🇰 ]

近屋企有咖啡節，趁人潮未到先落去飲杯啡☕️

Coffee Voyage 悠遊咖期 2026 集結香港及日本人氣咖啡、甜品品牌，由星街小區一路走到太古區及東薈城。可以一次過試到京都 OGAWA COFFEE、大阪 NOTEQUAL COFFEE 等，咖啡迷記得 bookmark！

📍Coffee Voyage 悠遊咖期 2026
（免費入場)星街小區：10 月 1–4 日 太古城中心及太古坊：10 月 8–11 日 東薈城名店倉：10 月 22–25 日

[July 2026🇭🇰 ]世界冠軍薄餅 Vincenzo Capuano終於試到呢間全城洗版嘅意大利薄餅店! 如果唔係喺早幾個星期前經網上訂枱嘅話，要喺店外排隊等位我真係接受唔到😆今次揀咗兩款薄餅，一紅一白，完全係兩種風格😆▫️Tett...
13/09/2026

[July 2026🇭🇰 ]

世界冠軍薄餅 Vincenzo Capuano

終於試到呢間全城洗版嘅意大利薄餅店! 如果唔係喺早幾個星期前經網上訂枱嘅話，要喺店外排隊等位我真係接受唔到😆

今次揀咗兩款薄餅，一紅一白，完全係兩種風格😆

▫️Tetti Illuminati (HKD238)
以 fior di latte 做芝士底，出爐後再鋪上有IGP 認證嘅意式肉腸、開心果醬等材料。意式肉腸嘅鹹香配開心果醬嘅堅果香，味道濃郁但幾平衡；薄薄一層芝士底帶奶香，配上鬆軟、微焦嘅餅邊，趁熱食特別好食。

▫️ Centro Calabria (HKD238)
專為鍾意卡拉布里亞 ’Nduja 辣肉腸的人而設。以 San Marzano 番茄醬做底，鋪上煙燻 provola 芝士、帶油潤辛香的 ’Nduja 辣肉腸，以及拿坡里肉腸；番茄的酸甜、芝士嘅煙燻香同埋肉腸嘅鹹辣感層層疊起，味道夠濃但唔係一味得辣。



📍Vincenzo Capuano
灣仔利東街地下G04-05號舖

[Aug 2026🇯🇵 ]大阪人氣特製つけ麺大阪西大橋人氣沾麵店 「いかれたNOODLE Fishtons」，店內空間唔大，約有 14 個座位，以吧枱位為主，另設兩張兩人枱。由於座位唔多，午餐及晚餐繁忙時段可能需要等位，建議避開呢啲時間去啦...
16/08/2026

[Aug 2026🇯🇵 ]

大阪人氣特製つけ麺

大阪西大橋人氣沾麵店 「いかれたNOODLE Fishtons」，店內空間唔大，約有 14 個座位，以吧枱位為主，另設兩張兩人枱。由於座位唔多，午餐及晚餐繁忙時段可能需要等位，建議避開呢啲時間去啦！

今次點咗「特製つけ麺」(¥1,500)，賣相已經相當吸引！粗身麵條滑溜煙韌，沾上濃厚魚介湯底後非常掛汁；味道濃郁，但唔會過鹹或過膩。

叉燒份量十足，肉質軟嫩；溏心蛋的流心度亦剛剛好。配上旁邊嘅肉味噌，令整體味道更惹味、更有層次。份量令人滿足，鍾意濃厚系沾麵嘅朋友應該會食得好開心！



📍 いかれたNOODLE Fishtons
〒550-0013 大阪府大阪市西区新町１丁目２５−18

[Jul 2026🇯🇵 ]藏在難波的關東煮小店喺難波鬧市入面，藏住一間小小おでん屋「まりあ」。全店只有大約 16 個吧枱位，空間唔算大，反而多咗份深夜食堂式嘅溫暖同親切感。坐低望住熱騰騰嘅關東煮鍋，節奏自然慢晒落嚟。呢度嘅主角當然係關東...
08/08/2026

[Jul 2026🇯🇵 ]

藏在難波的關東煮小店

喺難波鬧市入面，藏住一間小小おでん屋「まりあ」。全店只有大約 16 個吧枱位，空間唔算大，反而多咗份深夜食堂式嘅溫暖同親切感。坐低望住熱騰騰嘅關東煮鍋，節奏自然慢晒落嚟。

呢度嘅主角當然係關東煮。高湯以昆布、柴魚同香菇熬製而成，湯底清澈但層次豐富，入口清甜唔會過鹹，每款食材都吸收晒湯汁精華。最令我印象深刻嘅，其實唔止係食物，而係成間店嘅氣氛。店主對我呢位遊客非常熱情，雖然大家語言未必完全溝通到，但佢介紹嘅每一樣食物都冇令人失望。蘿蔔煮得軟腍入味，吸滿高湯；豆腐、魚蛋同其他配料亦各有特色，食得出料理嘅用心。

由難波站步行約 5 至 7 分鐘即可到達，晚市由晚上 6 點開始。我當晚連飲品埋單約 JPY2,700，以大阪市中心嚟講算幾抵食。如果想感受地道大阪人情味，又想喺旅途中搵個地方慢慢食、慢慢飲，「まりあ」絕對值得一試。



📍まりあ （Maria)
〒556-0011
大阪府大阪市浪速区難波中2丁目8番72号
浪速ビル

[Aug 2026🇯🇵 ]新大阪站平價燒肉午餐新大阪站附近搵食，意外發現呢間「大阪焼肉松屋」午餐時段由 10am至 5pm，部分餐點仲配白飯、沙律、湯。▫️元祖ハラミ焼きランチ（JPY1,280)呢個係午市 menu 入面人氣款之一，主打係...
04/08/2026

[Aug 2026🇯🇵 ]

新大阪站平價燒肉午餐

新大阪站附近搵食，意外發現呢間「大阪焼肉松屋」

午餐時段由 10am至 5pm，部分餐點仲配白飯、沙律、湯。

▫️元祖ハラミ焼きランチ（JPY1,280)
呢個係午市 menu 入面人氣款之一，主打係厚切ハラミ(Skirt Steak）＋鐵板上枱現烤，加埋白飯任添，CP 值幾高 。

上枱時啲肉喺熱鐵板度滋滋聲，可以自己掌握熟成度，好啱鍾意食半熟嫩口嘅人。肉質比預期細緻，油脂唔算重，但燒起嚟香氣十足，咬落去有彈性又唔鞋。以午市價位嚟講，呢個份量同肉質算幾抵食，喺新大阪站轉車之前食一餐，滿足感好高 。

⭐️ 「大阪焼肉 松屋」同「松屋」係冇關係㗎～唔好搞錯😆



📍大阪焼肉 松屋 新大阪店
〒532-0011 大阪府大阪市淀川区西中島５丁目１６−1
（arde! Shin-Osaka內)

[July 2026🇯🇵 ]F*K COFFEE 姐妹店今次嚟到 OSA COFFEE Minami，成間店都延續咗品牌一貫嘅機場代碼主題。 如果你有聽過 F*K COFFEE，咁你應該會對 OSA COFFEE 都唔陌生——呢間仲係品...
02/08/2026

[July 2026🇯🇵 ]

F*K COFFEE 姐妹店

今次嚟到 OSA COFFEE Minami，成間店都延續咗品牌一貫嘅機場代碼主題。

如果你有聽過 F*K COFFEE，咁你應該會對 OSA COFFEE 都唔陌生——呢間仲係品牌第 8 間店。

最吸引我嘅一定係招牌布甸，賣相好突出，甜度同口感都配合得好好，配埋一杯咖啡真係啱啱好。

▫️ Pudding (JPY550)
餐牌上仲有另外 3 款甜品。

如果你都想食 F*K COFFEE 嘅招牌布甸，但又唔想排隊，不妨試吓大阪呢間 OSA COFFEE Minami。我有問過店員，佢哋係同一款布甸嚟㗎。



📍 OSA COFFEE Minami
大阪市西区北堀江1-17-23

［July 2026🇯🇵 ]天婦羅定食專門店大阪難波呢間 寅ノすみか (Tora no Sumika)，主打現炸天婦羅定食，炸粉薄脆、熱辣辣上桌，食落唔會油膩。最驚喜係份量同性價比都好高，難怪咁多人專程嚟排隊。店舖唔大，只有約 8 至 1...
01/08/2026

［July 2026🇯🇵 ]

天婦羅定食專門店

大阪難波呢間 寅ノすみか (Tora no Sumika)，主打現炸天婦羅定食，炸粉薄脆、熱辣辣上桌，食落唔會油膩。最驚喜係份量同性價比都好高，難怪咁多人專程嚟排隊。

店舖唔大，只有約 8 至 10 個座位，整體氣氛安靜舒適。客人可以近距離欣賞師傅即場炸製天婦羅，食物會一件件送到面前，感覺幾過癮。原本擔心坐得太近油鍋會成身油煙味，但出奇地通風做得唔錯，竟然完全冇呢個問題。

▫️ 豪華海鮮定食 （JPY1,773）
7件海鮮天婦羅、白飯、味噌湯，仲有餐附小菜，整體份量偏豐富。

店內另一個賣點應該係「明太子放題」啦！明太子、白飯同味噌湯都可以任添／任食！明太子控真一定會好開心。



📍 天ぷら定食専門 寅ノすみか
〒556-0011 大阪府大阪市浪速区難波中２丁目６−1 壽ビル 1F

［Jul 2026🇭🇰 ]灣仔限時快閃扒房有啲餐廳食完會忘記，但 Marrow會令人想再訂位。以明火烹調作主軸，將熟悉的食材重新演繹，每一道菜都帶來驚喜與層次。期間限定，更加值得把握機會一試。▫️King Fish Crudo (HKD1...
19/07/2026

［Jul 2026🇭🇰 ]

灣仔限時快閃扒房

有啲餐廳食完會忘記，但 Marrow會令人想再訂位。以明火烹調作主軸，將熟悉的食材重新演繹，每一道菜都帶來驚喜與層次。期間限定，更加值得把握機會一試。

▫️King Fish Crudo (HKD128) — 配 melon salsa 同 herb oil，清爽開胃。

▫️Crispy Pork Neck Cutlet (HKD208) — 外脆內嫩，mustard seed 添咗少少酸香，同濃郁嘅 charcutière sauce 好夾。

▫️6oz Australian Wagyu Bavette (HKD248) — 明火直燒，肉香十足。

▫️Croissant “Pain Perdue” (HKD88)
甜品總共有三款，呢款以牛角包做 base，煎到脆口，配提子乾同雲呢拿雪糕，熱西多士配冷雪糕嗰個溫差係亮點，甜度輕巧唔死甜，食完重口味燒烤之後用呢件收尾啱晒。

Marrow 喺 7 月 1 日至 8 月 31 日期間進駐利東街「The Baker & The Bottleman」。樓上餐廳只供應晚餐，想去嘅話要盡快訂座呀！

[Jun 2026🇭🇰 ] 火鍋迷 Must Try原本已經好出名嘅「珍姐海鮮火鍋飯店」，而家搬入中環太子大廈地庫，日頭有碟頭飯，朝早（只限星期一至五) 仲有懷舊價港式早餐，夜晚再變身為火鍋場，真係一日三餐都可以喺度搞掂😆▫️特級封門柳 ...
12/07/2026

[Jun 2026🇭🇰 ]

火鍋迷 Must Try

原本已經好出名嘅「珍姐海鮮火鍋飯店」，而家搬入中環太子大廈地庫，日頭有碟頭飯，朝早（只限星期一至五) 仲有懷舊價港式早餐，夜晚再變身為火鍋場，真係一日三餐都可以喺度搞掂😆

▫️特級封門柳 (中) (HKD328)
牛肉上枱時，店員會細心講解最佳灼煮時間，令整個用餐體驗更加加分。牛肉牛味濃厚、油香突出，肉質帶點咬口又不失嫩滑，愈食愈有牛肉香，牛迷絕對唔可以錯過。

▫️海鮮拼盤(HKD258/位）
海鮮拼盤以人頭計費，屬於「時價」項目。我哋當日收費為每位 HKD258，包括聖子王、帶子、琵琶蝦同大蜆。海鮮整體都相當新鮮，落鍋輕灼後依然保持爽彈口感，鮮味突出，食材質素唔錯。

▫️陳皮魚蛋 (HKD58)
▫️潮州黄牛丸 (HKD88)
▫️炸魚皮餃 (HKD78)
▫️即炸魚皮 (HKD78)

整體食材新鮮，牛肉同海鮮表現最突出，再加上店員會主動介紹食材同灼煮時間，服務加分。難怪搬舖後依然咁多人捧場。

⭐️醬料費每位HKD30



📍 珍姐海鮮火鍋飯店
中環遮打道10號太子大廈地庫

Address

上環太平山街6A
Sheung Wan

Website

Alerts

Be the first to know and let us send you an email when Camera_eats_1st posts news and promotions. Your email address will not be used for any other purpose, and you can unsubscribe at any time.

Shortcuts

Share