https://www.facebook.com/108774500766449/

Meibaoar 未飽啊, Tsuen Wan (2026)

19/04/2026

傳統粵菜滋味🥢灣仔必試脆皮乳豬＋燒味點心
今次去利景酒家真係有驚喜！🤩 雖然係老牌酒家，但食物質素保持得超高水準。尤其係燒味同點心，每款都食得出師傅嘅誠意，大件夾抵食，完全無令我失望呀！😋✨
燒味我哋今次叫左脆皮燒乳豬、梅頭叉燒同埋燒鵝皇🥓🦆
最驚喜係燒鵝皇 🦆🔥 鵝香非常濃郁，肉質鮮嫩，最緊要係完全唔會太肥膩，食多幾件都無負擔！脆皮燒乳豬🐷✨ 亦都係亮點，皮脆到「索索聲」，皮下脂肪比例啱啱好，入口即化！梅頭叉燒厚切得嚟帶點焦香同蜜汁甜味，每一口都好滿足 🍯🥩
炒粉麵就叫咗一碟豉椒龍躉頭腩炒河，龍躉腩片大大嚿，河粉勁大碟，食到要打包
點心方面就更加抵玩，真心有水準！性價比極高，絕對係「大件夾抵食」之選 🥟💰
🦐 利景鮮蝦餃皇：皮薄透光，蝦肉大隻又爽彈，口感一流。
🦀 蟹籽燒賣皇：粒粒都好厚實，咬落去好Juicy。
🥣 原隻鮑魚灌湯餃：🌟 必叫！湯底鮮甜到不得了，真係有一隻鮑魚喺入面，灌湯餃吸收咗湯嘅精華，層次感爆棚 🤤🩷
仲有金沙海中蝦同煎釀虎皮尖椒 🦐🌶️ 海蝦炸到金黃脆口，鹹蛋黃香氣直撲鼻腔；尖椒釀肉煎得香口，惹味得嚟又唔會太辣，送茶一流！
利景酒家
📍 灣仔史釗域道1號D
🤤 未飽啊指數：7.5/10
👍🏻 性價比：7.5/10
#利景酒家 #灣仔美食 #香港美食 #燒味 #點心

07/04/2026

法式小酒館$238牛扒+任食薯條意粉🍷🥩
今次去 ODELICE 真係有驚喜，套餐本身已經包咗餐湯/沙律，主菜牛扒同配菜，最吸引係6款配菜薯條意粉可以任食任 fill 🍟🍝
Menu 入面牛扒選擇都幾豐富，由澳洲牛胸腩扒、阿根廷安格斯肉眼牛扒、澳洲黑安格斯牛脊肉，到牛扒三重奏都有得揀，想食平靚正定係想食豐富啲都照顧到 🥩✨
配菜方面就更加抵玩，因為可以無限添加！
menu 見到有薯條、意粉、黑松露薯條等選擇，仲有幾款加$18升級嘅意粉 option，例如卡邦尼意粉、蕃茄辣肉醬長通粉、松露野菌醬意粉等 🍝🤤 一定要加啊，每款意粉都好好味，一個價錢可以試晒咁多種🩷🩷除咗主角牛扒夠晒吸引，連 side dish 都可以食到好滿足，完全唔怕唔夠飽🥰
我自己最鍾意佢嘅位係，牛扒煎得靚，肉質嫩滑有牛味，薯條又脆又熱辣辣，意粉都唔係hea做，成餐飯真係有誠意又有質感。加上餐廳氣氛舒服，帶少少法式 casual dining feel，坐低慢慢食、慢慢傾都好啱 vibe ✨🍷
如果你都係牛扒控，又想搵一間性價比高、食得飽又食得開心嘅餐廳，呢間真係可以bookmark ！
Odelice! (海之戀商場) (荃灣)
荃灣大河道100號海之戀商場1樓1002號舖
🤤未飽啊指數：8.5/10
👍🏻性價比：8.5/10
#法國菜 #法國餐廳 #西餐

06/03/2026

同朋友喺葵芳搵食，見到葵芳匯呢間「8鍋臭臭鍋」。一人一鍋，仲有二人餐。好有台灣feel木枱木凳，大大張，坐得都幾舒服。
🍲「二人套餐」（$258）
🍜 招牌臭臭鍋，個湯底係有陣特別嘅香味，中意食臭豆腐既都會好中意！但唔會太「攻鼻」，幾易入口㗎。入面料都多，有豆腐、豬肉碎、菜，煮耐啲仲好味。
🌶️ 臺式麻辣鍋，叫咗小辣，辣得嚟幾香，唔會話嗆喉嚨，啱晒我哋呢啲唔食得大辣但又想過下口癮嘅人。入面仲有豬血糕，甜不辣，同半個麵！
🥩 套餐跟嘅肉，我地叫左肥牛同雞脾肉。肥牛唔錯，有油花，淥兩淥就食得。雞脾肉就實淨啲，唔會一煮就散。
🍚 仲有粉絲同白飯，白飯正常，但啲粉絲索晒個湯汁之後真係好好食。
🍗 士林鹽酥雞（+$8）甜不辣（$32）
🔥 即炸起好正！鹽酥雞外面脆，入面仲有肉汁。甜不辣就煙煙韌韌，好有台灣夜市味道！
🥤 烏龍茶多多綠（+10）
🍵 烏龍茶解膩，多多綠就酸酸甜甜，飲完好爽，打邊爐同食炸嘢都好夾。
👭 呢個二人餐份量好夠，兩個女仔食可唔曬。一次過可以試到佢哋個招牌臭臭鍋，仲有埋鹽酥雞呢啲台灣小食，唔使心大心細。個鍋底味道都幾正宗，係喼香港想食台式小火鍋一個唔錯嘅選擇。直程好似去左台灣咁！
8鍋臭臭鍋 (葵芳)
地址: 香港葵芳興芳路208號葵芳匯2樓201號舖
🤤未飽啊指數：8.5/10
👍🏻性價比：8.5/10

31/01/2026

【佐敦50年人氣老字號｜7年米芝蓮推薦！趙南菜巨無霸份量，人情味滿分】

喺佐敦想食正宗越南菜，識食一定係去呢間屹立半世紀嘅「老趙越南餐廳」！唔單止連續7年獲米芝蓮推薦，價錢仲非常親民，份量十足，店員叔叔阿姨嘅人情味，更加係無價寶。絕對係想食得飽足、感受老字號溫暖嘅必到之選！
咖喱牛腩煲跟法包 ($158)
一上枱就聞到濃郁嘅椰香咖喱味，牛腩牛筋炆得超級軟淋入味，份量多到驚人。個咖喱汁香濃微辣，點法包係靈魂食法，外脆內軟，索盡精華，食到最後一滴汁都唔想放過！
老趙牛肉粉 ($88)
作為越南菜代表，呢碗Pho絕對交足功課。湯頭清甜，好香蘿蔔味，充滿牛骨香，一飲就知係用心熬製。河粉好滑，生牛肉片嫩滑，係一碗非常地道、令人滿足嘅牛肉粉。而且入邊仲有牛肉牛丸牛肋條！
炸蝦餅 ($78)
同坊間嘅版本完全唔同！最大特色係「無落炸粉」，真材實料用蝦肉打成，食到啖啖蝦肉嘅鮮甜同彈牙口感，外層炸得香脆。
馬拉盞炒時菜 ($68)
我哋叫咗通菜，鑊氣十足！馬拉盞鹹香惹味，而且佢嘅通菜好嫩，又唔會過鹹。
椰子水 ($36)
雖然係杯裝上，唔係原個椰青，但味道同原個椰青完全無分別，非常清甜！店家更非常貼心，已經將椰肉刮好放入杯內，可以一邊飲清甜椰青水，一邊食啖啖軟嫩椰肉，解渴又滿足，誠意加分！
鍾意食越南菜嘅一定要嚟試吓，好味又大份，價錢又親民！
🤤未飽啊指數：8.5/10
👍🏻性價比：8.5/10
老趙越南餐廳 (佐敦)
地址: 香港佐敦文苑街25-27號地舖
#老趙越南餐廳＃佐敦美食＃香港美食＃米芝蓮

13/01/2026

【太子抵食串燒｜$98套餐狂掃33串！生啤任斟超爽夜！】
喺太子覓食，發現呢間串燒店「啤酒溝燒烤」嘅優惠真係好抵！$98套餐足足有33串食物，仲包埋小食，最啱一班朋友收工過嚟，啤一啤、食串燒，傾足一晚！
🍢 $98招牌套餐（性價比爆炸！）
一上枱就震撼，成個串燒山咁！套餐包：

小食二選一：清爽拍青瓜 / 香口花生
串燒狂歡（共33串）：魷魚鬚、黑毛五花腩、雞軟骨、燒雞腎、雞腿肉串、四季豆、娃娃菜

· 黑毛五花腩：肥瘦均勻，燒到邊位微脆，油脂甘香！
· 雞軟骨 & 雞腎：燒得爽脆入味，係無得輸嘅送酒神器。
· 雞腿肉串：肉質保持嫩滑，絕對唔乾柴。
$98有齊咁多款，平均$3一串，真心抵到爛，食肉獸大滿足！
燒雞泡魚乾 ($38)
燒得香甜有嚼勁，點沙律醬食，係經典完美嘅下酒菜！
惹味蒜蓉茄子 ($28)
蒜蓉爆多，鋪滿成條茄子，香氣撲鼻。
錫紙燒蒜蓉金針菇 ($38)：用錫紙鎖住汁同蒜香，熱辣辣，食落好惹味。
1664生啤 ($58)
食串燒點可以冇啤酒？呢度嘅生啤夠凍，口感清爽，同濃味串燒係絕配，真係「啤酒溝燒烤」，名不虛傳！
仲要即叫即燒！如果想搵個地方同朋友盡情食肉、暢快飲酒，又唔想洗大錢，就黎呢度啦。$98套餐已經可以餵飽2-3人，再點埋特色小食同杯凍啤，人均都係百零蚊，就可以有個痛快嘅晚上！適合三五知己宵夜、啤酒愛好者、追求高性價比、鍾意熱鬧氣氛。
🤤未飽啊指數：8.5/10
👍🏻性價比：8.5/10
啤酒溝燒烤 (太子)
地址: 香港太子大南街27-31號富威閣地下3-4號舖

29/12/2025

大滾友火鍋｜花膠雞湯＋火焰甜品，好啱打卡又啱食 🐔🔥🍮
今次去荃灣大滾友火鍋食lunch，主打三黃雞花膠雞湯火鍋，同枱叫咗牛肉拼盤、鮮蠔、響鈴卷同多款配菜，份量對兩個人嚟講相當足🤭🤭
花膠雞湯一上枱已經好香，湯色金黃，入面有大塊花膠同雞件，膠質好重，飲落好濃雞味又帶少少油香，但唔會笠，愈滾愈香，喺度飲幾碗都停唔到口。🐔🍲 牛肉拼盤上枱有乾冰效果，賣相好靚，肉切得厚薄適中，油花平均，涮十幾秒就好嫩滑，幾啱鍾意食牛嘅人。🥩❄️
海鮮方面點咗鮮蠔，上枱用碎冰墊底，蠔身肥美無腥味，喺熱湯度輕輕灼熟就好滑，同花膠雞湯都幾夾。🦪 響鈴卷炸得好乾身，放湯度浸一浸仲保持到少少脆度，吸晒湯之後好入味，幾邪惡但好好食。😆 其他配菜如冬瓜、蓮藕、丸類都處理得幾乾淨，感覺食材準備幾用心。🥬
醬料係以木格上枱，蒜蓉、蔥花、芫茜、辣椒、芝麻等一應俱全，碗碗都擺到好工整，自己調醬都有儀式感。🧄🌶️ 食到差唔多尾聲，店家會送上招牌火焰焦糖豆腐花，面層即場點火燒一燒再灑糖，睇住火焰效果都幾有氣氛，食落豆腐花滑溜、甜度適中，作為收尾幾舒服。🔥🍮
整體嚟講，大滾友火鍋走高質路線，花膠雞湯同牛肉水準對得住價錢，加上環境偏有氣氛、服務都幾細心，幾適合同另一半或者朋友想食好少少火鍋時揀呢間。
大滾友火鍋 (紅棉大廈) (荃灣)
荃灣青山公路 - 荃灣段125-133號紅棉大廈地下A&B號舖
🤤 未飽啊指數：8/10
👍🏻 性價比：8/10yl.tw.tp
#大滾友 #荃灣 #荃灣美食 #火鍋 #生啤打邊爐手切牛肉花膠雞湯鍋卜卜蜆火鍋

20/12/2025

蕃茄烤魚任食火鍋$198 🐟🍅🔥
又同朋友去荃灣大滿足食放題，揀咗蕃茄烤魚鍋底加任食火鍋，每位$198連任飲，呢個價錢食到咁多款，真心幾抵😋 烤魚上枱好搶眼，成條魚浸喺紅噹噹蕃茄湯入面，面頭鋪滿蕃茄、洋蔥、芽菜同蔥花，魚肉嫩滑帶少少脆皮，蕃茄湯酸酸甜甜又帶少少辣，飲落唔油膩，之後加湯變火鍋都一樣好飲🍲🐟
自助區配料選擇多，牛肉片、豬肉、海鮮、蔬菜、丸餃類全部自己夾，夾到盤都滿滿一碟好滿足🥩🦐🥬 醬料枱有蒜蓉、蔥花、芫茜、辣椒同雞蛋，可以調自己鍾意嘅蛋醬，點肉食幾香口🧄🥚 飲品雪櫃有汽水、啤酒同茶飲任飲，全部都冰冰凍凍，食到出汗飲一啖真係好爽!!🍺🥤
以呢個價錢有烤魚鍋底＋任食配料＋任飲，性價比好高，幾啱放工或者週末約班friend慢慢傾計食到飽嗰種
🤤 未飽啊指數：8/10
👍🏻 餐廳性價比：9/10
大滿足火鍋冰室 (荃灣)
荃灣大陂坊9-31號泰華大廈地下6-7號舖

25/11/2025

荃灣必試椰香甜品！🥥🥭😋
入到荃灣愉景新城嗰間「茶大椰」，成間舖好清新，裝修簡約，坐得舒服，幾啱大家行完街坐低歎返杯嘢 🍃
榴槤貓山王椰子凍 $60 🥥👑
最搶眼一定係成個椰皇盛載榴槤果蓉，嗅落去已經聞到陣陣榴槤香，果肉厚身，味道夠晒濃郁。底層椰子凍冰涼煙韌，啖啖食到椰香，味道唔會太膩，兩層襯得幾好。如果係榴槤迷，一定要試吓！
木瓜鮮椰乳 $40 🥭🥥
飲落有明顯果肉，木瓜同椰奶融合得幾自然，甜度適中唔怕膩，感覺幾清新，顏色又搶眼，影相都突出。飯後來一杯，啱晒解膩
椰水啫喱 $35 🧊🥥
椰水加啫喱，啫喱好爽口，入口冰涼，清甜味重，飲落特別舒服。天氣熱嚟飲就啱晒。。
🤤未飽啊指數：7/10
👍🏻餐廳性價比：7.5/10
#茶大椰 #新鮮椰子水 #山茶花椰子茶

09/11/2025

榴槤愛好者必試！🍕
專程為左招牌的貓山王榴槤披薩而黎！果然名不虛傳，一入到舖頭就聞到陣陣榴槤香，已經開始期待～ .hk
🍕 真果肉貓山王榴槤披薩 $288
一上到枱面，超級香！餅底薄脆帶點嚼勁，上面滿滿金黃色的貓山王果肉，仲有滿滿的芝士。真材實料，每一淡都可以拉絲，同有綿密的榴槤肉，味道香甜濃厚，層次感十足。平時都係食開咸pizza 第一次食甜pizza ，估唔到係咁夾，好似又係主食又係甜品咁！好好味，又唔會好膩！如果你係榴槤控，絕對是必叫之選！
🍗 法式現烤三黃雞（半隻）$108
外皮金黃酥脆，肉質非常嫩滑多汁！調味岩岩好，不會太鹹，帶點香草和蒜香的風味。半隻份量兩個人分享剛好，值得一試！
🍟 肉醬芝士薯條 $59
邪惡之選！粗身薯條炸得香脆，上面淋滿了濃郁的肉醬和溶化的芝士，每一條都沾滿醬汁，口感豐富。
🥑 開心果牛油果奶昔 $69
有驚喜！牛油果的滑順加上開心果的堅果香，口感濃稠但唔會膩，甜度適中。到真材實料，感覺好健康。
🍹 百香果C $39
清爽解膩之選！百香果的酸甜非常突出，冰涼清新，正好平衡了榴槤和肉醬的濃郁感。吃完披薩來一口，瞬間refresh～
整體黎講，真材實料，味道對得起價錢。環境舒適，服務都唔錯，適合約會或朋友聚餐。
🤤未飽啊指數：8/10
👍🏻餐廳性價比：7.5/10
馬鞍山鞍祿街18號MOSTown新港城中心(4期)2樓2129號舖
#香港美食 #樂凱撒 #馬鞍山 #薄餅 #烤雞 #牛油果

01/10/2025

【勁抵食火鍋放題🍲】$288任食M7和牛＋手搖+甜品無限任點！😍
同班friend搵食諗唔到食咩，最後就去咗「別忘了」打邊爐～晚市$288兩個鐘任食澳洲M7和牛，最正係手搖茶同甜品都係無限任點，今次真係飽到上心口🤰！
✨驚喜位係台式小食可以逐件嗌🉐！每樣試少少唔怕滯～我哋試勻咗： ▫️鹽酥雞炸得金黃香脆🍗 ▫️台灣腸甜滋滋好惹味🌭 ▫️鴨血滑溜溜一啲都唔腥🩸 ▫️醉雞酒香入味🍶 ▫️醃蘿蔔清爽解膩🥒 細細件擺到成枱都係，打卡一流📸
湯底我哋叫咗戀戀蕃茄鍋同酒香麻油雞雙拼，可以咁講佢個蕃茄湯底係食過最正嘅湯底，用咗大量先蕃茄，加埋微辣，極鮮甜，勁推介
估唔到二百幾蚊餐就可以有M7牛胸腹同大米龍🥩，油脂花紋靚到暈✨，淥五秒就食得，入口即化🤤其他肉類都好有水準，豚梅肉爽口，羊肉卷無騷味，可以安心encore👏
甜品控必試！🍧Movenpick雪糕每人一盒🍨，仲有即叫即製窩夫、芋圓、仙草凍，熱辣辣芋圓煙煙韌韌，配冰涼仙草超正❄️🔥
手搖茶即叫即沖🧋，打邊爐飲住四季春同檸檬綠茶超爽🍋～
🤤未飽啊指數：8.5/10
👍🏻餐廳性價比：8.5/10
別忘了 (荃灣)
荃灣眾安街68號荃灣千色匯I 2樓2032號舖
#別忘了 #樹窿 #不一樣嘅餐廳 #不一樣嘅火鍋店 #台式火鍋 #太和 #荃灣 #天水圍 #許願鳥 #別忘鳥 #香港美食

24/09/2025

AEON超市隱藏日式丼飯🍱
行開荃灣AEON超市掃貨🛒，順便試吓超市裡面嘅日式丼飯店「Donbini」～價錢都算親民，今次試咗幾款招牌菜
🐉 原條鰻魚蛋包飯 ($127)
一上枱，鰻魚係原條上，長度適中，鋪喺蛋包飯上面都幾吸引📸！鰻魚醬汁香甜，肉質尚算軟嫩，蛋包飯嘅蛋都好滑溜，整體味道唔錯～
🍗 唐揚炸雞丼 ($48)
炸雞有五大粒，份量合理！外皮炸得香脆，肉質都算juicy🐔，以呢個價錢來講合格有餘～撈埋丼飯汁好快清碗！
🍟 小食三寶
三拼薯餅 ($27)：包括紫薯、南瓜同番薯口味🍠，一次過試勻三款，味道自然香甜，炸得脆口不膩
北海道芝士薯波 ($28)：熱辣辣，小朋友應該好鍾意食，如果可以多啲芝士就好啦，味道好香
總括來講，呢度價錢合理，味道不過不失，係超市區內一個方便快捷嘅選擇～
🤤 未飽啊指數： 7/10
👍🏻 餐廳性價比： 7.5/10
Donbini
地址：荃灣大河道88號灣景廣場購物中心地下AEON超級巿場19號舖
#蛋包飯 #日本美食 #荃灣美食 #鰻魚 #丼飯 #香港美食

15/09/2025

荃灣雞煲任加雞啊🩷🍲

今日嚟到荃灣一間人氣爆棚嘅雞煲火鍋店，環境輕鬆又熱鬧，真係好適合同朋友一齊聚餐！一入到去就聞到濃郁嘅香味，令人食指大動！
🍲 招牌雞煲
呢個雞煲真係必試！最特別嘅係，雞肉係任加嘅，無論你想要幾多都可以，真係十分抵食！雞肉鮮嫩多汁，煮得剛好，搭配特製嘅香辣醬汁，味道濃郁，令人一口接一口。鍋底嘅湯汁吸收咗所有食材嘅精華，真係好好味！
🥩 特色配料
今次我哋仲試咗好多特色配料，包括鯇魚腩、豬潤、肩胛肥牛片、雞子、竹升麵同埋鵝腸等。每一樣都好有口感，特別係鯇魚腩，肉質滑嫩，真係好好味！而竹升麵吸收咗湯底嘅精華，食落去特別過癮！😋
🥯 炸饅頭
第一次見食雞煲係有炸饅頭！新鮮即炸，熱辣辣配埋煉奶，極邪惡，亦都試過搭配火鍋湯底食，真係好好味！每一口都令人驚喜，估唔到特別適合用來沾湯，絕對係火鍋嘅完美伴侶！

🥤 飲品：任飲茶餐廳飲品
呢度嘅飲品選擇真係多到令人驚喜，凍檸水、凍檸茶、柚子茶、豆漿同汽水等都係任飲，真係好抵！✨

🤤 未飽啊指數：7.5/10
👍🏻 餐廳性價比：8/10
至尊雲吞麵雞煲 (荃灣)
地址: 香港荃灣鱟地坊48–68祐建樓地下A號舖
#荃灣美食 #火鍋 #雞煲 #美食分享 #香港美食

Meibaoar 未飽啊