CDEJ Ha0267 Palma

18/05/2026

🇭🇹✨ Vizit Ekplorasyon nan STARFISH, Grande Plaine ✨🇭🇹

Nan kad selebrasyon Fèt Drapo ayisyen an, nou te gen gwo plezi òganize yon vizit ekplorasyon espesyal nan espas STARFISH ki nan Grande Plaine. Aktivite sa a te rasanble plizyè timoun ki gen laj 3 rive 14 an, nan yon anbyans kè kontan, aprantisaj, ak fyète nasyonal 🎉🇭🇹.

Sa ki te fè jounen an plis espesyal se fason nou te kòmanse avanti sa:
🚶‍♂️ Nou te sòti a pye depi espas CDEJ Ha0267 Palma la pou rive Grande Plaine, yon bèl eksperyans kote timoun yo te santi yo tankou vrè eksplore pandan yo t ap dekouvri chemen an ansanm.

Lè nou rive, aktivite yo te vrèman rich ak varye:
📚 Nou te pataje ak timoun yo istwa drapo ayisyen an, orijin li, ak sakrifis zansèt nou yo.
🧠 Nou te ede yo konprann siyifikasyon koulè ble ak wouj yo, kòm senbòl inite ak fòs pèp ayisyen an.
❤️ Nou te ankouraje yo devlope lanmou pou peyi yo ak respè pou valè nasyonal yo.

Men se pa sèlman teyori ki te genyen 👇
🎯 Te gen anpil jwèt ak aktivite lwazi tankou:
- Sote kòd 🪢
- Tir ak kòd (tirakòd) 💪
- Lòt ti aktivite ki te fè yo ri, jwe, epi kolabore ansanm

🌿 Timoun yo te gen tou chans fè yon vizit nan jaden STARFISH la, kote yo te obsève ak dekouvri diferan sa ki plante ak sa k ap fèt nan espas la. Se te yon moman bèl dekouvèt ki ankouraje kiryozite yo ak enterè pou lanati.

Jounen an te make pa:
✨ Anpil souri
✨ Bon patisipasyon
✨ Enèji pozitif ak lespri fratènite

Nou vrèman fyè dèske nou te kapab kreye yon espas konsa kote timoun yo aprann pandan y ap pran plezi, epi kote yo kòmanse bati yon konsyans sitwayen ki solid pou demen 🇭🇹

💙 Mèsi ak timoun yo pou disiplin yo, kè kontan yo ak bèl patisipasyon yo, mesi ak chak paran kite dakò bay posibilite ak timoun yo fè bèl eksperyans sa ak nou.

Ann kontinye plante nan kè timoun yo lanmou pou Ayiti, paske se yo ki lavni peyi a 🇭🇹

Drapo nou se fyète nou — ann kenbe li byen wo! 🇭🇹


Clusters Haut et Bas La Gonâve
Compassion International
Mcgarry Rousseau

01/05/2026

🌱🌳 Jounen Travay ak Lagrikilti nan CDEJ HA0267 🌳🌱
Nan kad jounen espesyal travay ak lagrikilti sa a, nou te pataje divès pye bwa fwi ak plant itil ak timoun ak jèn yo nan CDEJ HA0267.
🌿 Plant nou te pataje yo gen ladan yo :
•🥑 Zaboka
•🥭 Mango
•🌰 Zanmann
•🥥 Kokoye
•🌱 Ak lòt pye bwa ankò
Aktivite sa a vize ankouraje timoun ak jèn yo renmen ak respekte lanati, konprann enpòtans lagrikilti, epi patisipe aktivman nan pwoteksyon anviwònman an.
🌍 Plante pye bwa se plante lavi, avni ak espwa.
🙌🏽 Mèsi ak tout moun ki mete men ansanm pou reyisit jounen sa a.

24/04/2026

📚✨ Jounen Mondyal Liv ak Dwa Dotè ✨📚
📅 23 avril
Nan kad selebrasyon Jounen Mondyal Liv ak Dwa Dotè, Sant Dokimantasyon CDEJ – HA0267 te òganize yon bèl aktivite lekti ak timoun ki fè pati CDEJ HA0267 la ak nan Lekòl Legliz Wesleyen d’Haïti de Palma.
Timoun yo, te soti nan klas 3e a 6e ane, te pran anpil plezi ap li liv, dekouvri nouvo istwa, epi ranfòse lanmou yo pou lekti 📖💙. Aktivite a te yon moman edikatif ak amizan ki mete aksan sou enpòtans liv, konesans, ak respè pou dwa dotè.
📘📗 Nan CDEJ – HA0267, nou kontinye kwè ke lekti se yon zouti kle pou fòmasyon timoun yo ak devlopman lavni yo.
🙏🏾 Mèsi ak tout elèv yo, pwofesè yo, ak responsab ki te soutni inisyativ sa a.
📖✨ Ankouraje lekti jodi a, se bati lavni demen!

22/04/2026

🎉 CDEJ – HA0267 prezante🎉
🔥 2e EDIZYON FWA ZÈV ATIZANAL AK LAMANJAY🔥

📌 Tèm :“Pwodwi lokal se richès kominote a”

Vini dekouvri talan, kilti ak richès kominote nou an nan yon jounen plen animasyon, pataj ak plezi !
🌾🍲 Atizana, manje lokal, mizik, dans ak espò ap la pou fè jounen an espesyal.

✅ Aktivite yo :
• Konferans deba
• Dans ak animasyon
• Slam
• Jwèt tradisyonèl
• Match foutbòl

🍽️ Nan meni an :
• Diri ak lalo
• Tontonm
• Mousa
• Kasav
• Pistach griye
• Mayou bouyi
• Griyo
• Fresko

📅 Vandredi nan mwa Me 2026
⏰ 9h AM
📍 Eglise Wesleyenne d’Haïti de Palma
📌 Clusters Haut et Bas La Gonâve

👉 Vini sipòte pwodiksyon lokal yo, ankouraje jèn yo epi fete kilti pa nou 💙
📣 Envite zanmi w, fanmi w, epi pataje mesaj la !

💪🏾🇭🇹

25/03/2026

25/03/2026

✨🎶 Premye Sòti Choral CDEJHA0267 🎶✨
Dimanch 22 mas ki sot pase a, nou te gen privilèj viv yon moman espirityèl ekstraòdinè ak premye sòti Choral CDEJ Ha0267 Palma. Se te yon eksperyans ki te ranpli ak louwanj, adorasyon ak distraksyon.
Nou remèsye tout moun ki te prezan, pou sipò ak patisipasyon yo.
Nou vle remesye tout atis ak group ki te prezan.
Se sèlman kòmansman yon bèl vwayaj nan misik pou CHORAL CDEJ Ha0267 Palma, nou deja ap prepare pou dezyem soti a.

Clusters Haut et Bas La Gonâve
Cdej Fond-Plaisir
Compassion International
Mcgarry Rousseau

16/03/2026

02e Édition – Retraite Espirituelle des CDEJ HA0260 Centre de développement d'enfants et de jeunes de l'église wesleyenne de fontina ; CDEJ Ha0264 Maléguy ; Projet Ha Nan Mango Projet Palma Cdej Fond-Plaisir HA0602 Clusters Haut et Bas La Gonâve ✨

📖 THEME: UNE VIE NOUVELLE PAR LA RESURRECTION DU CHRIST
Romain 6 : 4

Nan kontinite vizyon travay ak fòmasyon espirityèl jèn yo, CDEJ des Clusters Haut et Bas La Gonâve òganize 2e Edisyon Retrèt Espirityèl li, yon espas refleksyon, pataj ak ranfòsman lafwa ant jèn ki sòti nan plizyè CDEJ.

Retrèt sa a se yon moman echanj fraternel, kote jèn yo ap gen opòtinite:
– reflechi sou lavi espirityèl yo,
– pataje eksperyans yo nan mache ak Kris la,
– ranfòse relasyon yo youn ak lòt,
– epi grandi ansanm nan konesans ak angajman kretyen.

🗓 27 pou rive 31 Mas 2026
📍 Legliz Wesleyèn d Ayiti – Fontina
(CDEJ HA0260)

📌 Aktivite ki pral anime retrèt la :
▪ Konkou biblik (pou ankouraje etid Pawòl Bondye)
▪ Konkou chan (pou valorize adorasyon ak talan jèn yo)
▪ Moman adorasyon
▪ Konferans tematik
▪ Moman evanjelizasyon
▪ Jwèt divès (pou ranfòse inite ak kòlaborasyon)

🤝 Retrèt la ap rasanble jèn ki sòti nan plizyè CDEJ sa yo :
HA0602, HA0260, HA0264, HA0267, HA0266, HA0853, nan yon lespri inifye, disiplin, respè ak lanmou fraternel.

Objektif prensipal retrèt sa a se pèmèt jèn yo viv yon eksperyans espirityèl ki solid, kote rezirèksyon Kris la vin tounen baz pou yon lavi renouvle, responsab ak angaje nan Legliz la ak nan sosyete a.

🙏🏽 Se yon tan apa, prepare ak anpil atansyon, pou bati jèn ki kanpe fèm nan lafwa yo.

13/03/2026

🎶✨ CONCERT SPIRITUEL – PREMIÈRE SORTIE CHORALE HA0267 ✨🎶

Chorale CDEJ HA0267 gen plezi envite nou nan premye gwo sòti ofisyèl li, yon moman adorasyon, lwanj ak benediksyon🙏🏽🔥

📅 Dat : Dimanch 22 Mas 2026
⏰ Lè : 2:00 PM
📍 Kote : Église Wesleyenne Palma – CDEJ HA0267
🎟 Ticket : 150 HTG

🎤 Avèk patisipasyon espesyal :
• Bidjon Noel
• Christelhandie Norbrun
• Bedsaida Durogene
• Lovensky Joseph
• Black Eli G
• FIRE WAVE WORSHIP

🎙 Animatè : Lukencia Amazord

👉 Vin viv yon eksperyans espirityèl ekstraòdinè, kote mizik ak lafwa pral fè yon sèl!
Pa rate randevou sa a!

📢 Pataje, envite zanmi w, epi vini adore ak nou ak kè ouvè ❤️