Nice kitchen

Website Contact the business

Nice kitchen A Delicious Recipes �� For Easy And Healthy Preparation Of Food. Please Watch My Channel Nice Kitchen �.

21/10/2026

Good Night Friends 🥰

😔😔പലരും ഡിവോഴ്‌സ് എളുപ്പമാണെന്ന് പറഞ്ഞ് കേട്ടിട്ടുണ്ട്. പക്ഷേ എന്നെ സംബന്ധിച്ച് അങ്ങനെയായിരുന്നില്ല. ഞാന്‍ പൊരുതി വിജയിച...
21/10/2026

😔😔പലരും ഡിവോഴ്‌സ് എളുപ്പമാണെന്ന് പറഞ്ഞ് കേട്ടിട്ടുണ്ട്. പക്ഷേ എന്നെ സംബന്ധിച്ച് അങ്ങനെയായിരുന്നില്ല. ഞാന്‍ പൊരുതി വിജയിച്ചതാണ്. പിന്നാലെ കാന്‍സര്‍, ബയോപ്‌സി വേണമെന്ന് പറഞ്ഞപ്പോള്‍ മരവിച്ചുപോയി'.😔😔

ജീവിതത്തില്‍ നേരിടേണ്ടി വന്ന പ്രതിസന്ധിയെ കുറിച്ച് തുറന്ന് സംസാരിച്ച് നടിയും അവതാരകയുമായ ജുവല്‍ മേരി. 2024-ല്‍ വിവാഹമോചിതയായെന്നും തനിക്ക് കാന്‍സര്‍ ബാധിച്ചിരുന്നുവെന്നും ജുവല്‍ മേരി പറയുന്നു. ധന്യ വര്‍മയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു അവര്‍.

'ഒറ്റ വാക്കില്‍ പറയാം. ഞാന്‍ വിവാഹിതയായിരുന്നു. പിന്നീട് വിവാഹമോചിതയായി. 2021 മുതല്‍ വേര്‍പിരിഞ്ഞാണ് കഴിയുന്നത്. കഴിഞ്ഞ വര്‍ഷം വിവാഹമോചനം ലഭിച്ചു. ഒരുപാട് പോരാടിയാണ് അതിലേക്കെത്തിയത്. പലരും ഡിവോഴ്‌സ് എളുപ്പമാണെന്ന് പറഞ്ഞ് കേട്ടിട്ടുണ്ട്. പക്ഷേ എന്നെ സംബന്ധിച്ച് അങ്ങനെയായിരുന്നില്ല. ഞാന്‍ പൊരുതി വിജയിച്ചതാണ്. മൂന്ന് നാല് വര്‍ഷം ഇതിനായി പോരാടി. മ്യൂച്ചല്‍ ആണെങ്കില്‍ ആറ് മാസത്തില്‍ കിട്ടും. മ്യൂച്ചല്‍ കിട്ടാന്‍ ഞാന്‍ കുറേ കാലം നടന്നു. പക്ഷേ നടന്നില്ല.ഒടുവില്‍ കഷ്ടപ്പെട്ട് വാങ്ങിച്ചെടുത്ത വിവാഹമോചനമാണ്. അതിനാല്‍ ഇതിനെ പോരാട്ടം എന്ന് തന്നെ പറയാം.'-ജുവല്‍ അഭിമുഖത്തില്‍ പറയുന്നു.

ഇതിനുശേഷം ജീവിതം ആസ്വദിച്ചു തുടക്കിയപ്പോഴാണ് അര്‍ബുദത്തിന്റെ രൂപത്തില്‍ അടുത്ത പ്രതിസന്ധി ജുവലിന്റെ മുന്നില്‍ വന്ന് നിന്നത്. 'ഇനിയെങ്കിലും ജീവിതമൊന്ന് ആസ്വദിക്കണം എന്നാണ് കരുതിയത്. അങ്ങനെയിരിക്കെ ലണ്ടനില്‍ ഒരു ഷോയ്ക്ക് പോയി. ഒരു മാസം അവിടെ കറങ്ങി. അവിടെ സുഹൃത്തുക്കളുണ്ട്‌. അവരെ കാണാന്‍ പോയി.ഇംഗ്ലണ്ടിലും അയര്‍ലണ്ടിലും സ്‌കോട്ട്ലന്‍ഡിലും പോയി. നല്ല ഹരം പിടിപ്പിക്കുന്ന, ഒറ്റയ്ക്കുള്ള യാത്ര. സന്തോഷത്തിന്റെ പാരമ്യമായിരുന്നു അത്. എന്റെ ആ ബര്‍ത്ഡേ ആഘോഷിക്കുന്നത് ലണ്ടനിലാണ്.

അതെല്ലാം കഴിഞ്ഞ് നാട്ടിലെത്തി. കൈയിലുള്ള കാശൊക്കെ പൊട്ടിച്ചാണ് തിരികെ വരുന്നത്. ഇനിയും ജോലി ചെയ്യുമെന്ന് അറിയാം. ഏഴ് വര്‍ഷമായി തൈറോയ്ഡിന്റെ പ്രശ്നമുണ്ടായിരുന്നു.പെട്ടെന്ന് തന്നെ ഭാരത്തില്‍ വ്യത്യാസമുണ്ടാകും. കൂടെ ഇന്റേണല്‍ ട്രോമയും സ്ട്രസ്സും പിസിഒഡിയുമൊക്കെയുണ്ട്. റെഗുലര്‍ ചെക്കപ്പിനായി ഒരു ദിവസം പോയി. വേറൊരു കുഴപ്പങ്ങളുമുണ്ടായിരുന്നില്ല. ചുമയ്ക്കുമ്പോള്‍ കഫം കുറച്ചധികം വരും. തൊണ്ട എപ്പോഴും ക്ലിയര്‍ ചെയ്തു കൊണ്ടിരിക്കും.അവതാരക ആയതിനാല്‍ ശബ്ദം എപ്പോഴും ഉപയോഗിക്കണമല്ലോ. അതിന്റെ പ്രശ്‌നമാകും എന്ന് കരുതി.

ഒന്ന് സ്‌കാന്‍ ചെയ്തു നോക്കാം എന്ന് ഡോക്ടര്‍ പറഞ്ഞു. ബിഎസ്‌സി നഴ്സിങ് പഠിച്ചയാളാണ്. എന്താണ് നടക്കുന്നതെന്ന് കണ്ടാല്‍ മനസിലാകും. അവര്‍ മാര്‍ക്ക് ചെയ്യുന്നത് കണ്ടപ്പോള്‍ മനസിലായി. എന്റെ കാലൊക്കെ തണുക്കാന്‍ തുടങ്ങി. അവരുടെ മുഖമൊക്കെ മാറാന്‍ തുടങ്ങിയിരുന്നു. പിന്നെ അവര്‍ ബയോപ്സി എടുത്ത് നോക്കാമെന്ന് പറഞ്ഞു. എന്റെ കാല് അനങ്ങുന്നില്ല. ഉറഞ്ഞു പോയി. പേടിയായിട്ട് അത് വേണ്ടെന്ന് ഞാന്‍ പറഞ്ഞു. അത് പറയരുത് എടുക്കണമെന്ന് അവര്‍ പറഞ്ഞു.

ഡോക്ടര്‍ കാന്‍സര്‍ ആകാന്‍ സാധ്യതയുണ്ടെന്ന സൂചന തന്നിരുന്നു. ബയോപ്സിയുടെ റിസള്‍ട്ട് വരാന്‍ 15 ദിവസം കഴിയും. ജീവിതം സ്ലോ ആയിപ്പോയി. റിസള്‍ട്ട് വന്ന ശേഷം വീണ്ടും ഒന്നൂടെ ഉറപ്പിക്കണമെന്ന് ഡോക്ടര്‍ പറഞ്ഞു. വീണ്ടും ബയോപ്സി എടുത്തു. ഈ സമയമത്രയും താന്‍ വീട്ടുകാരുടെ മുന്നില്‍ പേടി കാണിച്ചതേയില്ല.അവരുടെ മുന്നില്‍ ധൈര്യത്തില്‍ തന്നെ നിന്നു. രണ്ടാമത്തെ റിസള്‍ട്ട് വന്നപ്പോള്‍ പണി കിട്ടിയെന്ന് മനസിലായി.

അന്ന് ഡോക്ടര്‍ ഗംഗാധരന്‍ സാറിന്റെ വൈഫിനെയാണ് എനിക്ക് അറിയാവുന്നത്. ചിത്ര മാമിനെ വിളിച്ചിട്ട് ഞാന്‍ ഇക്കാര്യം പറഞ്ഞു. എന്താണ് ചെയ്യേണ്ടതെന്ന് ചോദിച്ചു.അവര് ആശ്വസിപ്പിച്ചു. കുഴപ്പമൊന്നുമില്ല എന്ന് പറഞ്ഞു. ഫെബ്രുവരിയില്‍ സര്‍ജറി ചെയ്തു. ഏഴ് മണിക്കൂര്‍ നീണ്ടുനില്‍ക്കുന്ന സര്‍ജറിയായിരുന്നു. സര്‍ജറിയ്ക്ക് ശേഷം ശബ്ദം മുഴുവന്‍ പോയി. ആറ് മാസം എടുക്കുമെന്നാണ് പറഞ്ഞത്. ഇടത്തെ കൈ ദുര്‍ബലമായിപ്പോയി. ആക്ടിവിറ്റിയൊന്നും നടക്കില്ലായിരുന്നു. ഫിസിയോയും തെറാപ്പിയും ഉണ്ടായിരുന്നു.'-ജുവല്‍ പറയുന്നു.

ഇന്‍ഷുറന്‍സ് ഒന്നുമില്ലാത്തതിനാല്‍ സേവിങ്‌സ് എടുത്താണ് ചികിത്സയെല്ലാം ചെയ്തതെന്നും ജുവല്‍ പറയുന്നു. 'ആറ് മാസത്തിനുശേഷം റിവ്യൂവിന് പോയി. ഇനി ഉണ്ടാവില്ല എന്ന് മനസിലുറപ്പിച്ചാണ് ഡോക്ടറെ കാണാന്‍ പോയത്. രക്തം പരിശോധിച്ചു. സ്‌കാനും ചെയ്തു. സ്‌ക്കൂളില്‍ നിന്ന് റിപ്പോര്‍ട്ട് കാര്‍ഡ് എടുത്ത് എടുത്ത് തരുന്നതുപോലെ ഡോക്ടര്‍ എന്റെ റിപ്പോര്‍ട്ട് എടുത്തിട്ട് 'കണ്‍ഗ്രാജുലേഷന്‍സ്‌, യു ആര്‍ ഫ്രീ ഓഫ് കാന്‍സര്‍' എന്ന് പറഞ്ഞു. അപ്പോള്‍ അനുഭവിച്ച സന്തോഷം പറഞ്ഞറിയിക്കാനാകില്ല. ഇനി ഓരോ ആറ് മാസം കൂടുംതോറും റിവ്യൂ ചെയ്യണം.' ജുവല്‍ കൂട്ടിച്ചേര്‍ത്തു.
Nice kitchen Facebook for Creators Cook Book കുസൃതി ചോദ്യങ്ങൾ

👏💐തെരുവിലേക്ക് ഇറങ്ങേണ്ടിവന്ന വൃദ്ധദമ്പതിമാരെ സ്വന്തം വീട്ടില്‍ താമസിപ്പിച്ചു, 4 സെന്റ് നീക്കിവെച്ചു; നിയാസ് ബക്കറിനെ ഞെ...
21/10/2026

👏💐തെരുവിലേക്ക് ഇറങ്ങേണ്ടിവന്ന വൃദ്ധദമ്പതിമാരെ സ്വന്തം വീട്ടില്‍ താമസിപ്പിച്ചു, 4 സെന്റ് നീക്കിവെച്ചു; നിയാസ് ബക്കറിനെ ഞെട്ടിച്ച ശിവജി ഗുരുവായൂര്‍ 👏💐

നടന്‍ ശിവജി ഗുരുവായൂരിനെ കുറിച്ച് നടനും സുഹൃത്തുമായ നിയാസ് ബക്കര്‍ ഫെയ്‌സ്ബുക്കില്‍ പങ്കുവെച്ച കുറിപ്പ് ചര്‍ച്ചയാകുന്നു. ഗുരുവായൂരില്‍ ഒരു പരിപാടിയില്‍ പങ്കെടുക്കാന്‍ പോയപ്പോഴാണ് ശിവജി ഗുരുവായൂരിൻ്റെ മനുഷ്യത്വപരമായ ഇടപെടുലകളെ കുറിച്ച് താന്‍ അറിഞ്ഞതെന്ന് നിയാസ് കുറിച്ചു. സിനിമയില്‍ വില്ലന്‍ വേഷങ്ങളാണ് ചെയ്തതെങ്കിലും ജീവിതത്തില്‍ അദ്ദേഹം വീരനായകനാണെന്നും നിയാസ് പറയുന്നു.

💥നിയാസ് ബക്കറിന്റെ പോസ്റ്റിന്റെ പൂര്‍ണരൂപം ഇങ്ങനെ💥

എന്നെ നെട്ടിച്ചുകളഞ്ഞ നടന്‍ ശിവജിചേട്ടന്‍. (ശിവജി ഗുരുവായൂര്‍)

ശിവജി ചേട്ടന്റെ ക്ഷണം സ്വീകരിച്ച് കഴിഞ്ഞ 27th 2025 Saturday ആണ് ഞാന്‍ ഗുരുവായൂര്‍ metro links കുടുംബസംഗമ ഓണാഘോഷ പ്രോഗ്രാമിന് ഗസ്റ്റ് ആയി പങ്കെടുക്കുന്നത്. കൂടെ ഞാന്‍ സ്വന്തം അനുജനെപ്പോലെ കാണുന്ന ജയദേവ് കലവൂരും ഉണ്ടായിരുന്നു. അല്പസംസാരത്തിനു ശേഷം കൊച്ചു കോമഡി പ്രോഗ്രാം അവര്‍ക്കായി ഞങ്ങള്‍ അവതരിപ്പിച്ചു. വലിയ സ്വീകരണമാണ് metro links members ഞങ്ങള്‍ക്ക് നല്‍കിയത്. എന്നെ നെട്ടിച്ചത് മറ്റൊരു കാര്യമാണ്. അറബിക്കഥ സിനിമയിലെ വില്ലനായ രാഷ്ട്രീയക്കാരനെ
അവതരിപ്പിച്ച് നമ്മളെയൊക്കെ അത്ഭുതപ്പെടുത്തിയ മഹത്തായ നടന്‍ ശിവജി ഗുരുവായൂരിന്റെ മനുഷ്യത്വപരമായ ഇടപെടലുകള്‍.

സ്വാഗത പ്രാസംഗികന്‍ ശിവജി ചേട്ടനെ അഭിസംബോധന ചെയ്ത് സംസാരിക്കുന്നതിനിടയില്‍ പറഞ്ഞ ഒരു കാര്യം.

അദ്ദേഹത്തിന്റെ പരിചയത്തിലുള്ള വൃദ്ധരായ രണ്ട് മനുഷ്യരെ ദത്തെടുത്ത കഥ.

പ്രവാസിയായിരുന്ന ഒരു പാവം മനുഷ്യന്‍ ജീവിത സാഹചര്യങ്ങളാല്‍ എല്ലാം നശിച്ച് തകര്‍ന്നു പോയ പ്രായമായ ആ മനുഷ്യന്‍ പത്‌നിയുടെ കയ്യും പിടിച്ച് തെരുവിലേയ്ക്ക് ഇറങ്ങേണ്ടി വന്നപ്പോള്‍. ഒന്നാശ്വസിപ്പിക്കാന്‍ പോലും ആരോരുമില്ലാത്ത ആ രണ്ട് വൃദ്ധരെ ചേര്‍ത്തുപിടിച്ച് സ്വന്തം വീട്ടില്‍ കൊണ്ടുപോയി പാര്‍പ്പിച്ചു. തീര്‍ന്നില്ല സ്വന്തം പുരയിടത്തില്‍ നിന്ന് നാല് സെന്റ് ഭൂമി അവര്‍ക്കായ് നീക്കി വച്ചു.

പ്രസംഗത്തിനിടെ തൊട്ടടുത്തിരുന്ന സുഹൃത്തിനോട് ഞാന്‍ ചോദിച്ചു. ശിവജിച്ചേട്ടന്‍ അത്യാവശ്യം സാമ്പത്തിക ശേഷിയുള്ള ആളാണല്ലേ.

അല്ല കാര്യമായ സംബദ്യമൊന്നും അദ്ദേഹത്തിനില്ല വളരേ സാദാരണക്കാരനായ ഒരാളാണ്. ഉള്ളതില്‍ നിന്നും അദ്ദേഹം പങ്കു വയ്ക്കുന്നു അത്രേ ഉള്ളൂ.

ഇക്കാര്യം ശിവാജിച്ചേട്ടനോട് സ്വകാര്യമായി ചോദിച്ചപ്പോള്‍ ഒന്ന് പുഞ്ചിരിച്ചുകൊണ്ട്. അണ്ണാറക്കണ്ണനും തന്നാലായത് അത്രേ ഉള്ളൂ നിയാസ് നാളത്തെ നമ്മുടെയൊക്കെ സ്ഥിതി എന്തായിരിക്കുമെന്ന് നമുക്കറിയില്ലല്ലോ.

പിന്നെ ഞാന്‍ മാത്രമല്ലാട്ടോ മെട്രോ ഫാമിലിയും മറ്റു പല സുഹൃത്തുക്കളും അവരോടൊപ്പമുണ്ട്.

അറബിക്കഥ സിനിമയില്‍ വില്ലനായി വന്ന് എന്നെ ചൊടിപ്പിച്ച ശിവജി ഗുരുവായൂര്‍ എന്ന ഈ നടന്‍ സ്വന്തം ജീവിതം കൊണ്ട് നമ്മെ പലതും പഠിപ്പിക്കുന്ന വീരനായകനാണ്.

സത്യത്തില്‍ ഇവരെപോലുള്ളവരുടെ ഫാനല്ലേ... നമ്മളാകേണ്ടത്.

പ്രിയപ്പെട്ട ശിവജിച്ചേട്ടനും metro links നും എന്റെ big salute...നിറഞ്ഞ സ്‌നേഹം.
Nice kitchen Facebook for Creators Cook Book കുസൃതി ചോദ്യങ്ങൾ

💔മിനി കൂപ്പറും, പണവും, അധികാരവും: വിനാശകരമാകുന്ന വേഗതയുടെ ലഹരി! 🚗 പൊലിയുന്ന ജീവനുകൾ...💔നെടുമ്പാശ്ശേരി എയർപോർട്ട് റോഡിലുണ...
21/10/2026

💔മിനി കൂപ്പറും, പണവും, അധികാരവും: വിനാശകരമാകുന്ന വേഗതയുടെ ലഹരി! 🚗 പൊലിയുന്ന ജീവനുകൾ...💔

നെടുമ്പാശ്ശേരി എയർപോർട്ട് റോഡിലുണ്ടായ ആ ദാരുണമായ മിനി കൂപ്പർ അപകടം നമ്മളെയെല്ലാം ഭയപ്പെടുത്തുന്നതാണ്. എന്നാൽ അതിനേക്കാൾ നമ്മെ ചിന്തിപ്പിക്കേണ്ടത്, ആ അപകടത്തിന് പിന്നിലെ അധികാരത്തിന്റെയും പണത്തിന്റെയും അഹങ്കാരത്തെക്കുറിച്ചാണ്. മൂന്ന് യുവാക്കളുടെ ജീവൻ അതിദാരുണമായി പൊലിഞ്ഞ ആ സംഭവത്തെ ആസ്പദമാക്കി 'മാതൃഭൂമി'യിൽ വന്ന ചില ഗൗരവമേറിയ ചിന്തകൾ പങ്കുവെക്കുന്നു.

💥കൊല്ലുന്ന വേഗം; അനിയന്ത്രിതമായ ആഡംബരം💥

മണിക്കൂറിൽ 250 കിലോമീറ്റർ വരെ വേഗത കൈവരിക്കാൻ കഴിയുന്ന, ചുരുങ്ങിയത് 50 ലക്ഷം രൂപയെങ്കിലും വിലവരുന്ന മിനി കൂപ്പർ പോലെയുള്ള വാഹനങ്ങൾ വെറുമൊരു കളിപ്പാട്ടമല്ല. വന്യമൃഗങ്ങളെപ്പോലെ എപ്പോൾ വേണമെങ്കിലും നിയന്ത്രണം വിടാൻ സാധ്യതയുള്ള ഇത്തരം ആഡംബര വാഹനങ്ങൾ 19 വയസ്സുകാരനായ ഒരു മകന് വാങ്ങി സമ്മാനിക്കുന്നതിന് മുൻപ് ആ മാതാപിതാക്കൾ ചിന്തിക്കേണ്ടിയിരുന്നു. മദ്യലഹരിയിൽ 125 കിലോമീറ്റർ വേഗതയിൽ വണ്ടിയോടിച്ച പ്രതി സുഹൈൽ സജീവ് വരുത്തിവെച്ചത് മൂന്ന് കുടുംബങ്ങളുടെ കണ്ണീരാണ്.

💥അധികാര കേന്ദ്രങ്ങളുടെ ഒത്താശയും തെളിവ് നശിപ്പിക്കലും: പഴയ ഓർമ്മകൾ💥

അപകടം നടന്ന് നാല് കിലോമീറ്റർ മാത്രം അകലെയുള്ള പോലീസ് സ്റ്റേഷനിൽ വിവരം അറിയിക്കാൻ മണിക്കൂറുകൾ വൈകിയതും, പ്രതികൾ പോലീസിനൊപ്പം ഉണ്ടായിരുന്നിട്ടും പ്രതി 'അജ്ഞാതൻ' എന്ന് ആദ്യം രേഖപ്പെടുത്തിയതും ദുരൂഹമാണ്. പണവും സ്വാധീനവുമുള്ളവർക്ക് നിയമവ്യവസ്ഥയെപ്പോലും വിലയ്ക്കെടുക്കാൻ കഴിയുമെന്ന മുൻകാല അനുഭവങ്ങളാണ് ഇവിടെ ഓർമ്മവരുന്നത്.

✨2019 ഓഗസ്റ്റിൽ തിരുവനന്തപുരത്ത് വെച്ച് മാധ്യമപ്രവർത്തകൻ കെ.എം. ബഷീറിനെ ഐ.എ.എസ് ഉദ്യോഗസ്ഥനായ ശ്രീറാം വെങ്കിട്ടരാമൻ മദ്യലഹരിയിൽ കാറിടിച്ചു കൊലപ്പെടുത്തിയ കേസ് ഇതിനോട് ചേർത്തു വായിക്കേണ്ടതാണ്. ശ്രീറാമിന്റെ മദ്യത്തിന്റെ മണം ഡോക്ടർ രേഖപ്പെടുത്തിയിട്ടും, ഒരു മെഡിക്കൽ ഡോക്ടർ കൂടിയായ പ്രതി സ്വകാര്യ ആശുപത്രിയിൽ ചികിത്സ തേടുകയും അപകടം നടന്ന് നീണ്ട 9 മണിക്കൂറുകൾക്ക് ശേഷം മാത്രം രക്തപരിശോധനയ്ക്ക് തയ്യാറാവുകയും ചെയ്തത് കൃത്യമായ തെളിവ് നശിപ്പിക്കാനായിരുന്നു എന്ന ഗുരുതരമായ ആരോപണം അന്ന് ഉയർന്നിരുന്നു. ഇതിനെല്ലാം പോലീസുൾപ്പെടെയുള്ള അധികാര കേന്ദ്രങ്ങളുടെ ഒത്താശ ലഭിച്ചുവെന്നത് പകൽപോലെ വ്യക്തമാണ്.

💥ഓർമ്മകളിൽ അസഹറുദ്ദീന്റെ മകൻ അയസുദ്ദീൻ💥

ഈ വേഗതയുടെ ലഹരി നമ്മെ കൂട്ടിക്കൊണ്ടുപോകുന്നത് 2011 സെപ്റ്റംബർ 11-ലേക്ക് കൂടിയാണ്. മുൻ ഇന്ത്യൻ ക്രിക്കറ്റ് ക്യാപ്റ്റൻ മുഹമ്മദ് അസഹറുദ്ദീൻ തന്റെ 19 വയസ്സുകാരനായ ഇളയ മകൻ അയസുദ്ദീന് പെരുന്നാൾ സമ്മാനമായി നൽകിയത് 13 ലക്ഷം രൂപ വിലയുള്ള ഒരു സൂപ്പർ ബൈക്കായിരുന്നു (സുസുക്കി GSX-R 1000). എന്നാൽ ഹൈദരാബാദിലെ ഔട്ടർ റിംഗ് റോഡിൽ 200 കിലോമീറ്ററിലധികം വേഗതയിൽ പാഞ്ഞ ആ ബൈക്ക് നിയന്ത്രണം തെറ്റി മറിഞ്ഞ് അയസുദ്ദീനും ബന്ധുവായ അജ്മലും മരണത്തിന് കീഴടങ്ങി. അന്ന് ആ സമ്മാനം നൽകരുതായിരുന്നുവെന്ന് അസഹർ പിന്നീട് ഏറെ ഖേദിച്ചു. സ്പോർട്സ് കാറുകളും ബൈക്കുകളും തങ്ങളുടെ കുടുംബത്തിലേക്ക് പിന്നീട് പടികടന്നു വന്നിട്ടില്ലെന്ന് അസഹറിന്റെ മൂത്ത മകൻ ആസാദുദ്ദീൻ വ്യക്തമാക്കുന്നു. ആ ദുരന്തത്തിന് ശേഷമാണ് 'Youth Against Speed' എന്ന പ്രസ്ഥാനം പോലും രൂപപ്പെട്ടത്.

💥നമുക്ക് പഠിക്കാനുള്ള പാഠം:💥

അയസുദ്ദീന് വേഗതയെന്ന ലഹരി മാത്രമായിരുന്നെങ്കിൽ, നെടുമ്പാശ്ശേരിയിലെ സുഹൈലിനും പണ്ടത്തെ ശ്രീറാമിനും വേഗതയ്ക്കൊപ്പം മദ്യത്തിന്റെ ലഹരി കൂടിയുണ്ടായിരുന്നു. ഇത്തരം ആഡംബര സമ്മാനങ്ങൾ മക്കൾക്ക് വാങ്ങി നൽകുകയും, അവർ തെറ്റ് ചെയ്യുമ്പോൾ പണവും സ്വാധീനവും ഉപയോഗിച്ച് രക്ഷിക്കാൻ ശ്രമിക്കുകയും ചെയ്യുമ്പോൾ നമ്മൾ സമൂഹത്തോട് ചെയ്യുന്നത് വലിയ ദ്രോഹമാണ്. പ്രകൃതിയുടെയും മരണത്തിന്റെയും നിയമങ്ങൾക്ക് മുന്നിൽ നിങ്ങളുടെ പണക്കൊഴുപ്പ് വെറും പൂജ്യമാണെന്ന് ഓർക്കുക!

മക്കൾക്ക് നൽകേണ്ടത് വിലകൂടിയ വാഹനങ്ങളല്ല, ഉത്തരവാദിത്തമുള്ള ജീവിതബോധമാണ്. നിങ്ങളുടെ അഭിപ്രായങ്ങൾ താഴെ പങ്കുവെക്കൂ 👇💬

😍💐പരിമിതികളെ പുഞ്ചിരി കൊണ്ട് തോൽപ്പിച്ച നിത്യ; തൊടുപുഴയുടെ അഭിമാനമായി മാറിയ ഒരു വുമൺസ് ഡേ സർപ്രൈസ്! 😍💐ജന്മനാ സംസാരശേഷിയു...
21/10/2026

😍💐പരിമിതികളെ പുഞ്ചിരി കൊണ്ട് തോൽപ്പിച്ച നിത്യ; തൊടുപുഴയുടെ അഭിമാനമായി മാറിയ ഒരു വുമൺസ് ഡേ സർപ്രൈസ്! 😍💐

ജന്മനാ സംസാരശേഷിയും കേൾവിയുമില്ല, പക്ഷേ ആത്മവിശ്വാസത്തിന്റെ കാര്യത്തിൽ നിത്യ ആരെക്കാളും മുന്നിലാണ്. തൊടുപുഴക്കാർക്ക് ഇന്ന് നിത്യ ഒരു വെറും പെൺകുട്ടിയല്ല, തളരാത്ത പോരാട്ടവീര്യത്തിന്റെ പ്രതീകമാണ്.

തൊടുപുഴയിലെ പ്രമുഖ വസ്ത്രാലയമായ മഹാറാണി വെഡിംഗ് കളക്ഷൻസിലെ ജീവനക്കാരിയായ നിത്യയെത്തേടി ഈ വനിതാ ദിനത്തിൽ എത്തിയത് അപ്രതീക്ഷിതമായ ഒരു വലിയ അംഗീകാരമായിരുന്നു. സ്ഥാപനം അവളെ 'റിയൽ മഹാറാണി'യായി ആദരിച്ചു. എന്നാൽ സർപ്രൈസുകൾ അവിടെയും തീർന്നില്ല! ഇന്ന് നിത്യ അതേ സ്ഥാപനത്തിന്റെ പരസ്യ ചിത്രത്തിലെ മോഡലായി തിളങ്ങുകയാണ്.തന്റെ വൈകല്യങ്ങളെ ഒരു തടസ്സമായി കാണാതെ, നിറഞ്ഞ പുഞ്ചിരിയോടെ ഉപഭോക്താക്കളെ സ്വീകരിക്കുന്ന നിത്യയുടെ സേവന സന്നദ്ധതയെ സ്ഥാപനം ഔദ്യോഗികമായി ആദരിച്ചു. 🏆🤝

നിശബ്ദതയുടെ ലോകത്തിരുന്നുകൊണ്ട് നിത്യ പകർന്നുനൽകുന്ന ഈ വലിയ ഊർജ്ജം സോഷ്യൽ മീഡിയയുടെ ഹൃദയം കവരുകയാണ്. "നമുക്ക് എന്തെങ്കിലും കുറവുണ്ടെന്നല്ല, എന്ത് ചെയ്യാനാകും എന്നതിലാണ് കാര്യം" എന്ന് ഈ പെൺകുട്ടി തന്റെ ജീവിതത്തിലൂടെ തെളിയിക്കുന്നു.

തൊടുപുഴയുടെ ഈ മുത്തിന് ഒരായിരം വനിതാ ദിനാശംസകൾ! നിന്റെ ഈ പുഞ്ചിരി എന്നും ഇങ്ങനെ തന്നെ ഉണ്ടാകട്ടെ. ❤️

Good Morning Friends 🥰
21/10/2026

Good Morning Friends 🥰

👏👏പണക്കൊഴുപ്പിന്റെ ഹുങ്കിന് നിയമം നൽകിയ കനത്ത പ്രഹരം!👏👏ഗേറ്റ് തുറക്കാൻ അൽപ്പം വൈകിയെന്ന നിസ്സാര കാരണത്താൽ, ചന്ദ്രബോസ് എന...
20/10/2026

👏👏പണക്കൊഴുപ്പിന്റെ ഹുങ്കിന് നിയമം നൽകിയ കനത്ത പ്രഹരം!👏👏

ഗേറ്റ് തുറക്കാൻ അൽപ്പം വൈകിയെന്ന നിസ്സാര കാരണത്താൽ, ചന്ദ്രബോസ് എന്ന പാവപ്പെട്ട സെക്യൂരിറ്റി ജീവനക്കാരനെ തൻ്റെ ആഡംബര ഹമ്മർ കാറിടിച്ചു വീഴ്ത്തി, ഇരുമ്പുവടികൊണ്ട് ക്രൂരമായി തല്ലിച്ചതച്ചു കൊലപ്പെടുത്തിയ വിവാദ വ്യവസായി മുഹമ്മദ് നിഷാമിന് ഒടുവിൽ അർഹമായ ശിക്ഷ തന്നെ നിയമം നടപ്പിലാക്കിയിട്ടുണ്ട്.

"പണമുണ്ടെങ്കിൽ ആരെയും എന്തും ചെയ്യാം, ഏത് നിയമത്തിൽ നിന്നും രക്ഷപ്പെടാം" എന്ന് അഹങ്കരിച്ച നിഷാമിന്, ആ ഹമ്മർ കാറിനേക്കാൾ ഭാരമുള്ള ശിക്ഷയാണ് കോടതി വിധിച്ചത്. ജീവപര്യന്തം തടവുശിക്ഷയും 24 വർഷത്തെ അധിക തടവും കൂടാതെ 80 ലക്ഷം രൂപ പിഴയുമാണ് കോടതി ഈ കൊടുംകുറ്റവാളിക്ക് ചുമത്തിയത്. ആഡംബര വാഹനവും കോടതി കണ്ടുകെട്ടി.

തൻ്റെ അപ്പീൽ ഹർജിയുമായി കേരള ഹൈക്കോടതിയെ സമീപിച്ച നിഷാമിന് അവിടെ നിന്നും കനത്ത തിരിച്ചടിയാണ് ലഭിച്ചത്. വിചാരണ കോടതി വിധിച്ച ജീവപര്യന്തം തടവുശിക്ഷ (ശിക്ഷയും ജീവപര്യന്തവും) ഹൈക്കോടതി പൂർണ്ണമായും ശരിവെക്കുകയാണുണ്ടായത്. നിഷാമിൻ്റെ സ്വാധീനങ്ങളും രാഷ്ട്രീയ-ഉദ്യോഗസ്ഥ ബന്ധങ്ങളും ഉപയോഗിച്ച് ജാമ്യത്തിലിറങ്ങാൻ നടത്തിയ എല്ലാ ശ്രമങ്ങളെയും സുപ്രീം കോടതിയും മുൻപ് ശക്തമായി തള്ളിക്കളഞ്ഞിരുന്നു. "പണക്കാരുടെ അഹങ്കാരവും ധാർഷ്ട്യവും" സമൂഹത്തിന് എത്രത്തോളം അപകടമാണെന്ന് ഈ കേസ് തള്ളിക്കൊണ്ട് പരമോന്നത കോടതി നിരീക്ഷിച്ചു.

ഈ വിധി പണത്തിൻ്റെ കൊഴുപ്പിൽ അഹങ്കരിക്കുന്നവർക്കുള്ള മുന്നറിയിപ്പാണ്. നിയമത്തിന് മുന്നിൽ പണക്കാരനെന്നോ പാവപ്പെട്ടവനെന്നോ വ്യത്യാസമില്ലെന്ന് ഈ പോരാട്ടം തെളിയിക്കുന്നു. ഒരു കുടുംബത്തിൻ്റെ ഏക ആശ്രയമായിരുന്ന ചന്ദ്രബോസിൻ്റെ ജീവന് പകരമാവില്ലെങ്കിലും, ഈ കഠിനശിക്ഷ നീതിന്യായ വ്യവസ്ഥയിലുള്ള ജനങ്ങളുടെ വിശ്വാസം കാത്തുസൂക്ഷിക്കുന്നു.

നീതിന്യായ വ്യവസ്ഥയ്ക്ക് പ്രണാമം! ചന്ദ്രബോസിന് നീതി ലഭിച്ചു.👏💐

🥰💐മമ്മൂട്ടി കാരണം കുറെയേറെ ജീവിതങ്ങൾ ചിരിക്കുന്നു, വയറുകൾ നിറയുന്നു, എളിയവന്റെ പ്രത്യാശയാണദ്ദേഹം :ബസേലിയോസ് മാർത്തോമ്മാ ...
20/10/2026

🥰💐മമ്മൂട്ടി കാരണം കുറെയേറെ ജീവിതങ്ങൾ ചിരിക്കുന്നു, വയറുകൾ നിറയുന്നു, എളിയവന്റെ പ്രത്യാശയാണദ്ദേഹം :ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാബാവ.🥰💐

എളിയവന്റെ പ്രത്യാശയാകുന്നു എന്നതുകൂടിയാണ് മമ്മൂട്ടിയെ ലോകത്തിന് പ്രിയപ്പെട്ടവനാക്കുന്നതെന്ന് മലങ്കര ഓർത്ത‍ഡോക്സ് സുറിയാനി സഭാ പരമാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാബാവ. സഭയുടെ കണ്ടനാട് വെസ്റ്റ് ഭദ്രാസനത്തിന് കീഴിലുള്ള 'പ്രിയ പ്രതിഭ' കറിപൗഡർ യൂണിറ്റിന് മമ്മൂട്ടി തുണയായ കഥ വിവരിച്ചാണ് അദ്ദേഹം ഇങ്ങനെ പറഞ്ഞത്.

കോടികൾ പ്രതിഫലം നല്കി മമ്മൂട്ടിയെ പരസ്യത്തിൽ അഭിനയിപ്പിക്കാൻ വലിയ കമ്പനികൾ കാത്തുനിൽക്കേ ഒരു രൂപ പോലും പ്രതിഫലം വാങ്ങാതെ അദ്ദേഹം കറിപൗഡർ നിർമാണയൂണിറ്റിന് പ്രചാരം നല്കിയതിന്റെ വിശദാംശങ്ങളും കാതോലിക്കാബാവ മമ്മൂട്ടിക്ക് ജന്മദിനാശംസ നേർന്നുകൊണ്ടുള്ള ഫെയ്സ്ബുക്ക് കുറിപ്പിൽ പങ്കിട്ടു.

✨കാതോലിക്കാ ബാവയുടെ കുറിപ്പിന്റെ പൂർണരൂപം:✨

പ്രിയപ്പെട്ട മമ്മൂട്ടിക്കുള്ള ഒരു ദിനം വൈകിയ ആശംസയാണിത്. ഇന്നലെ മുഴുവൻ ആശംസകളുടെ മഴയായിരുന്നുവല്ലോ. ഇന്ന് മരംപെയ്യട്ടെ. ലോകമറിയാനായി ഇനി പറയുന്ന കഥയാണ് അദ്ദേഹത്തിനായുള്ള ആശംസാവാചകങ്ങൾ.

മലങ്കര ഓർത്തഡോക്സ് സുറിയാനി സഭയുടെ കണ്ടനാട് വെസ്റ്റ് ഭദ്രാസനത്തിന് കീഴിലുള്ള അനേകം ജീവകാരുണ്യ പ്രസ്ഥാനങ്ങളിലൊന്നാണ് 'പ്രിയ പ്രതിഭ' എന്ന പേരിലുള്ള കറിപൗഡർ നിർമ്മാണം. കച്ചവടമല്ല ലക്ഷ്യം. ഒരുപാട് പേരുടെ വിശപ്പ് മാറ്റാനും വേദനിക്കുന്നവർക്ക് സൗഖ്യം നൽകാനുമുള്ള ദൗത്യം. വിവിധ ശാരീരിക വൈകല്യങ്ങളാൽ മറ്റു ജോലികളൊന്നും ചെയ്യാൻ സാധിക്കാതെ സഭയ്ക്ക് കീഴിൽ പുനരധിവസിപ്പിക്കപ്പെട്ടവരെ പരിശീലിപ്പിച്ചാണ് കറിപൗഡർ നിർമാണത്തിന് സജ്ജമാക്കിയത്. അവരുടെ പുനരുത്ഥാനം കൂടിയായി മാറി അങ്ങനെ അത്. 2002-ൽ ചെറിയ തോതിലായിരുന്നു തുടക്കം. വില്പനയിൽ നിന്നുള്ള വരുമാനം ഒരുനേരത്തെ ആഹാരത്തിന് ബുദ്ധിമുട്ടുന്നവർക്ക് മുതൽ കാൻസർ രോഗികൾക്കുവരെയായി മാറ്റിവയ്ക്കപ്പെട്ടു.

കർഷകരിൽ നിന്ന് നേരിട്ട് സമാഹാരിക്കുന്ന ഉത്പന്നങ്ങളാണ് കറിപൗഡറുണ്ടാക്കാൻ ഉപയോഗിച്ചിരുന്നത്. അങ്ങനെയത് അവർക്കും ഒരു തുണയായിരുന്നു. പക്ഷേ ലോകത്തെ മുഴുവൻ നിശ്ചലമാക്കിയ കോവിഡ് മഹാമാരി വന്നതോടെ ഈ സംരംഭം പ്രതിസന്ധിയിലായി. പക്ഷേ അപ്പോൾ ദൈവദൂതനെ പോലൊരാൾ അവതരിച്ചു.അത് മമ്മൂട്ടിയായിരുന്നു. കോട്ടയത്ത് കാൻസർരോഗികൾക്കുവേണ്ടി നടത്തിയ പരിപാടിയിൽ പങ്കെടുക്കാനെത്തിയ അദ്ദേഹത്തോട് 'പ്രിയ പ്രതിഭ'യെക്കുറിച്ച് പറഞ്ഞു. നിറഞ്ഞ മനസ്സോടെ മമ്മൂട്ടി അതിന് കൂട്ടുവന്നു. അദ്ദേഹത്തെവച്ചുള്ള പരസ്യങ്ങൾക്കായി കോടികൾ ചെലവിടാൻ വലിയ കമ്പനികൾ തയ്യാറായി നിൽക്കേ ഒരു രൂപ പോലും പ്രതിഫലം വാങ്ങാതെയുള്ള പ്രചാരണദൗത്യം.

മമ്മൂട്ടിയുടെ ഒരു ഫേസ്ബുക്ക് പോസ്റ്റിലൂടെ 'പ്രിയ പ്രതിഭയെ'ക്കുറിച്ച് ലോകമറിഞ്ഞു, തളർച്ചമാറി ആ പ്രസ്ഥാനം വീണ്ടും തളിർത്തു. ഇന്ന് നാടെങ്ങും അതിന്റെ രുചി നിറയുമ്പോൾ കുറെയേറെ ജീവിതങ്ങൾ ചിരിക്കുന്നു, കുറെയേറെ വയറുകൾ നിറയുന്നു. 'അവൻ താണവരെ ഉയർത്തുന്നു, ദു:ഖിക്കുന്നവരെ രക്ഷയിലേക്ക് കയറ്റുന്നു'വെന്ന ബൈബിൾ വചനമാണ് ഈ വേളയിൽ ഓർമിക്കുന്നത്. എളിയവന്റെ പ്രത്യാശയാകുന്നു എന്നത് കൂടിയാണ് മമ്മൂട്ടിയെ ലോകത്തിന് പ്രിയപ്പെട്ടവനാക്കുന്നത്. മലയാളത്തിന്റെ മഹാനടന് പ്രാർഥനാപൂർവം ജന്മദിനാശംസകൾ. ദൈവകൃപ എപ്പോഴും ജീവിതത്തിൽ നിറയട്ടെ.

🥰🔥എല്ലാവരും എന്നെ ലേഡി സൂപ്പര്‍സ്റ്റാര്‍ എന്ന് വിളിക്കുമ്പോള്‍ ഞാന്‍ സൂപ്പര്‍സ്റ്റാറായി കാണുന്നത് ആ വ്യക്തിയെ: മഞ്ജു വാര...
20/10/2026

🥰🔥എല്ലാവരും എന്നെ ലേഡി സൂപ്പര്‍സ്റ്റാര്‍ എന്ന് വിളിക്കുമ്പോള്‍ ഞാന്‍ സൂപ്പര്‍സ്റ്റാറായി കാണുന്നത് ആ വ്യക്തിയെ: മഞ്ജു വാര്യര്🥰🔥

മലയാളത്തിലെ മികച്ച നടിമാരില്‍ ഒരാളാണ് മഞ്ജു വാര്യര്‍. സല്ലാപം എന്ന ചിത്രത്തിലൂടെ സിനിമാലോകത്തേക്ക് കടന്നുവന്ന മഞ്ജു വളരെ പെട്ടെന്ന് മലയാളസിനിമയുടെ മുന്‍നിരയിലേക്ക് നടന്നുകയറി. സിനിമയില്‍ നിന്ന് ഇടവേളയെടുത്ത മഞ്ജു വാര്യര്‍ ഹൗ ഓള്‍ഡ് ആര്‍ യൂ എന്ന ചിത്രത്തിലൂടെ ഗംഭീര തിരിച്ചുവരവ് നടത്തി. പിന്നീട് ഒരുപിടി മികച്ച സിനിമകളുടെ ഭാഗമാകാന്‍ മഞ്ജുവിന് സാധിച്ചു.

മലയാളത്തിന്റെ ലേഡി സൂപ്പര്‍സ്റ്റാര്‍ എന്നാണ് മഞ്ജു വാര്യര്‍ അറിയപ്പെടുന്നത്. ലേഡി സൂപ്പര്‍സ്റ്റാറായ താന്‍ സൂപ്പര്‍സ്റ്റാറായി കാണുന്നത് ആരായാണെന്ന ചോദ്യത്തോട് പ്രതികരിക്കുകയാണ് മഞ്ജു വാര്യര്‍. തന്റെ സൂപ്പര്‍സ്റ്റാര്‍ അമ്മയാണെന്ന് പറയുകയാണ് മഞ്ജു വാര്യര്‍.

തീര്‍ച്ചയായും അമ്മ തന്നെ. സ്തനാര്‍ബുദം വന്നപ്പോള്‍ അമ്മ മനഃശക്തി കൊണ്ടാണ് അതിനെ തരണം ചെയ്തത്. അതിനുശേഷം പഴയതിലും സന്തോഷവതിയായും പഴയതിലും സുന്ദരമായും ജീവിതത്തിലേക്ക് തിരിച്ച് വന്നു അമ്മ. അച്ഛന്‍ ഞങ്ങളെ വിട്ട് പോയപ്പോഴും അമ്മ കരുത്തോടെ നേരിട്ടു.

അച്ഛനും അമ്മയും ഒരുമിച്ചല്ലാതെ ഒരിക്കലും ഞാന്‍ കണ്ടിട്ടേയില്ല, എന്ത് കാര്യത്തിനും എവിടെ പോവാനും രണ്ടുപേരും ഒരുമിച്ചായിരുന്നു. അങ്ങനെയൊരാള്‍ പെട്ടെന്ന് നമ്മളെ വിട്ട് പോയിക്കഴിയുമ്പോള്‍ ഏതൊരാളും തളര്‍ന്ന് പോവും. അച്ഛനില്ലാത്ത വീടും ജീവിതവും എനിക്കും ചിന്തിക്കാന്‍ പറ്റിയിരുന്നില്ല.

അതിനുശേഷം ഷൂട്ടിങ്ങിനൊക്കെ പോവേണ്ടി വരുമ്പോള്‍ അമ്മ ഒറ്റയ്ക്കാണല്ലോ എന്ന ചിന്ത എന്നെ സങ്കടപ്പെടുത്താന്‍ തുടങ്ങിയിരുന്നു. പക്ഷേ എന്നെ വിഷമിപ്പിക്കാതിരിക്കാനായിരിക്കാം, അമ്മ തന്നെ സ്വയം ഇഷ്ടമുള്ള കാര്യങ്ങള്‍ കണ്ടെത്തി അതില്‍ മുഴുകി. സന്തോഷവതിയായി കരുത്തോടെ മുന്നോട്ട് പോയി.

അമ്മയിങ്ങനെ ആക്ടീവായി ഇരിക്കുന്നത് കാണുമ്പോള്‍, സന്തോഷത്തോടെ ഇരിക്കുന്നു എന്നറിയുമ്പോള്‍ എനിക്ക് ദൂരസ്ഥലങ്ങളില്‍ പോലും സമാധാനത്തോടെ ഷൂട്ടിങ്ങിന് പോവാന്‍ കഴിയുന്നു. ഇപ്പോള്‍ അമ്മ ചെയ്ത് കൊണ്ടിരിക്കുന്ന ഓരോ പുതിയ കാര്യങ്ങളും കൗതുകത്തോടെയും അത്ഭുതത്തോടെയും ആരാധനയോടെയും നോക്കിക്കൊണ്ടിരിക്കുന്ന കുട്ടിയാണ് ഞാന്‍,’ മഞ്ജു വാര്യര്‍ പറയുന്നു.

Address

Kottayam

Website

Alerts

Be the first to know and let us send you an email when Nice kitchen posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nice kitchen:

Shortcuts

Share