Ritika Sawant's Kitchen

14/04/2026

संध्याकाळी काही चटपटीत खायचे असेल किंवा मुलांना टिफिन द्यायचा असेल आणि हेल्दी पदार्थ हवा असेल तर ही बीटरूट टिक्की चवीला अतिशय चविष्ट आणि दिसायला आकर्षक अशी पौष्टिक डिश आहे.

टिक्की बनवण्याची सोपी पद्धत दिली आहे.

बीटरूट टिक्की रेसिपी
प्रमाण: १२- १५टिक्की
साहित्य
मुख्य साहित्य:
• २ मध्यम बीट (किसलेले)
• २ मध्यम बटाटे (उकडलेले आणि मॅश केलेले) — बाइंडिंगसाठी उपयुक्त
• १ मध्यम गाजर (किसलेले)
• १/२ वाटी पनीर (किसलेले)
• ३/४ कप पोह्यांची पूड)
चवीसाठी:
• ३-४ हिरव्या मिरच्या (बारीक चिरलेल्या)
• १ चमचा किसलेले आले
• १ चमचा लाल मिरची पावडर
• १/२ चमचा चाट मसाला
• १/२ चमचा भाजलेली जिरे पूड
• चवीनुसार मीठ
• २ मोठे चमचे ताजी कोथिंबीर (बारीक चिरलेली)
तळण्यासाठी:
• २–३ मोठे चमचे तेल (शॅलो फ्राय करण्यासाठी)
• पर्यायी: रवा किंवा ब्रेड क्रम्ब्स (वरतून घोळवण्यासाठी)
कृती
१. बीट सोलून, किसून घ्या.
२. एका मोठ्या भांड्यात किसलेले बीट, मॅश केलेले बटाटे, गाजर, पनीर हिरवी मिरची, आले, सर्व मसाले आणि कोथिंबीर एकत्र करा.
३. आता यात पोह्याची पावडर घाला. मिश्रण हाताला चिकटणार नाही आणि त्याला पिठासारखा गोळा येईल इतपत मिक्स करा.
४. मिश्रणाचे समान भाग करून छोटे गोळे बनवा. त्यांना हाताने हलके दाबून चपट्या टिक्कीचा आकार द्या.
५. टिक्की अधिक कुरकुरीत होण्यासाठी त्या रव्यात किंवा ब्रेड क्रम्ब्समध्ये घोळवून घ्या.
६. फ्राय करा: एका नॉन-स्टिक पॅनमध्ये तेल गरम करा. मध्यम आचेवर टिक्की दोन्ही बाजूंनी ३-४ मिनिटे छान कुरकुरीत होईपर्यंत भाजून घ्या.
सर्व्ह करण्यासाठी टिप्स
• ही टिक्की तुम्ही पुदिना चटणी किंवा गोड चिंचेच्या चटणीसोबत गरमागरम सर्व्ह करू शकता.
• तुम्ही जर बटाटे खात नसाल, तर त्याऐवजी मॅश केलेले उकडलेले कच्चे केळे वापरू शकता.

#मराठीरेसिपी #रितिकासावंतकिचन

20/01/2026

झटपट तयार होणारा चिकन पुलाव

चिकन पुलाव बनवण्याची सोपी आणि चविष्ट रेसिपी दिली आहे:
साहित्य:
चिकन: ५०० ग्रॅम (स्वच्छ धुऊन घेतलेले)
तांदूळ: २ वाट्या (बासमती किंवा आंबेमोहोर, ३० मिनिटे भिजवलेले)
कांदा: २ मध्यम (उभे चिरलेले)
हिरव्या मिरच्या- २ उभ्या चिरलेल्या
आलं-लसूण पेस्ट: २ मोठे चमचे
दही: अर्धी वाटी
खडा मसाला: लवंग (४), मिरी (६), दालचिनी (१ इंच तुकडा), तमालपत्र (२), हिरवी वेलची (२), मोठी वेलची (१), चक्रफुल (१)
मसाले: बिर्याणी/पुलाव मसाला (२ चमचे) किंवा गरम मसाला १ चमचा
इतर: तेल/तूप, कोथिंबीर, पुदिना आणि चवीनुसार मीठ.
लिंबू - १/२

कृती:
१. चिकन मॅरिनेट करा: एका भांड्यात चिकन घेऊन त्यात दही, आलं-लसूण पेस्ट, बिरयाणी मसाला आणि मीठ लावून ३० मिनिटे बाजूला ठेवा.
२. फोडणी द्या: कुकर किंवा मोठ्या पातेल्यात तेल आणि तूप गरम करा. त्यात सर्व खडे मसाले टाका. मसाले तडतडले की उभा चिरलेला कांदा व हिरव्या मिरच्या घालून कांदा सोनेरी होईपर्यंत परता.
३. चिकन शिजवा: मॅरिनेट केलेले चिकन फोडणीत टाका आणि ५-७ मिनिटे मध्यम आचेवर परता. चिकनचा रंग बदलला की त्यात थोडा पुदिना आणि कोथिंबीर टाका.
५. तांदूळ टाका: भिजवलेले तांदूळ (पाणी काढून) चिकनमध्ये हलक्या हाताने मिक्स करा.
६. पाणी आणि शिट्टी: २ वाटी तांदळासाठी साधारण साडेतीन ते ४ वाट्या गरम पाणी घाला. चवीनुसार मीठ तपासा (मॅरिनेशनमध्ये मीठ असल्याने जपून टाका).
७. दम द्या: कुकरचे झाकण लावून मध्यम आचेवर २ शिट्ट्या करून घ्या. जर पातेल्यात करत असाल, तर झाकण ठेवून मंद आचेवर १५ मिनिटे शिजवा.

रेसिपी नक्की करून बघा आणि रितिका सावंत किचनला नक्की फॅालो करा. 🙏🏻

19/01/2026

बिना मावा फक्त गाजर, दूध आणि साखर वापरुन छान दाणेदार, मऊसूत गाजरचा हलवा #गाजरचाहलवा

14/01/2026

सिझन स्पेशल गरमागरम गाजर हलवा. मावा न वापरता दाणेदार गाजर हलवा

#गाजरहलवा

13/01/2026

संक्रांत स्पेशल तिळगूळ । Sankrant Special Tilgul ladoo

साहीत्यः | Ingredients:

पांढरे अनपॅालिश तिळ - २५० ग्रॅम | white unpolished Sesame seeds - 250 gms
कच्चे शेंगदाणे- १०० ग्रॅम | Raw peanuts- 100 gms
सुके किसलेले खोबरे- १०० ग्रॅम | dry grated coconut- 100 gms
डाळे- ५० ग्रॅम | roasted gram daal - 50 gms
वेलची पूड- १ चमचा | Cardamom powder- 1 tspn
सुंठ पूड- १ चमचा | Ginger Powder- 1 tspn
जायफळ - १/४ चमचा | nutmeg - 1 tspn
चिक्कीचा गुळ - २५० ग्रॅम | chikki jaggery - 250 gms
तूप - १ चमचा | Ghee - 1 tbsn

कृतीः

१. शेंगदाणे भाजून घ्यावे. ते सोलून हलके कुटून घ्यावेत.
२. सुके खोबरे बदामी रंगावर भाजून घ्यावे.
३. पांढरे तीळ आणि डाळे एकत्र भाजून घ्यावेत.
४. वरील सर्व पदार्थ एकत्र करावेत.
५. त्यात वेलची पूड, सुंठ पूड आणि जायफळ घालून सर्व साहित्य एकजीव करावे.
६. कढईत तूप गरम करून त्यात गूळ घालून तो मंद गॅसवर वितळून घ्यावा.
७. गूळाचा १ थेंब साध्या पाण्यात घालून पहावा तो लगेच घट्ट होत असेल तर त्यात तयार केलेले मिश्रण घालावे आणि व्यवस्थित मिक्स करावे.
८. मिश्रण गरम असतानाच हाताला थोडे पाणी लावून पटापट लाडू वळावे.

रेसिपीचा पूर्ण विडीओ नक्कीच पहायचा!

12/01/2026

1 किलो एकदम सोपी आणि झटपट होणारी मऊसूत खुसखुशीत तिळगुळ वडी ।Tilgul Vadi Recipe

मऊ खुसखुशीत तीळाच्या वड्या | मऊ तिळगुळ वडी सर्वांत सोपी रेसीपी | Tilgul Vadi Recipe

तिळगूळ वडीसाठी लागणारे साहित्य/ Ingredients for Tilgul Vadi
कच्चे शेंगदाणे/ Raw peanuts- 200 gm / 1 cup
सफेद तिळ/white Sesame seeds- 250 gms
सुकं खोबरं/ Dry coconut- 50 gms
गूळ/ Jaggery- 500 gms
तूप/ghee - 2 tbsn
पाणी/ water - 1 tbsn
वेलची पावडर/cardamom powder- 1 tspn
जायफळ थोडेसे / nutmeg little bit


#तिळगूळ #तिळाच्यावड्या

खुसखुशीत तीळाच्या वड्या | दात नसणारेही खाऊ शकतील अशी मऊ तिळगुळ वडी सर्वांत सोपी | Tilgul Vadi Recipe
तीळ वडी रेसिपी, १ किलो तिळाची वडी, तिळाची चिक्की रेसिपी, तिळगुळाच्या वड्या, तिळगुळ वडी रेसिपी, तीळ चिक्की, संक्रांति स्पेशल तिळाची चिक्की, तीळ पापडी, मऊसूत तिळाच्या वड्या, बिना पिकाच्या तिळाच्या वड्या, तीळ लाडू, गजक रेसिपी, Tilachi Vadi Recipe, Tilgulachya Vadya, Tilgul Vadi Recipe, Lonavala Chikki Recipe, Sankranti Special Til Vadi, Mausut Tilachya Vadya, Bina Pakachi Tilagul Vadi, Til Wadi, Til Laddu, Til Chikki, Tilachi Bhakari, Ritika sawant kitchen Marathi, Gajak Recipe

12/01/2026

#भोगी
भोगीच्या दिवशी सगळ्या भाज्या घालून मिक्स भाजी केली जाते. या ऋतूमध्ये मिळणाऱ्या जास्तीतजास्त हंगामी भाज्या घालून ही भाजी केली जाते.
(How to make mix bhaji for bhogi?

साहित्य
मटार - १ वाटी
कोवळे हरबरे - अर्धी वाटी
ताजी तूर - अर्धी वाटी
वालाच्या शेंगा - पाव वाटी
भिजवलेले शेंगदाणे - अर्धी वाटी
घेवड्याच्या शेंगा - अर्धी वाटी
गाजराचे तुकडे - अर्धी वाटी
वांगं - १-२
बटाटा - १
कांदा - १
टोमॅटो - १
५ ते ६ बोरं

वाटण करण्यासाठी ः
२ चमचे किसलेलं खोबरं,
१ चमचा धने,
अर्धा चमचा जीरे,
२ चमचे पांढरे तीळ,
१० ते १५ लसूण पाकळ्या,
अर्धा चमचा आल्याचे तुकडे,

वरील सर्व साहित्य भाजून मग वाटून घ्यावे.

मसाले
२ टेबलस्पून कोथिंबीर,
चवीनुसार लाल तिखट
कांदा लसूण मसाला
गरम मसाला आणि मीठ

कृती
कढईत २-३ चमचे तेल गरम करावे.
त्यात कांदा घालून परतून घ्यावे.
हळद घालून मग सर्व भाज्या व बारीक चिरलेला टोमॅटो घालून परतून घ्यावे.
त्यात तयार मसाला व इतर मसाले घालून पुन्हा चांगले परतावे.
मग त्यामध्ये गरम पाणी व चवीनुसार मीठ घालून झाकण ठेवून भाजी शिजवून घ्यावी.
वरून कोथिंबीर घालावी.
ही भाजी तिळ लावलेल्या बाजरीच्या भाकरी सोबत खावी.

09/01/2026

23/12/2025