28/11/2025
वर्षातील काही दिवस असे येतात की माणसे + असलेले प्रचंड मोठे घर आणि मुळात म्हणजे वेळ अत्यंत कमी पडतो.आता बघा ना पावसाळा लवकर सुरू झाला त्यामुळे पापड करता आले नाहीत .त्यामुळे आहे तो स्टॉक संपला दिवाळी मध्ये.त्यातून पाऊस लांबला त्यामुळे ही वेळ झाला नाही पापड करायला . Rustic Holidays मधली मोठी दिवाळी मग त्यानंतर असलेले लग्न , एक मोठा event या सगळ्यामुळे एकंदरीतच सगळ्या Rustic Recipies - Rasmatru च्या कामांना ओढ बसली . आवळा केश तेल ,आवळा प्राश , आवळा लोणचे अगदी च संपले होते .जसा वेळ मिळेल तसे सगळ्यांची मोट बांधायला सुरुवात केली .काय होते ना आवळा तेल करायचे तर औषधे येतात कोल्हापूर हून , आवळा,दुधी , येतो चिपळूण हून , तेल येते संगमेश्वर हून .आता यातले एक जरी चुकले तरीही तेल करायचे थांबून राहील .त्यामुळे म्हटले मोट बांधावी लागते.सगळ्यांना हलवावे लागते सारखे.आणि मुख्य म्हणजे माणसे .त्यांना दम भरला पुढचे 15 दिवस तरी आता कोणीही सुटी घेऊ नका.पापड ,लोणची ,पिठे,चटण्या , आवळा तेल, च्यवनप्राश सगळे करायचे आहे .ह्यात पण एक मेख आहे ती अशी की सगळ्यांना सगळे जमते असे नाही.काही जणी फक्त चिरणे , भाजणे असेच करू शकतात काही जणी पॅकिंग करतात .काही जणी सगळे करू शकतात. मग तशी तशी कामाची विभागणी करणे क्रमप्राप्त होते. त्यातून आम्ही दोघे काही दिवस बाहेरगावी जाणार असल्याने बाकी कशाचा प्रश्न येत नाही पण येणाऱ्या ऑर्डर्स च नक्की येतो.इथे ऑर्डर घेणे ,त्या व्यवस्थित पॅकिंग करून पोस्टात टाकणं ही कामे फक्त आमची च असतात.ते कोणालाही जमत नाही. म्हणजे आम्ही बाहेर असताना हे काम थंडावते . प्रोडक्शन चालू असते .ती घडी आता बसली आहे व्यवस्थित.त्याची काळजी नसते.
तर सध्या चालू असलेले पदार्थ
रंग न वापरता केलेले पोहे पापड ,पोहे मिरगुंडे, पोहे कुरडई
नाचणी पापड ,नाचणी कुरडई
तांदूळ पापड, तांदूळ कुरडई ,साबुदाणा पापड्या
बरं हे सगळे हाताने बनवलेले असल्याने वेळही जास्त लागतो.
आवळा लोणचे ,आवळा केश तेल,आवळा प्राश,मिरची लोणचे .
तरीही लिंबे आली नाहीत त्यामुळे ती लोणची राहिली आहेत.
थालीपीठ भाजणी,मेतकूट, आंबोली पीठ, कुळीथ पीठ तयार झाले आहे.पॅकिंग करणे बाकी आहे.
आळशी चटणी ,पोह्याचे डांगर तयार झाले आहे.पॅकिंग राहिले आहे.
लाल तांदूळ दळून आला आहे. त्याचे पॅकिंग राहिले आहे.बारीक दळायला द्यायचा आहे.
झालेला भात अजूनही मोजण्याचा राहिलाच आहे .तो कोठारात भरणे बाकी आहे.सद्य परिस्थितीत 100 माणसे राहतील असे घर अपुरे पडत आहे.
त्यामुळे आज पॅकिंग करणाऱ्या बायकाना म्हटले आज प्रोडक्शन थांबवा आणि पॅकिंग करा.ती मोठाली पातेली बघून आणि एकंदरीत घर बघून मला गरगरायला व्हायला लागले आहे.
आता हे वाचून कोणाला काही हवे असल्यास खालील नंबर वर संपर्क जरूर करा.फक्त आता ऑर्डर मात्र 10 डिसेंबर नंतर खात्रीने मिळतील. काय आहे ना तुमच्यासारखे समजून घेणारे आहेत म्हणून आम्ही व्यवसाय करू शकतो .
Rustic Recipies -Rasmatru
What's app on 9579764907.
At Post Tural. Sangmeshwar.
